Forum: 1File: 1URLs: 3
Topic outline
- General
- IGICE CYA MBERE: INTANGIRIRO RUSANGEIGICE CYA MBERE: INTANGIRIRO RUSANGELabel: 1IGICE CYA MBERE: INTANGIRIRO RUSANGE
1.1. Imiterere y’inyoborabarezi
Iyi nyoborabarezi igenewe umwarimu wigisha isomo rya Muzika mu mwaka wa kabiri w’amashuri abanza. Iyi nyoborabarezi yanditswe ihereye ku nteganyanyigisho y’ubugeni n’ubuhanzi ishingiye ku bushobozi yateguwe n’Ikigo Gishinzwe Guteza Imbere Uburezi mu Rwanda (REB) mu mwaka wa 2015.
Iyi nyoborabarezi igizwe n’imitwe itatu (3), buri mutwe usozwa n’isuzuma rusange rizafasha umwarimu gusuzuma ubushobozi bw’abanyeshuri kugira ngo arebe ko ari ngombwa guhita atangira undi mutwe cyangwa se ko agomba gusubira mu masomo atarumvikanye neza. Uyu mutwe ugizwe n’amasomo atanu. Muri iyi nyoborabarezi, umwarimu yateganyirijwe isomo ntangarugero rimufasha gutegura no gutanga
amasomo ye uko bikwiye.Muri iyi nyoborabarezi harimo imyitozo inyuranye igamije gusuzuma ubushobozi bw’umunyeshuri nyuma ya buri somo. Icyakora imyitozo iri mu gitabo si kamara:
umwarimu yayiheraho agashaka indi akurikije ikigero abanyeshuri bagezeho n’aho ishuri rye riherereye.Twizeye ko iyi nyoborabarezi izafasha umwarimu kwigisha neza isomo rya Muzika, gukundisha abanyeshuri kuririmba, ari na byo bizabafasha kongera ubumenyi n’ubushobozi basanzwe bafite nk’uko bigaragara mu masomo atandukanye bazigishwa, byose bigamije gukuza impano bafite, zikazabagirira akamaro mu buzima bwabo bw’ejo hazaza.
1.2. Imyigire n’imyigishirize
1.2.1. Guteza imbere ubushobozi
Guhera mu mwaka wa 2015 mu mashuri y’inshuke, abanza n’ayisumbuye u Rwanda rwasezereye imyigire n’imyigishirize yari ishingiye ahanini ku bumenyi rwinjira mu myigire n’imyigishirize ishingiye ku bushobozi bukomatanya ubumenyi, ubumenyi ngiro n’ubukesha. Bityo imyigire n’imyigishirize yahaga umwarimu umwanya munini isimburwa n’iha abanyeshuri uruhare runini ubumenyi, ubumenyi-ngiro n’ubukesha bimufasha gushyira mu bikorwa ibyo yize no gutanga ibisubizo by’ibibazo ahura na byo mu buzima bwe n’ubw’abandi.
Mu myigire ishingiye ku bushobozi abanyeshuri ni bo bahabwa uruhare runini mu myigire yabo. Umwarimu ahera ku byo abanyeshuri basanzwe bazi kandi bafitiye ubushobozi, akabafasha kuvumbura ibindi bungurana ibitekerezo mu matsinda yabo. Iyo abanyeshuri bakorera mu matsinda umwarimu agenda abayobora atanga ubufasha ku babukeneye.
Iyo barangije kungurana ibitekerezo mu matsinda, bamurika ibyo bagezeho, nyuma bagafatanya n’umwarimu kunonosora iby’ingenzi basigarana. Abanyeshuri ntibagomba gufatwa nk’aho nta cyo bazi.Umwarimu ntagomba kumva ko ari we ufite ubumenyi agomba kubapakiramo.
Uretse ubushobozi bwihariye bukubiye mu isomo, abanyeshuri biyunguramo ubushobozi nsanganyamasomo bageraho bitewe n’aho bigira n’ubuzima busanzwe babamo. Izi ni zimwe mu ngero z’ubushobozi nsanganyamasomo abanyeshuri bashobora kungukira mu isomo rya Muzika:Ubushishozi no gushakira ibibazo ibisubizo:
Ubu bushobozi buzafasha umunyeshuri gutekereza ahanga no gushyira mu gaciro ku buryo bwaguye, bituma abonera ibisubizo ibibazo ahura na byo mu buzima bwa buri munsi.
Guhanga udushya:
Kunguka ubu bushobozi bizafasha umunyeshuri gufata iya mbere agatekereza ahereye ku byo azi, maze agahanga ibintu bishya birimo no kuba yahanga indirimbo ifite ubutumwa bushishikariza abantu umurimo no guhanga udushya mu byo bakora.
Ubushakashatsi:
Ubu bushobozi buzafasha umunyeshuri gukemura ibibazo ahereye ku makuru no ku bumenyi busanzweho no gusobanura ibintu ahereye ku makuru yakusanyije.
Gusabana mu ndimi zemewe gukoreshwa mu gihugu:
Ubu bushobozi buzafasha abanyeshuri gusabana n’abandi nta mususu no gutanga ibitekerezo byabo ku buryo buboneye mu mvugo no mu nyandiko bakoresha imvugo n’amagambo bikwiye. Kubera iyo mpamvu, abarimu bose n’ubwo baba batigisha indimi, basabwa kugenzura ko abanyeshuri bakoresha uko bikwiye ururimi rwigishwamo.
Ubufatanye, imibanire n’abandi ikwiye n’ubumenyi ngiro mu buzima
bwa buri munsiUbu bushobozi buzafasha abanyeshuri gukorana n’abandi mu matsinda, mu kazi ako ari ko kose bahawe barangwa n’imyitwarire n’indangagaciro bikwiye, bubaha uburenganzira, ibitekerezo n’imyitwarire binyuranye n’ibyabo. Ibi bizafasha kandi abanyeshuri gukora ibikorwa bijyanye no kubungabunga ibidukikije, gukora ubuvugizi ku byerekeye ubuzima bwabo n’ubw’umuryango bita ku isuku n’imirire iboneye kandi na none bakemura ibibazo bahura na byo mu buzima.
