USAID Tunoze-Gusoma COURSE I

Imbumbanyigisho ya 2:  Kwigisha Gusoma no kwandika mu kiciro cya mbere cy’amashuri abanza 

Nk’uko tumaze kubimenyera, imbumbanyigisho iba igizwe n’inyigisho zitandukanye. Ni muri urwo rwego iyi mbumbanyigisho ya kabiri “Kwigisha Gusoma no kwandika mu kiciro cya mbere cy’amashuri abanza” igizwe n’inyigisho 3 ari zo: ihuzamajwi no gusoma ugemura, kumva umwandiko no gusoma udategwa. Buri nyigisho tuzayigarukaho mu buryo burambuye. 

 Ihuzamajwi no gusoma ugemura

Muri iyi nyigisho, muzasobanukirwa neza isano riri hagati y’Ihuzamajwi no gusoma ugemura, murarushaho gusobanukirwa n’icyo ihuzamajwi ari cyo ndetse n’ imyitozo y’ihuzamajwi ifasha mu kwigisha gutahura inyuguti, gusoma bagemura no guhuza imigemo. Muzasobanukirwa kandi n’uburyo bwo gusuzuma ubushobozi bw’ihuzamajwi.