Topic outline

  • Iriburiro

    Mu mwaka wa 2017, Ishami ry’Ikigo Gishinzwe Guteza Imbere Uburezi mu Rwanda (REB), Rishinzwe Gutegura Integanyanyigisho n’Imfashanyigisho, ryakoze isesengura ry’ibitabo by’Ikinyarwanda bikoreshwa mu mwaka wa mbere kugeza mu mwaka wa gatatu w’amashuri abanza. 

    Icyo gikorwa cyagaragaje ibyiza bikubiye muri ibyo bitabo n’ibice bikwiye kunozwa, kugira ngo bifashe abanyeshuri bo mu kiciro cya mbere cy’amashuri abanza kwiga gusoma no kwandika mu buryo buboneye. 

    Ni muri urwo rwego iki gitabo cy’umunyeshuri cyanditswe hashingiwe ku nteganyanyigisho ishingiye ku bushobozi, ubushakashatsi no ku buryo buboneye kandi bufasha abana kwiga gusoma no kwandika mu Kinyarwanda. 

    Ibi bizatuma abanyeshuri biyubakamo umuco wo gusoma bakiri bato. Ni ngombwa kandi ko ababyeyi bashishikariza abana gufata neza ibitabo byo gusoma. Imyitozo iri muri iki gitabo ishingiye ku nkingi eshanu zo kwigisha gusoma no kwandika nk’ishingiro ryo kwiga neza gusoma no kwandika mu buryo bwihuse. 

    Izo nkingi ni itahuramajwi, ihuzamajwi, inyunguramagambo, gusoma udategwa no kumva umwandiko. Ibikorwa byo kwandika na byo byashyizwemo nk’indi nkingi ibumbatiye ubushobozi abanyeshuri bakeneye mu myigire yabo. Buri munyeshuri azahabwa igitabo. Azajya agitahana mu rugo buri munsi. Ibi bizamufasha gusubiramo ibyo yize mu ishuri afashijwe n’ababyeyi, abavandimwe, abamurera cyangwa abandi bose babana mu rugo. 

    Ubushobozi bwo gusoma no kwandika bwiyongera iyo umunyeshuri abikoze mu gihe gihagije akaba ari yo mpamvu ari ngombwa ko abikora no mu gihe ari mu rugo. Iki gitabo kirimo ibimenyetso bifasha abanyeshuri kumenya ibigomba gukorwa kuri buri mwitozo. Ibi bifasha umunyeshuri kwikorera umwitozo mu gihe adafite umwerekera ndetse no mu gihe ataramenya kwisomera amabwiriza. 

    Abanyeshuri baba abasomyi beza iyo basoma kenshi. Ni muri urwo rwego hateganyijwe inkuru nyinshi abanyeshuri bisomera, zanditswe hashingiwe ku bihekane bigomba kwigwa, kugira ngo babone umwanya uhagije wo kwimenyereza gusoma. Izo nkuru kandi zijyanye n’amashusho yakoreshejwe kugira ngo afashe abanyeshuri kongera ubushobozi bwo kumva umwandiko, gutahura icyo inkuru iri buvugeho cyangwa gusubiza ibibazo ku nkuru basomye.

    Kwigisha inyunguramagambo na byo byarateganyijwe muri izo nkuru kandi ni ngombwa kuzigisha kuko iyo abanyeshuri basobanukiwe amagambo menshi bibafasha kumva neza umwandiko. Nk’uko byavuzwe haruguru, muri iki gitabo harimo kandi imyitozo myinshi yo kwandika izafasha abanyeshuri kwandika ibihekane, imigemo, amagambo ndetse n’interuro. 

    Iyi ni imwe mu myitozo ababyeyi baheraho bagafasha abana mu gihe bari mu rugo. Iki gitabo gikubiyemo imyitozo y’isubiramo n’isuzumabushobozi ku bimaze kwigishwa. Ibi bikazafasha abarimu n’ababyeyi kumenya ubushobozi bw’abanyeshuri babo, bityo bakabasha kubafasha no kubakurikirana bitewe n’ikigero barimo. Twizeye ko iki gitabo nigikoreshwa neza kandi buri gihe, kizafasha abanyeshuri guhinduka abasomyi beza.