Kwiga no guhora yiyungura ubumenyi
Kunguka ubu bushobozi bizafasha abanyeshuri kujyana n’igihe biyungura ubumenyi n’ubumenyi ngiro batarinze gufashwa muri byose. Ibi bizabafasha kandi kujyana n’iterambere bibanda ku bumenyi n’ubumenyi ngiro bikenewe.
1.2.2. Kwita ku ngingo nsanganyamasomo
Iyi nyoborabarezi y’umwaka wa kabiri iteguye ku buryo hagaragaramo ubushobozi nsanganyamasomo bukurikira: umuco w’amahoro, ubuzima bw’imyororokere, uburinganire n’ubwuzuzanye bw’ibitsina byombi, uburezi budaheza, uburere mbonezabukungu, ubuziranenge, kwita ku bidukikije no kurwanya jenoside.
Iyo umwarimu yigisha agomba kwita ku myitozo ikubiyemo ubu bushobozi nsanganyamasomo kugira ngo intego zabwo zigerweho. Zimwe mu ngero z’ingingo nsanganyamasomo zizibandwaho mu isomo rya Muzika ni izi zikurikira:
Umuco w’amahoro
Umuco w’amahoro ugaragara mu gihe uwarimu yigisha indirimbo: abanyeshuri bihatira gutega amatwi batuje, nta kumuvugiramo cyangwa kuvunda. Ugaragara kandi mu gihe abana bakorera mu matsinda bahana ibitekerezo mu bwubahane.
Uburinganire n’ubwuzuzanye bw’ibitsina byombi
Bigaragara mu gihe uwarimu ahuza abanyeshuri b’abakobwa n’abanyeshuri b’abahungu mu matsinda kugira ngo baririmbire hamwe. Icyo gihe, asaba abanyeshuri gukora amatsinda atarobanura ku gitsina kandi akanabaha amahirwe angana mu gutanga ibisubizo, ibitekerezo n’ubundi bwunganizi.
Uburezi budaheza
Mu gihe mu ishuri harimo abana bafite ubumuga butandukanye, umwarimu abitaho kimwe na bagenzi babo batabufite. Abakeneye ubufasha bw’umwihariko abubaha uko ashoboye, kandi agakangurira abandi banyeshuri kubafasha nta kubaheza cyangwa kubanena.
Uburere mbonezabukungu
Aha, umwarimu yigisha abanyeshuri Muzika nk’isomo rizabagirira akamaro mu byerekeranye no kuba hari icyo bakwinjiza kijyanye n’umutungo, nk’uko hari abahanzi benshi bazwiho kuba binjiza amafaranga, bayakuye mu kuririmba ahantu hatandukanye: mu minsi mikuru, mu bitaramo n ahandi
1.2.3. Kwita ku banyeshuri bafite ibyo bagenerwa byihariye mu myigire
Mu ishuri, umwarimu asabwa kwita ku bafite ibibazo byihariye kugira ngo bashobore kujyana n’abandi. Iyo umwarimu avuga, arangurura ijwi kugira ngo afashe abatumva neza. Ashobora kandi no kubicaza hafi, akabasaba kumureba avuga, agakoresha ibishushanyo aho bishoboka hose, agakoresha ibimenyetso n’amarenga uko abishoboye.
Abatabona neza abicaza akurikije imiterere y’ubumuga bwo kutabona bafite byaba ari imbonahafi cyangwa imbonakure. Bityo abafite imbonahafi abicaza hafi naho abafite imbonakure akabicaza ahitaruye. Abafite ubumuga bw’ingingo z’umubiri, umwarimu abashakira umwanya bicaramo ubafasha mu myigire yabo.
Abafite ubumuga bw’ingingo, Umwarimu abaha amahirwe yo gukora ibyo bashobora gukora. Urugero: umunyeshuri ufite ukuboko kumwe, mu ndirimbo zisaba gukoma amashyi, igihe abandi bakoma amashyi, we akoma ku ntebe ajyana n’abakoma amashyi.
Abafite ubumuga bwo mu mutwe umwarimu atangira abafasha mu byo bakora ariko gahoro gahoro akagenda agabanya ubufasha abagenera. Umwarimu arabareka bagakorana n’abandi banyeshuri kandi akabatera umwete mu byo bagenda bageraho n’imbaraga bakoreshaAbanyeshuri bafite ubumuga bwo kutumva neza cyangwa bumva buhoro umwarimu ashobora kubafasha arangurura ijwi cyangwa akabaha udukoresho dutuma batarangara (utwumvisho: ecouteurs/ earphones) igihe abandi biga indirimbo.
Abagenda buhoro mu myigire yabo bagomba gushyirwa mu matsinda y’ababyumva kurusha abandi kugira ngo babazamure, kandi umwarimu akabibandaho ababaza n’iyo baba batazamuye ikiganza kugira ngo basubize. Bahabwa kandi imyitozo yihariye ituma bazamura ubushobozi bwabo.1.2.4. Isuzuma
Isuzuma ni igenzura ry’imyigire n’imyigishirize hakusanywa amakuru ajyanye n’uburyo buri munyeshuri yiga ndetse no gufata umwanzuro ku byo umunyeshuri yagezeho hashingiwe ku bipimo byagenwe mbere yo gukora isuzuma. Isuzuma rero ni igice k’ingenzi mu myigire n’imyigishirize. Isuzuma rigizwe n’ubwoko butandukanye ari bwo ubu bukurikira:
1.2.4.1. Isuzuma ryo kugorora imyigire n’imyigishirize
Mu isuzuma ryo kugorora imyigire n’imyigishirize hakoreshwa uburyo busanzwe bukoreshwa n’amashuri mu gusuzuma ko abanyeshuri biga uko bikwiye. Mu gihe umwarimu ategura isomo rye, agomba kugena n’ibipimo bigenderwaho mu gusuzuma ibyo abanyeshuri bize ndetse n’ubukesha bategerejweho bagitangira kwiga umutwe runaka. Umutwe urangije kwigwa, umwarimu asabwa kureba ko abanyeshuri bose bagaragaza uko bikwiye ubushobozi bw’ingenzi bugamijwe mu mutwe bashingiye ku bigenderwaho mu isuzuma, mbere y’uko batangira kwiga umutwe ukurikiraho.