    Itonde ry’inyuguti z’Ikinyarwanda mu mukono


    • Umutwe wa mbere: Umuco w’amahoro

      Isubiramo


      Isubiramo



      6. Soma agakuru gakurikira maze usubize ibibazo. 

      Gugu na Karabo



      Karabo ari mu rugo ku kagoroba.

      Arababara kubera kubura abo akina na bo.

      Abona akanuma Gugu kararira amagi.

      Karabo akereka uburo karamanuka.

      Karabo akina na Gugu akira umubabaro.

           

           a) Ni iki gituma Karabo ababara?

           b) Ni iki Karabo yereka akanuma?

           c) Ni nde ukina na Karabo? 

      Isubiramo



      5. Soma agakuru gakurikira maze usubize ibibazo.

       Tubareke basome


      Vuguziga yahuye na Tetero agiye mu isomero.

      Vuguziga asaba Tetero kumuherekeza mu isomero.

      Tetero amusubiza ko abamurera bamuhaye imirimo.

      Vuguziga arabasura, abasaba kureka Tetero akigira gusoma. 

      Baramureka, akurikira Vuguziga mu isomero anezerewe.

             a) Vuguziga yahuye na Tetero agiye he?

             b) Tetero yakurikiye Vuguziga bajyana he?

             c) Vuguziga na Tetero bagiye gukora iki mu isomero?

      Isubiramo



      5. Soma agakuru gakurikira maze usubize ibibazo. 

      Ineza ya Rusake


      Gahene yakinaga na Rusake iwabo i Jali.

      Babona ikirura, Rusake agurukira mu ipapayi.

      Gahene we yuriye biramunanira, asigara acaracara ahebeba. 

      Rusake asaba Gahene kudahebeba, yiyemeza kumuzamura.

      Rusake akurura Gahene, ikirura kiraheba.

                     a) Gahene na Rusake bakoraga iki? 

                     b) Rusake yasabye Gahene gukora iki? 

                     c) Rusake yakoreye iki Gahene?

      Isubiramo


      5. Soma agakuru gakurikira maze usubize ibibazo. 

      Igihembo gishimishije


      Kanyange yagize amanota ashimishije bamuhembaagakwavu. 

      Ndizihiwe amusaba ko bakagurisha bakagura amacunga. 

      Kanyange amusubiza ko akorora kakazamuha utundi dukwavu. 

      Ndizihiwe biramushimisha amusezeranya kuzamufasha kukahirira

      Agakwavu karororoka, Kanyange yoroza Ndizihiwe.

              a) Kanyange yahawe ikihe gihembo?

              b) Ndizihiwe yasabye iki Kanyange?

              c) Kanyange yakoreye iki Ndizihiwe?

      Kwandika inyuguti mu mukono





      Kwandika inyuguti mu mukono





      Igihekane ts/Ts


      5. Soma interuro zikurikira.

                  a) Karamutsa yakomeretse ku gitsi.

                               b) Matsiko yariye umutsima.

                               c) Bisetsa arasetsa Baributsa.

      6. Soma agakuru gakurikira maze usubize ibibazo.

      Tubane mu mahoro


      Kamatsiko yarimo kwahirira agakwavu ke.

      Muri ako kanya Kamanutsi aramusagarira amutera

      ibikatsi. Kamatsiko yazamutse amusanga ngo

      amubaze ikibimuteye. Kamanutsi amubonye ariruka

      aratsikira anakomereka ku gitsi. Kamatsiko yegura

      Kamanutsi bakomeza kubana mu mahoro.

             a) Ni nde warimo kwahirira agakwavu ?

             b) Ni nde wasagariye undi?

             c) Kamanutsi yakomeretse he?


      10. Tondeka aya magambo ukore interuro, uzandike mu mukono.

      a) muremure – umusatsi – Kamatsiko - afite. 

      b) ku - Rutsobe - gitsi - yakomeretse. 

      c) Gatsibo - i - atuye - Bisetsa.

      Igihekane nz/Nz


      5. Soma interuro zikurikira.

               a) Gatsinzi afite inzu nziza.

                             b) Muganza yabonye inzukira mu nzuri.

                             c) Nzaramba arasiza ikibanza.





