Ubu bwoko bw’isuzuma muri iyi nyoborabarezi buri ukubiri: imyitozo y’isuzuma umwarimu agomba guha abanyeshuri nyuma y’ikigwa asuzuma ko intego z’isomo zagezweho, hakaba kandi n’imyitozo y’isuzuma rusange risoza umutwe ituma umwarimu afata umwanzuro wo gutangira undi mutwe.1.2.4.2. Isuzuma rigamije kumenya intera abanyeshuri bagezeho
Mu gihe isuzuma rikozwe mu rwego rwo kugira ikemezo gifatwa ku bijyanye n’ubushobozi cyangwa ibyo umunyeshuri ashoboye gukora, riba rigamije kureba intera umunyeshuri agezeho. Isuzuma rigamije kureba intera umunyeshuri agezeho rigaragaza ishusho y’ubushobozi umunyeshuri amaze kugeraho mu gihe runaka kihariye. Intego y’ibanze isuzuma rigamije ni ukureba intera umunyeshuri agezeho no kugenzura niba intego z’isomo zaragezweho.
Isuzuma ritegurwa hashingiwe ku ntego zihariye z’isomo cyangwa ku bigenderwaho mu isuzuma rya buri mutwe. Isuzuma riteguye ku buryo risaba umunyeshuri gushyira mu bikorwa ibyo yize. Cyakora hagenda hagaragaramo n’ibibazo bike bimusaba kugaragaza ubumenyi bw’ibyo yize. Mu itegurwa ry’iri suzuma ibibazo bikurikirana hashingiwe ku nzego z’intego z’imyigire n’imyigishirize zagenwe n’umuhanga mu
iyigandero Bloom. Ni ukuvuga ko ibibazo biri ku ntera zo hejuru ku rwego rw’intego ari byo bihabwa umwanya ugaragara muri iyi nyoborabarezi kurusha ibibazo bishingiye ku ntera zo hasi zijyanye n’ubumenyi.
Mu isomo rya Muzika, hibandwa cyane cyane ku isuzumabumenyingiro. Iri suzuma rifite agaciro gakomeye mu myigishirize y’isomo kuko buri mwitozo uha umwarimu umwanya wo kumenya intambwe buri munyeshuri yateye muri iryo somo, akaboneraho n’akanya ko gukosora ibitagenze neza. Ku rundi ruhande, buri munyeshuri abona umwanya wo gukora umwitozo wa wenyine cyangwa mu amatsinda.
Muri iyi nyoborabarezi, hateganyijwe ibibazo bibumbye amasomo yose yigishijwe mu mitwe yose igize isomo rya Muzika mu mwaka wa mbere. Igihe asuzuma mu isomo rya Muzika, umwarimu akwiye gushingira ku ngingo zikurikira:• Ijwi,
• Injyana
Ibimenyetso byigana indirimbo
• Gufata mu mutwe,
• Kutagira ubwoba imbere y’abandi,
• Guhuza imbamutima n’ibikubiye mu ndirimbo, n’ibindi1.2.5. Uburyo bw’imyigire y’abanyeshuri n’imiyoborere y’uburyo bw’imyigire
n’imyigishirizeHari uburyo butandukanye bw’imyigishirize n’uburyo bwo kuyigeraho. Guhitamo uburyo bw’imyigishirize bigomba kwitonderwa cyane kandi hari ibigomba kwitabwaho nk’umwihariko w’amasomo, ubwoko bw’amasomo, intego zayo, imfashanyigisho uburyo abanyeshuri bicaye mu ishuri, ibikenewe kuri buri munyeshuri, ubushobozi bwe n’uburyo bwe bw’imyigire. Hari uburyo bune bw’imyigire y’abanyeshuri busobanurwa mu buryo bukurikira:
a) Abanyeshuri b’umurava n’abanyeshuri b’abasesenguzi:
Abanyeshuri b’umurava basobanukirwa neza ikintu iyo bakiganiraho, bagishyira mu bikorwa cyangwa bagisobanurira abandi. Naho abanyeshuri b’abasesenguzi bo basobanukirwa ikintu ari uko babanje kugitekerezaho cyane.
b) Abanyeshuri bagendera mu murongo umwe n’abanyeshuri b’abacukumbuzi
Aba ba mbere bakunda ibintu bifatika. Bakemura ibibazo banyuze mu nzira zagenwe (ntibakunda ibibagora) mu gihe ab’abacukumbuzi bakunda guhanga ibishya kandi ntibakunda gusubira mu bintu bimwe.
c) Abanyeshuri bitegereza n’abanyeshuri babwirwa
Abanyeshuri bitegereza bagaragazwa no kwibuka neza ibyo babonye cyangwa bitegereje n’amaso yabo (ibishushanyo, amashusho, amafoto, amafirimi, n’ibindi...).
Abanyeshuri babwirwa bo, bagaragazwa no kumva neza ibyo babwiwe mu magambo (ibyandikwa n’ibivugwa).d) Abanyeshuri bumva intambwe ku yindi n’abanyeshuri bumva muri rusange
Abanyeshuri bumva intamwe ku yindi bo basobanukirwa binyuze mu gufashwa buhoro buhoro, berekwa isano iri hagati y’igice runaka n’ikikibanziriza cyangwa ikigikurikira, naho abanyeshuri bumva muri rusange bumva igitekerezo rusange cy’isomo, batagombye kwigora baryinjiramo ryose uko ryakabaye.
1.2.6. Imyigishirize iha uruhare umunyeshuri
Uburyo butandukanye bw’imyigire bwavuzwe haruguru bushobora kugerwaho mu gihe umwarimu akoresheje uburyo bw’imyigishirize iha uruhare umunyeshuri, aho abanyeshuri bagira uruhare rw’ibanze mu myigire yabo.
Imyigishirize iha uruhare umunyeshuri ni iki?
Ni uburyo bwinjiza abanyeshuri mu gukora no gutekereza ku byo bari gukora. Muri iyi myigire, abanyeshuri bashishikarizwa kuzana ibyo bashoboye n’ibyo bazi igihe bari kwiga.
Uruhare rw’umwarimu mu myigishirize ishingiye ku bushobozi
• Umwarimu afasha abanyeshuri akoresha uburyo bwo kubaza, uburyo bwo kuganira mu matsinda, ubushakashatsi, ibikorwa by’ubucukumbuzi n’imikoro ku giti cyabo.