      • Umutwe wa kabiri: Inshingano z’abana



        • Umutwe wa gatatu: Uburenganzira bw’umwana

          Igihekane my/My

          1. Erekana amashusho arimo ijwi .
          2. Erekana igihekane my/My.

          3. Soma imigemo ikurikira. 


          4. Soma amagambo akurikira.

          5. Soma interuro zikurikira. 

          6. Soma agakuru gakurikira maze usubize ibibazo.

          Umusaza Myasiro

          Umusaza Myasiro akunda abana cyane. 

          Akunda kwicarana na bo abavugiriza umwirongi. 

          Akabaha umwanya wo kwidagadura bagakora imyiyereko. 

          Iyo imyidagaduro irangiye, abakamyi bazanira abana amata.  

          Myasiro na we akabaha imyungu bakarya bishimye. 

          Barangiza buri wese akamuha imyembe agataha anezerewe.

              a) Ni nde ukunda abana? 

              b) Ni bande bazanira abana amata?

              c) Ni ibiki Myasiro aha abana?

          7. Soma kandi wandike mu mukono wigana igihekane gikurikira.

          8. Soma kandi wandike mu mukono wigana amagambo akurikira.

          9. Soma kandi wandike mu mukono wigana interuro ikurikira.

          10. Tondeka aya magambo ukore interuro, unazandike mu mukono.
                a) imyuga – yiga - Myiyereko.

               b) ararya – Myato - imyembe.

              c) makumyabiri - myumbati - ni - Iyi.

          Igihekane nk/Nk

          1. Erekana amashusho arimo ijwi nk.


          2. Erekana igihekane nk/Nk.

          3. Soma imigemo ikurikira. 

          4. Soma amagambo akurikira.

          5. Soma interuro zikurikira. 

          6. Soma agakuru gakurikira maze usubize ibibazo. 

          Yabatoje kuba intore


          Kankindi aharanira ko abana bava mu bwigunge.

          Abana bo muri Gikonko yarabatoje baba intore. 

          Baramamaye muri Gikonko no mu nkengero zayo. 

          Baherutse ku Nkombo bahamiriza nta nkomyi. 

          Bahatambukana umucyo bahabwa inka nziza. 

          Iyo nkuru yamamaye muri Gikonko na Nkombo.

              a) Ni iki Kankindi aharanira?

              b) Abana Kankindi yatoje baherutse guhamiriza he?

              c) Ni iki bahawe nyuma yo guhamiriza?

          7. Soma kandi wandike mu mukono wigana igihekane gikurikira.

          8. Soma kandi wandike mu mukono wigana amagambo akurikira.

          9. Soma kandi wandike mu mukono wigana interuro ikurikira. 

          10. Tondeka aya magambo ukore interuro, unazandike mu mukono.

                 a) yikoreye - inkangara - Nkuranga.

                 b) zirororoka - Inkoko - cyane - za - Ayinkamiye.

                 c) inkende - Kankuyu - arareba .

          Imyitozo

          1. Erekana amashusho arimo amajwi my/nk.

          2. Soma amagambo akurikira

          3. Soma interuro zikurikira. 

          4. Soma kandi wandike mu mukono wigana amagambo n’interuro bikurikira. 

          5. Huza ibice by’amagambo bikurikira ukore ijambo, uryandike mu mukono. 

          6. Toranya imigemo iri ku murongo utambitse ukore ijambo unaryandike mu mukono.

          Urugero: imyumbati

          7. Soma agakuru gakurikira maze usubize ibibazo. 

          Nkima yemerewe gukina

          Rimwe Nkende yagiye kureba Nkima ngo bikinire. 

          Nkima arabyishimira, afata umupira ngo bagende. 

          Ababyeyi ba Nkima  baramubuza ngo atanduza imyambaro. 

          Nkima ababwira ko gukina bituma bidagadura. 

          Nkende yungamo ko gukina bituma basabana

          Ababyeyi ba Nkima bisubiraho, baramureka arakina.

            a) Nkende yagiye kureba Nkima ngo bakore iki?

            b) Kuki ababyeyi ba Nkima bari bamubujije gukina?

            c) Nkima na Nkende bavuze ko imikino imara iki?