• Akoresha abanyeshuri isuzuma bwite cyangwa mu matsinda yaguye iyo bari mu ishuri kandi agakoresha isuzuma rishingiye ku bushobozi.
• Aha abanyeshuri amahirwe yo kuzamura ubushobozi butandukanye bifitemo, abagenera ibyo gukora bizamura ubushishozi, ubushobozi bwo gukemura ibibazo, ubushakashatsi, guhanga ibishya, kuganira no
gufatanya.
• Umwarimu afasha ubu buryo bw’imyigire mu guha agaciro uruhare rw’abanyeshuri mu bikorwa byabo ku ishuri.
Uruhare rw’abanyeshuri mu myigire yabo.
Abanyeshuri nibo urufunguzo rw’imyigire ibaha uruhare mu myigire yabo. Ntabwo ari abo gufatwa nk’aho ntacyo bazi, ko umwarimu agomba kubapakiramo ibyo agomba kubaha, ahubwo akabafata nk’abantu buzuye ibitekerezo, ubushobozi n’ubukesha byo kubakiraho imyigire ihamye. Umunyeshuri wiga muri ubu buryo
• Aganira kandi asangiza abandi banyeshuri ibyo yifitemo binyuze mu kwerekana, kuganira n’abandi, mu mikoro y’amatsinda, no mu bindi bimuha uruhare (kwigana, ubushakashatsi, ubucukumbuzi...)
• Kugira uruhare rugaragara no kugira inshingano ku myigire ye.
•Kuzamura ubumenyi n’impano yifitemo, mu gukora.
• Gukora ubushakashatsi n’ubucukumbuzi binyuze mu gusoma ibiri mu bitabo cyangwa kuri murandasi no kubaza abantu batandukanye, hanyuma akabwira abandi ibyo yagezeho.
• Gutuma buri munyeshuri mu bagize itsinda rye agira uruhare mu mukoro watanzwe mu itsinda binyuze mu gutanga ibisobanuro, ubushishozi, inshingano no kwigirira ikizere mu gihe avuga mu ruhame.
• Gutanga umwanzuro ushingiye ku byagezweho mu kwiga.Ibice by’ingenzi by’isomo mu buryo bw’imyigishirize iha uruhare umunyeshuri
Ibiranga imyigire iha umunyeshuri uruhare byavuzwe haruguru bigaragara mu bice by’isomo bikurikira. Muri rusange, isomo rigabanyije mu bice bitatu by’ingenzi, aho buri gice na cyo kigabanyijemo ibikorwa byinjiza abanyeshuri mu gikorwa cyo kwiga. Ibyo bice ni ibi bikurikira:
1) Intangiriro
Intangiriro ni igice umwarimu yerekanamo ihuriro hagati y’isomo ry’uwo munsi n’isomo riribanziriza. Atangiza ikiganiro kigamije gufasha abanyeshuri gutekereza ku byo bize mu isomo ryabanje no kubihuza n’intego y’isomo ry’uwo munsi. Umwarimu yibanda ku bumenyi bw’ingenzi, ubumenyingiro n’ubukesha bifitanye isano n’ibyo mu isomo rishya mu rwego rwo kubaka ishingiro rihamye no gukurikiza neza uruhererekane.
2) Isomo nyirizina
Isomo nyirizina rikubiyemo inyigisho nshya rikorwa mu ntambwe nto zikurikira: ibikorwa by’ivumburamatsiko, kwerekana ibyo abanyeshuri bagezeho, kubibyaza umusaruro, gukora incamake n’imyitozo cyangwa kubishyira mu bikorwa, nk’uko bisobanurwa muri ubu buryo:
Ibikorwa by’ivumburamatsiko
Intambwe ya mbere:• Umwarimu asaba abanyeshuri kumenya ko uruhare rwabo mu myigire ari rwo rwa mbere.
• Abaha ibyo gukora akanababwira amabwiriza yose abigenga (niba barabikora mu matsinda yagutse, ya babiri babiri cyangwa niba ari buri muntu ukwe, kugira ngo bibafashe kuvumbura ubumenyi bugamijwe
gutangwa).Intambwe ya kabiri:
Umwarimu:
• aha umwanya abanyeshuri bagakora ibyo yabahaye mu matsinda.
• yirinda guhita asubiza abanyeshuri ku bijyanye n’ibyateganyijwe kwigwa uwo munsi.
• Agerageza kuba umuyobozi wabo ariko atabasubiriza ibibazo, ahubwo abayobora mu nzira igana ibisubizo, kandi agafasha abasigara inyuma.Kwerekana ibyo abanyeshuri bagezeho
• Muri aka gace, umwarimu atumira abahagarariye amatsinda bakaza kwerekana imbere y’abandi banyeshuri ibyo amatsinda yabo yagezeho.
• Nyuma y’uko amatsinda atatu cyangwa ane amaze kwerekana ibyo yagezeho, umwarimu asaba abanyeshuri bose kubyaza umusaruro ibyavuzwe n’amatsinda.Kubyaza umusaruro ibyagezweho n’abanyeshuri
• Umwarimu asaba abanyeshuri kugenzura umusaruro wavuye mu byakozwe: ibishyitse, ibituzuye neza n’ibitari byo.
• Nyuma umwarimu agerageza kumva ukuri kw’ibyavuzwe n’abanyeshuri, akabafasha gukosora ibyo bibeshye, akuzuza ibituzuye, akemeza ibishyitse.Umwanzuro/incamake/ingero
Umwarimu atanga incamake y’ibyizwe kandi agatanga n’ingero zisobanura neza ibyizwe.
• Imyitozo/gushyira mu bikorwa ibyizwe
• Hatangwa imyitozo igendanye n’ibyizwe mu ishuri
• Hatangwa kandi imyitozo ishingiye ku buzima bwa buri munsi ariko bufite aho buhurira n’ibyizwe mu ishuri.
Umwarimu afasha abanyeshuri guhuza ibyizwe n’ubuzima bwa buri munsi. Kuri iyi ntera, uruhare rw’umwarimu ni ukuyobora abanyeshuri mu gucengerwa n’ibyo bize.3) Isuzuma
Kuri iyi ntambwe, umwarimu abaza abanyeshuri bimwe mu bibazo agamije kureba niba intego z’isomo zagezweho. Muri iki gikorwa k’isuzuma, buri munyeshuri asuzumwa ku giti ke. Umwarimu yirinda guhita atanga ibisubizo, ahubwo ibivuye mu isuzuma biha umwarimu icyo azakorera abanyeshuri muri rusange n’umunyeshuri ku giti ke. Rimwe na rimwe, umwarimu ashobora gusoza isomo atanga umukoro wo mu rugo.
1.2.7. Ubushobozi bugamijwe ku munyeshuri urangije umwaka wa kabiri
Umunyeshuri urangije umwaka wa kabiri w’amashuri abanza azaba ashobora:
• Guherekeresha indirimbo amashyi n’ibikoresho byoroheje bivuzwa.
• Kuririmba indirimbo gakondo nyarwanda ziherekejwe n’umudiho.
• Kugereranya injyana zitandukanye z’indirimbo nyarwanda.
UMUTWE WA MBERE: KURIRIMBA INDIRIMBO Z’IMICO ITANDUKANYE
1.1Ubushobozi bw’ingenzi bugamijwe
Kuririmba indirimbo z’imico itandukanye hubahirizwa injyana zazo.
1.2 Ubushobozi shingiro
Kugira ngo intego z’uyu mutwe zigerweho, umunyeshuri agomba kuba afite ubushobozi shingiro bukurikira:
• Kwigana neza ijwi yumvise.
• Gutahura injyana z’indirimbo n’imbyino zinyuranye.
• Guherekeresha indirimbo amashyi n’umuyego yubahiza injyana.
• Kugorora no kunoza ijwi n’umubyimba.
• Kuririmba no kubyina mu ruhame.1.3 Ingingo nsanganyamasomo zivugwaho
1.3.1 Umuco w’amahoro
Mu ndirimbo harimo izivuga ku gushimangira imibereho n’imibanire myiza y’abantu.
Mu gihe umwarimu asobanurira abanyeshuri inyunguramagambo zijyanye n’imibanire myiza, nko gufashanya, gutabarana,g usura uwagize ibyago no kumufasha, kutabangamira abandi n’ibindi, agerageza kubaganiriza ku kamaro ko kubana neza n’abandi n’ingaruka mbi zo kutabana neza n’abandi by’umwihariko mu muryango nyarwanda.
1.3.2 Guha agaciro uburinganire n’ubwuzuzanye
Kugira ngo abanyeshuri bumve uburinganire n’ubwuzuzanye; umwarimu ahuza abanyeshuri b’abakobwa n’ab’abahungu mu matsinda mato atandukanye bakaririmbira hamwe. Asaba abanyeshuri gukora amatsinda adaheza akanabaha amahirwe angana mu gutanga ibisubizo, ibitekerezo n’ubundi bwunganizi.
1.3.3 Kwita kuri buri munyeshuri
Hari abanyeshuri bafite ubumuga butandukanye bw’ingingo. Umwarimu ageregaza kubegera akabafasha kandi akabashimira kuri duke bashoboye gukora.
1.4 Uburyo bwo kwinjira mu isomo
Umwarimu atanga umwitozo wo kuririmba hubahirizwa injyana y’indirimbo. Bashobora kuririmba umwe umwe ku giti ke cyangwa bakaririmba bari mu matsinda mato.
1.5 Urutonde rw’amasomo agize umutwe wa mbere
1.6 Ibiteganywa gukorwa mu kwigisha aya masomo
Mu ntangiriro:• Umwarimu yereka abanyeshuri amashusho cyangwa amafoto yateguye. Abanyeshuri babyitegereza batuje, nyuma akabasaba kuvuga ibyo babona kuri ayo mashusho cyangwa amafoto
• Umwarimu abaza abanyeshuri utubazo dutandukanye dushingiye kuri ya mashusho cyangwa amafoto, aganisha ku isomo ry’umunsi.Mu isomo nyir’izina:
• Umwarimu aririmba indirimbo nshya inshuro imwe yitoze, ashyiramo amarangamutima ashoboka. Icyo gihe, abanyeshuri baba bateze amatwi.
• Yongera gusaba abanyeshuri gutega amatwi bakumva neza amagambo avugwa muri iyo ndirimbo n’injyana yayo.
• Umwarimu kandi asaba abanyeshuri kuvuga niba hari amagambo bumvise badasobanukiwe.
• Asobanura amagambo akomeye, yaba ayo abanyeshuri batanze cyangwa andi we ubwe yateguye.
• Abanyeshuri basobanurirana muri make icyo iyo ndirimbo ivuga
• Umwarimu aririmba igika kimwe kimwe, abanyeshuri bagasubiramo. Iyo birangiye, asaba abanyeshuri kuririmba indirimbo yose akajyana n’abanyeshuri
• Umwarimu asaba abanyeshuri kuririmba bonyineMu isuzuma:
Mu isuzuma ryo kuririmba, umwarimu asuzuma ko umwana ashobora kuririmba adategwa, adasobanya indirimbo n’injyana. Asaba umwana umwe umwe kuririmba igice kimwe k’indirimbo. Bashobora no kubikorera mu matsinda
Isomo rya mbere: Indirimbo zivuga ku kurwanya ibiyobyabwenge
a)Intego zihariye:• Kwigana ijwi ry’indirimbo n’amagambo ayigize
• Kuririmbana n’abandi
• Gutinyuka kuvugira mu ruhame
• Kubana neza n’abandi
• Kwirinda no kwamagana ibiyobyabwengeb)Imfashanyigisho:
• Ibishushanyo bigaragaza ibiyobyabwenge bitandukanye (kanyanga siriduwili, urumogi, mayirungi n’ibindi) n’uburyo bwo kubirwanya (kubuza umuntu kubinywa, kubimena/kubitwika)
• Ibishushanyo, amashusho cyangwa amafoto bigaragaza abantu bari kubyina/gushayaya
• Ibikoresho bitandukanye byumvikanisha indirimboc) Uko isomo ritangwa:
i.Intangiriro• Umwarimu afasha abanyeshuri kujya mu matsinda
• Abasaba kuririmba indirimbo bazi.