          Igihekane nj/Nj

          1. Erekana amashusho arimo ijwi nj.

          2. Erekana igihekane nj/Nj.

          3. Soma imigemo ikurikira. 

          4. Soma amagambo akurikira.

          5. Soma interuro zikurikira. 

          6. Soma agakuru gakurikira maze usubize ibibazo. 

          Yasubiye mu muryango

          Nganji yavuye ku isoko i Janja hakonje.

           Asanga Nkuranga ku muhanda ajunjamye atitira. 

          Yakanjakanjaga injanga yatoraguye mu myanda. 

          Abwira Nganji ko yifuza kuva mu nzererezi. 

          Nganji amugeza i Janja ku buyobozi bumwegereye.

          Uwita ku mibereho myiza amusubiza mu muryango.

                a) Ni hehe Nganji yari avuye?

                b) Nkuranga yabwiye Nganji ko yifuza iki?

                c) Ni iki uwita ku mibereho myiza yakoreye Nkuranga?

          7. Soma kandi wandike mu mukono wigana igihekane gikurikira.

          8. Soma kandi wandike mu mukono wigana amagambo akurikira.

          9. Soma kandi wandike mu mukono wigana interuro ikurikira. 

          10. Tondeka aya magambo ukore interuro unazandike mu mukono.

                a) uruhinja - akikiye - Kanyanja.

                b) injanga - Yamubujije - gukanjakanja.

                c) irakonje - ya - Nganji - Inzu.

          Igihekane mv/Mv

          1. Erekana amashusho arimo ijwi mv.

          2. Erekana igihekane mv/Mv.

          3. Soma imigemo ikurikira

          4. Soma amagambo akurikira


          5. Soma interuro zikurikira. 

          6. Soma agakuru gakurikira maze usubize ibibazo. 

          Samvura yakiriwe mu muryango

          Samvura yabaga mu kigo kirera abana i Gishamvu. 

          Umuvumvu Kanyanja amwakira mu muryango. 

          Kanyanja amurera neza kandi amurinda imvune. 

          Samvura na we amubera umwana mwiza wumvira. 

          Yakundaga gufasha Kanyanja mu gihe ahakura

          Akumva ashaka kuzaba umuvumvu nka Kanyanja.

                a) Umuvumvu Kanyanja yareraga ate Samvura?

               b) Samvura yabereye Kanyanja umwana umeze ute?

               c) Samvura yifuzaga kuzaba iki?

          7. Soma kandi wandike mu mukono wigana igihekane gikurikira.

          8. Soma kandi wandike mu mukono wigana amagambo akurikira.

          9. Soma kandi wandike mu mukono wigana interuro ikurikira. 

          10. Tondeka aya magambo ukore interuro unazandike mu mukono.

               a) imvi - Uyu - afite - muvumvu.

               b) Imvaho - arasoma - Mvejuru.

               c) atinya - Samvura - imvubu.

          Imyitozo

          1. Erekana amashusho arimo amajwi nj/mv.

          2. Soma amagambo akurikira.

          3. Soma interuro zikurikira. 

             a) I Janja haguye imvura.

             b) Ribanje ni umuvumvu.

          4. Soma kandi wandike mu mukono wigana amagambo n’interuro bikurikira. 

          5. Huza ibice by’amagambo bikurikira ukore ijambo unaryandike mu mukono. 

          6. Toranya imigemo iri ku murongo utambitse ukore ijambo unaryandike mu mukono. 

          Urugero: kujenjeka

          7. Soma agakuru gakurikira maze usubize ibibazo. 

           Umuryango wa Ribanje

          Ribanje bamureze neza kuva ari uruhinja

          Se Nkubana na nyina Nyamvura bamwitagaho cyane. 

          Birinze kujenjeka mu kumurera bamuha uburere bwiza. 

          Bamuguriraga imyambaro myiza, bakamurinda imyanda.  

          Bamufashaga no gukina imikino yose yumvaga imushimishije.  

          Ribanje yakuze yisanzuye, yumva yishimiye umuryango we. 

             a) Ni nde bareze neza kuva akiri uruhinja?

             b) Ni bande bitaga kuri Ribanje?

             c) Kuki Ribanje yakuze yishimiye umuryango we?