• Hanyuma, abereka ibishushanyo, amashusho cyangwa amafoto (nk’uko biteganywa mu ntangiriro y’uyu mutwe), akababazaho utubazo dutandukanye.ii.Isomo nyirizina
Umwarimu yigisha abanyeshuri indirimbo ikurikira, yabanje kuyumva neza no kuyiga:
Indirimbo: Twamagane ibiyobyabwenge
Twamagane ibiyobyabwenge
Muze mwese twamagane ibiyobyabwenge
Tubirwanye dushize amanga
Tubirandure burundu.
Twamagane kanyanga
Twamagane urumogi
Twamagane siriduwiletwamaganye ibiyobyabwenge
Twamagane kanyanga
Twamagane urumogi
Twamagane siriduwile
Twamagane kole
Tubyamagane
Tubyamagane
Tubyamagane
Icyitonderwa: Aha, umwarimu afasha abanyeshuri gushyiramo ibindi biyobyabwenge bizwi mu gace babamo, mu njyana ya HIP HOPiii.Isuzuma
Isuzuma rikorwa mu byiciro bibiri: ibibazo bijyanye no kuririmba n’ibibazo ibijyanye n’insanganyamatsiko.
A.Kuririmba
Umwarimu atanga isuzuma ryo kuririmba, ari na ryo ryibandwaho cyane, agendeye ku mabwiriza y’isuzuma agenwa n’integanyanyigisho.
B.Ikibazo kiganisha ku nsanganyamatsiko y’indirimbo
• Vuga amwe mu mazina y’ibiyobyabwenge uzi.
Isomo rya kabiri: Indirimbo zivuga ku kurwanya uburara n’ubwomanzi
a)Intego zihariye:• Kwigana ijwi ry’indirimbo n’amagambo ayigize
• Kuririmbana n’abandi
• Gutinyuka kuvugira mu ruhame
• Kubana neza n’abandi
• Kwirinda no kwamagana ibiyobyabwengeb) Imfashanyigisho:
Ibikoresho bitandukanye byumvikanisha indirimbo
c) Uko isomo ritangwa:
i. Intangiriro• Umwarimu afasha abanyeshuri kujya mu matsinda
• Abasaba kuririmba indirimbo bize mu isomo riheruka.
• Nyuma ababaza ikibazo gikurikira:
Vuga amazina y’ibiyobyabwenge avugwa mu ndirimbo mwize mu isomo riheruka=Kanyanga, urumogi, siriduwile, kole… (n’ibindi biboneka mu gace k’iwabo)
ii. Isomo nyirizina
Umwarimu yigisha abanyeshuri indirimbo ikurikira, yabanje kuyumva neza no kuyiga:
Indirimbo: Twamagane ibiyobyabwenge
Twamagane ibiyobyabwengeMunyarwanda mwana w’u Rwanda
Twirinde ibiyobyabwenge,
Byica ubuzima bikabushegesha,
Igihugu cyacu, kikabura amaboko
Muze tubyamagane
iii. Isuzuma
Isuzuma rikorwa mu byiciro bibiri: ibibazo bijyanye no kuririmba n’ibibazo ibijyanye n’insanganyamatsiko.
A. Kuririmba
Umwarimu atanga isuzuma ryo kuririmba, ari na ryo ryibandwaho cyane, agendeye ku mabwiriza y’isuzuma agenwa n’integanyanyigisho.
B. Ikibazo kiganisha ku nsanganyamatsiko y’indirimbo
• Vuga impamvu ari ngombwa kwirinda ibiyobyabwenge.
Isomo rya gatatu: Indirimbo zishimangira imibereho n’imibanire myiza
y’abantu
a)Intego zihariye:• Kwigana ijwi ry’indirimbo n’amagambo ayigize
• Kuririmba no kubyina mu ruhame indirimbo wubahiriza injyana yayo
• Kugira imigenzo mbonezabupfura
• Gusobanukirwa n’umuco nyarwanda
• Kwigana injyana z’indirimbo n’imbyino zinyuranye zo mu muco nyarwanda
b)Imfashanyigisho:
• Ibishushanyo bigaragaza abantu babyina indirimbo z’imico itandukanye y’u Rwanda nk’ikinimba, umushayayo, igishakamba, ikinyemera n’iyindi.
• Ibishushanyo bigaragaza kurwanya ibiyobyabwenge, uburara n’ubwomanzi
• Telefoni cyangwa iradiyo byumvikanisha amajwi y’indirimbo
c) Uko isomo ritangwa:
i. Intangiriro• Gushyira abana mu matsinda
• Kubasaba kuririmba indirimbo iyo ari yo yose bazi ivuga ku kurwanya uburara n’ubwomanzi
umwarimu ahuza ibitekerezo n’ibisobanuro byavuye mu matsinda akabiha umurongoii. Isomo nyir’izina
Umwarimu yigisha iyi ndirimbo ikurikira ivuga ku kurwanya uburara n’ubwomanzi ishishikariza abana kurangwa n’ingeso nziza yabanje kuyumva no kuyiga neza kugira ngo ahitemo ijyanye n’icyo abanyeshuri bakeneye.
Indirimbo: Tugire ingeso nziza
Tugire ingeso nziza1.Bana nimuze twese tugire ingeso nziza,
Twirinde kugira uburara n’ubwomanzi,
twibuke ko turi Rwanda rw’ejo.
2.Niba tuvuye ku ishuri twihutire gutaha,
ntidutinde mu mayira hose si byiza,
twibuke ko turi Rwanda rw’ejo.
3.Twirinde gushukwa n’abandi batujyana mu ngeso mbi, Uburere bwiza dutozwa buri
gihe buturange,
twibuke ko turi Rwanda rw’ejo.
iii. Isuzuma
Isuzuma rikorwa mu byiciro bibiri: ibibazo bijyanye no kuririmba n’ibibazo ibijyanye n’insanganyamatsiko.
a. Kuririmba
Umwarimu atanga isuzuma ryo kuririmba, ari na ryo ryibandwaho cyane, agendeye ku mabwiriza y’isuzuma agenwa n’integanyanyigisho.
b. Ibibazo biganisha ku nsanganyamatsiko y’indirimbo
• Iyi ndirimbo iravuga ku yihe ngingo?
• Ni iki kivugwa muri iyi ndirimbo kigomba kuranga abana ?
• Vuga nibura ibintu bitatu by’ingirakamaro ukuye muri iyi ndirimbo.
• Ni iyihe nama wagira abana bagira ingeso mbi nko kuzerera, gusuzugura, kwiba n’izindi ngeso mbi ?Isomo rya kane: Indirimbo zishimangira imibereho n’imibanire myiza
y’abantu
a)Intego zihariye:• Kwigana ijwi, injyana n’umudiho by’indirimbo
• Kugira imigenzo mbonezabupfura (kubaha abantu, Imana, umuco,…)
• Kuyega hubahirizwa injyana
• Kugorora no kunoza ijwi n’umubyimba
• Kurwanya uburara n’ubwomanzi.b) Imfashanyigisho:
• Ibishushanyo, amashusho cyangwa amafoto bigaragaza abantu babyina indirimbo z’imico itandukanye y’u Rwanda nk’ikinimba, gushayaya, igishakamba, ikinyemera n’iyindi.
• Ibishushanyo bigaragaza kurwanya, uburara n’ubwomanzi
• Ibikoresho byumvikanisha indirimboc) Uko isomo ritangwa:
i.Intangiriro
• Gusaba abanyeshuri kuririmba indirimbo bize ubushize.
• Kubereka bya bishushanyo, amashusho cyangwa amafoto bigaragaza abantu babyina indirimbo z’imico itandukanye y’u Rwanda, hanyuma bakavumbura injyana ifite.ii Isomo nyirizina
• Umwarimu afasha abanyeshuri kujya mu matsinda.
• Abasaba kwitoza guherekeresha ya ndirimbo amashyi• Abasaba kandi kwitoza kuyibyina bakurikije injyana ifite.
• Abanyeshuri bitoza kubyina ya ndirimbo mu njyana y’ikinyemeraiii.Isuzuma
Isuzuma rikorwa mu byiciro bibiri: ibibazo bijyanye no kuririmba n’ibibazo ibijyanye n’insanganyamatsiko.
a.Kuririmba no kubyina:
Umwarimu asuzuma ko abanyeshuri bazi kuririmba no kubyina bubahiriza injyana y’indirimbo bize. Bikorwa itsinda ku rindi, bitewe n’uko igihe kingana.
b.Ibibazo biganisha ku nsanganyamatsiko y’indirimbo
Umwarimu ashobora kwifashisha ibibazo byateganyirijwe isomo ribanziriza iri ngiri hanyuma akaba yakongeramo n’ibindi akurikije intego rusange y’isomo.
Isomo rya gatanu: Indirimbo zishimangira imibereho n’imibanire myiza
y’abantu
a)Intego zihariye:• Kwigana ijwi ry’indirimbo n’amagambo ayigize
• Gusigasira umuco nyarwanda no kubaha umuco w’ahandi.
• Gusobanukirwa n’uburenganzira bw’umwana.
• Kwamagana no kurwanya ihohoterwa ry’uburenganzira bw’umwana.b)Imfashanyigisho:
Ibishushanyo bitandukanye bigaragaza uburenganzira bw’umwana: nko gukina n’abandi bana, kugurirwa ibikoresho by’ishuri n’imyenda, kugaburirwa, gutembera n’ibindi.
Iradiyo cyangwa ikindi gikoresho cyumvikanisha amajwi y’indirimbo.c)Uko isomo ritangwa:
i.Intangiriro• Gushyira abanyeshuri mu matsinda.
• Gusubiramo akaririmbo bazi cyangwa bizeii.Isomo nyir’izina
Umwarimu ahitamo imwe muri izindirimbo zikurikira yabanje kuzumva no kuziga kugira ngo ahitemo iyoroheye abanyeshuri.
Indirimbo ya 1 : Tubamagane
Iyi ndirimbo ifite injyana y’IkinyemeraUko ibyinwa: Iyi ndirimbo ibyinwa bateze amaboko nk’inka z’inyambo bagakoma amashyi bakurikiza injyana yayo nk’uko yanditse kuri Muzika y’indirimbo. (Urugero: ta- ta - ta -/ta ta ta-)
Indirimbo ya 2: Twite ku bana
Umwana akwiye kwitabwaho,
akagira ubuzima buzira umuze,
Agatera imbere no mubwenge,
kandi buri wese akaba mu muryango.1. Icuruzwa ryabo turaryamaganye
2. Ibiyobyabwenge turabyamaganye
3. Imirimo ivunanye turayamaganye
4. Gusambanya abana turabyamaganyeAbana bose bige, kandi bavuzwe
babone indyo yuzuye !twite kubana
Tubamagane
Uburenganzira bw’umwana
muze twese tubushyigikire
Twamagane ababuza abana kwiga
kandi aribo bayobozi b’ejo.
Twamagane ababuza abana gukina
kandi bahigira gusabana
Twamagane abatavuza abana
kandi aribo rwanda rw’ejo
Twamagane abaheza abana
kandi nabo bafite ubushobozi.
iii.Isuzuma
Isuzuma rikorwa mu byiciro bibiri: ibibazo bijyanye no kuririmba n’ibibazo ibijyanye
n’insanganyamatsiko.A)Kuririmba
Umwarimu asuzuma ko abanyeshuri bazi kuririmba no kubyina bubahiriza injyana y’indirimbo. Bikorwa itsinda ku itsinda.
B)Ibibazo biganisha ku nsanganyamatsiko y’indirimbo
Ibi bibazo bijyanye n’indirimbo zose uko ari ebyiri:• Ni iki wumvise muri iyi ndirimbo.
• Tanga ingero z’abantu bagomba kwamaganwa bahohotera uburenganzira bw’umwana.
• Tanga ingero z’ibikorwa bikwiye kwamaganwa bihohotera uburenganzira bw’umwana.
• Ese ni ngombwa guha abana uburenganzira? Sobanura.Isuzuma rusange ku mutwe wa mbere
Ibibazo rusange by’isuzuma1. Ibiyobyabwenge ni iki?