          Isuzuma risoza umutwe wa gatatu

          1. Soma amagambo akurikira.

          2. Soma interuro zikurikira.

          3. Soma kandi wandike mu mukono wigana amagambo akurikira. 

          4. Soma kandi wandike mu mukono wigana interuro ikurikira.

          5.  Toranya imigemo iri ku murongo utambitse ukore ijambo unaryandike mu mukono.

          6. Tondeka neza aya magambo ukore interuro unazandike mu mukono.

             a) Murinja - imvura – Ayinkamiye - yugamye - I.

             b)iboneye - Injijuke - imvugo - zikoresha.

          7. Soma agakuru gakurikira maze usubize ibibazo.

          Tubarere neza


          Turere abana neza, tubumve kandi tubabe hafi. 

          Tubarerere mu muryango uzira imvururu, bakurane umutuzo. 

          Tworore inka babone amata, inkongoro ibahore hafi. 

          Tubatoze kumvira bose, bagire imyitwarire myiza. 

          Tubatere inkunga bagane ishuri kuko bazavamo injijuke. 

          Tubarinde kujunjama bigunze, tubareke bakine bidagadure. 

              a) Turerere abana mu muryango umeze ute ?

              b) Kuki abana bagomba kugana ishuri?

              c) Ni iki tugomba kurinda abana ?

          • Umutwe wa kane: Imiyoborere myiza



            • Umutwe wa gatanu: Isuku




                         



                    

                 







                

                           

                 











                   

                     

               

                 


                                 







                       
              • Umutwe wa gatandatu: Itumanaho n’ikoranabuhanga



                • Umutwe wa karindwi:Iterambere
















































































                  • Umutwe wa munani:Ubuzima



                    \



































































                    • Imyandiko y’inyongera

                      Imivugo
                      1. Amahoro i Rwanda

                      Dukunde amahoro

                      Turwanye urwango

                      Amahoro aganze

                      Iwacu i Rwanda.


                      Kugira urukundo

                      Ntitukabyange

                      Amahoro aganze

                      Mu rwa Gasabo.


                      Bana mwese

                      Mukunde u Rwanda

                      Amahoro aganze

                      Iwacu i Rwanda.


                      2. Bwiza wacu

                      Bwiza wacu

                      Umukobwa ukwiye

                      Ufasha ababyeyi.

                      Uturimo twose.


                      Afata utweyo

                      Ubwo agakubura

                      Utwanda twose

                      Akanaga hirya.


                      Amesa utwenda

                      Tugacya rwose

                      Bwiza wacu

                      Icyatwa iwacu.


                      3. Tumurerere mu muryango

                      Umwana Nkuranga

                      Yataye ishuri

                      Kubera ababyeyi

                      Rurema yatwaye.


                      Nta myambaro atunga

                      Yambara injamba

                      Iyo imvura iguye

                      Imunyagira yose.


                      Umuvumvu Nkoronko

                      Yaramubonye

                      Arimo arya imvuzo

                      Amutwara iwe bwangu.


                      Amutekera injanga

                      Amukiza amavunja

                      Amwambika neza

                      Nkuranga aratuza.


                      Aba mu muryango

                      Amasomo aratsinda.


                      4. Ukuri kurakiza

                      Nikuzwe w’i Mpanda

                      Yatumwe umujyojyo

                      Ageze kuri Pfunda

                      Amafaranga yajyanye

                      Ayigurira imigati.


                      Nikuzwe arataha

                      Asanga umusaza

                      Se yicaye hanze

                      Yogosha ubwanwa

                      Amubwiza ukuri kose.


                      Sinaguze umujyojyo

                      Niguriye imigati

                      None rero mubyeyi

                      Ngusanze ntakamba

                      Ngo uce inkoni izamba.


                      Se amureba mu maso

                      Avugana urukundo.

                      Ati : ‘‘Mwana wange

                      Ukuri ntikwica

                      Dore icara utuze.’’


                      5. Gwaneza arakeye

                      Gwaneza arakeye

                      Yatojwe kugenda

                      Asa neza mu bandi.


                      Umubyeyi umubyara

                      Yamutoje gukaraba

                      Imbyiro zigahunga.

                      Gwaneza arakeye

                      Asokoza buri munsi

                      Ntatunga ubujwiri.


                      Ishyaka rimuranga

                      Asukura aho arara

                      Icyumba ke kikera

                      Ni byinshi adutoza

                      Iyo turi ku ishuri

                      Twese turamushima.


                      6. Dore ikoranabuhanga!

                      Ikoranabuhanga

                      Ni rudasumbwa

                      Rikundwa na bose

                      Rikamenywa na benshi.


                      Tereviziyo yange

                      Injyana hose

                      Imbwira byinshi

                      By’iwacu i Rwanda.


                      Inyereka Nyungwe

                      Nkabona Gishwati

                      N’ibiti byiza

                      Bivura indwara.


                      Iyo nshaka

                      Amafoto meza

                      Mfata terefone

                      Ngafotora abantu

                      Ngafotora ibintu.


                      Iyo nkoresha interineti

                      Nge menya byinshi.

                      Menya abakinnyi beza

                      B’ibihugu byose.


                      7. Dutembere u Rwanda

                      Nitwa Ntaganzwa

                      Ntuye i Matyazo

                      Nasuye ibyiza

                      Bitatse uru Rwanda.


                      Nasuye Nyungwe

                      Mbona inyoni nyinshi

                      Zirimo inkware

                      Mbona ibiti byiza

                      By’amahwa menshi.


                      Nageze mu Birunga

                      Mbona inyamaswa

                      Ingagi zikunzwe

                      Zirya inswa cyane.


                      Nasuye Burera

                      Nsura Ruhondo

                      Nambutswa neza

                      Rugenintwari

                      Angeza i Burera.


                      Namanutse imusozi

                      Nzamuka iyindi

                      Mba nguye hasi

                      Umubiri urapyoka

                      Nsoza urugendo.


                      Namenye u Rwanda

                      Rutatswe imisozi

                      Rurimo amashyamba

                      Ibiyaga n’ibirunga.


                      8. Madwedwe

                      Umwana Madwedwe

                      Yabyirutse mureba

                      Adakunda ibirayi

                      Bivanzemo imbwija.


                      Ntiyaryaga utujanga

                      Ngo dukanuye amaso

                      Ntiyakundaga inshyushyu

                      Agahorera amazi

                      Ayasomeza ibijumba.


                      Bidatinze ararwara

                      Inda yose irabyimba

                      Amatama aratumba

                      Imisatsi iba injwiri.


                      Nyina aravugishwa

                      Ngo arwaye igifwana

                      Igisyo kiramujyanye.


                      Mukuru we w’intyoza

                      Abasaba kumuvuza

                      Ngo barebe icyo arwaye.


                      Basanze Madwedwe

                      Azonzwe na bwaki

                      Bamuhata ibirayi

                      Bivanzemo imbwija

                      Bivanzemo injanga

                      Ngo atazicwa na bwaki.


                      Madwedwe arariye

                      Aba abonye indyo nyayo

                      Madwedwe aratoshye

                      Aba umwana ushamaje

                      Unakeye mu bandi.


                                                              Indirimbo

                      1. Umwanda wose urica

                      Umwanda wose urica, bana mubimenye.

                      Urwaza abantu benshi, namwe muwirinde.

                      Muzage mukunda, gukaraba neza.

                      Muzamere rero, nk’abana barezwe.


                      Mbyutsa mu gitondo, nkarabe umubiri.

                      Nsobanura byose, nge nirinda umwanda.

                      Untoze n’uburyo bwo gukora isuku`

                      Ibyo mbujijwe byose mbigendere kure.


                      Tubwire abana bose uko twirinda umwanda.

                      Turwanye ubugwari tunagira ishyaka.

                      Tuzage dukunda, gukaraba neza.

                      Tuzamere rero nk’abana barezwe.


                      2. Akanyamanza

                      Mbe kanyamanza keza

                      Ko mbona wishimye

                      Ni iki cyabiguteye

                      Ngo natwe tugufashe?


                      Erega ni ko mpora

                      Mwa banyeshuri mwe

                      Iyo mbona mukina

                      Numva nabakinamo!


                      Uge uza twikinire

                      Ntabwo tujunjama

                      Wenda wazatwigisha

                      Kuguruka nka we.