2. Tanga ingero z’ibiyobyabwenge waba uzi.
3. Ni irihe somo wavanye mu ndirimbo ivuga ku kurwanya ibiyobyabwenge?
4. Vuga muri make uko wakwirinda kugira uburara cyangwa ubwomanzi.
5. Vuga ingero z’uburenganzira bw’umwana.
6. Ese umwana akwiye uburenganzira? Sobanura.
7. Ririmba udategwa kandi wubahiriza injyana y’indirimbo ivuga ku:
a)Kurwanya ibiyobyabwenge.
b)Kurwanya uburara n’ubwomanzi
c)Kurwanya ihohoterwa ry’uburenganzira bw’umwanaIbisubizo biteganijwe ku bibazo byabajijwe ku isuzuma rusange
1.Ibiyobyabwenge ni ibintu umuntu yinjiza mu mubiri we bigahindura imitekerereze cyangwa imikorere y’ubwonko bwe.
2.Kanyanga, siriduwili, urumogi, mayirungi,cifu waragi (chief waragi).3.Kwirinda gukoresha ibiyobyabwenge, gutunga agatoki aho biri, kugira inama ababikoresha bakabireka.
4.Kwirinda kuzerera, kwirinda gushukwa n’abandi, gutaha kare uvuye ku ishuri, kwirinda kureba firimi z’urukozasoni zigaragaza ubusambanyi, kunyurwa n’ibyo ababyeyi bawe baguhaye, kwishimira ubuzima ubayemo, n’ibindi…
5.Kujyanwa mu ishuri, kugaburirwa, kwambikwa, kuvuzwa, gutanga ibitekerezo, kurererwa mu muryango, kurerwa n’ababyeyi
6.Yego. Kuko nawe afite ubushobozi bwo gutekereza no gutanga ibitekerezo,gukura mubwenge n’umuco no kubaho.
7.Umwarimu asuzuma niba abanyeshuri baririmba neza kandi batabusanya n’injyana y’indirimbo.1.7 Imyitozo y’inyongera
Imyitozo nzamurabushobozi1.Umwitozo ukurikira uhabwa abanyeshuri bagaragaje ikibazo cyo kwitiranya injyana y’indirimbo.
Wifashishije amashyi, tandukanya injyana z’indirimbo zikurikira: Tubamagane na Twite ku bana (isomo rya gatanu)
2.Uyu mwitozo uhabwa abanyeshuri bagaragaje ikibazo cyo gutinya kubyina mu ruhame: Umwarimu amusaba kubyina ari 5 kumwe na bagenzi be bake b’incuti ze, akajya abikora kenshi. Buhoro buhoro uko
agenda abimenyera, akazabyina mu itsinda, bikazarangira abyiniye mu ruhame imbere y’ishuri.
Herekeresha indirimbo ikoroheye imbyino.Imyitozo nyagurabushobozi
1) Umwarimu ashobora kwifashisha igikoresho cyumvikanisha amajwi y’indirimbo, akumvisha abanyeshuri indirimbo ibonetse yose ariko ifite injyana nyarwanda, akabasaba kuyiherekeresha imbyino bubahiriza injyana yayo, hanyuma we akagenzura niba badasobanya imbyino n’injyana y’indirimbo.
2) Umwarimu ashobora gusaba abanyeshuri gukora itorero ry’ishuri, bakajya babyina indirimbo nyarwanda mu ruhame.
- UMUTWE WA MBERE: KURIRIMBA INDIRIMBO Z’IMICO ITANDUKANYEUMUTWE WA MBERE: KURIRIMBA INDIRIMBO Z’IMICO ITANDUKANYELabel: 1UMUTWE WA MBERE: KURIRIMBA INDIRIMBO Z’IMICO ITANDUKANYE
UMUTWE WA MBERE:KURIRIMBA INDIRIMBO Z’IMICO ITANDUKANYE
1.1Ubushobozi bw’ingenzi bugamijwe
Kuririmba indirimbo z’imico itandukanye hubahirizwa injyana zazo.
1.2 Ubushobozi shingiro
Kugira ngo intego z’uyu mutwe zigerweho, umunyeshuri agomba kuba afite ubushobozi shingiro bukurikira:
• Kwigana neza ijwi yumvise.
• Gutahura injyana z’indirimbo n’imbyino zinyuranye.
• Guherekeresha indirimbo amashyi n’umuyego yubahiza injyana.
• Kugorora no kunoza ijwi n’umubyimba.
• Kuririmba no kubyina mu ruhame.1.3 Ingingo nsanganyamasomo zivugwaho
1.3.1 Umuco w’amahoro
Mu ndirimbo harimo izivuga ku gushimangira imibereho n’imibanire myiza y’abantu. Mu gihe umwarimu asobanurira abanyeshuri inyunguramagambo zijyanye n’imibanire myiza, nko gufashanya, gutabarana,g usura uwagize ibyago no kumufasha, kutabangamira abandi n’ibindi, agerageza kubaganiriza ku kamaro ko kubana neza n’abandi n’ingaruka mbi zo kutabana neza n’abandi by’umwihariko mu muryango
nyarwanda.1.3.2 Guha agaciro uburinganire n’ubwuzuzanye
Kugira ngo abanyeshuri bumve uburinganire n’ubwuzuzanye; umwarimu ahuza abanyeshuri b’abakobwa n’ab’abahungu mu matsinda mato atandukanye bakaririmbira hamwe. Asaba abanyeshuri gukora amatsinda adaheza akanabaha amahirwe angana mu gutanga ibisubizo, ibitekerezo n’ubundi bwunganizi.
1.3.3 Kwita kuri buri munyeshuri
Hari abanyeshuri bafite ubumuga butandukanye bw’ingingo. Umwarimu ageregaza kubegera akabafasha kandi akabashimira kuri duke bashoboye gukora.
1.4 Uburyo bwo kwinjira mu isomo
Umwarimu atanga umwitozo wo kuririmba hubahirizwa injyana y’indirimbo. Bashobora kuririmba umwe umwe ku giti ke cyangwa bakaririmba bari mu matsinda mato.
1.5 Urutonde rw’amasomo agize umutwe wa mbere
1.6 Ibiteganywa gukorwa mu kwigisha aya masomo
Mu ntangiriro:
• Umwarimu yereka abanyeshuri amashusho cyangwa amafoto yateguye. Abanyeshuri babyitegereza batuje, nyuma akabasaba kuvuga ibyo babona kuri ayo mashusho cyangwa amafoto
• Umwarimu abaza abanyeshuri utubazo dutandukanye dushingiye kuri ya mashusho cyangwa amafoto, aganisha ku isomo ry’umunsi.
Mu isomo nyir’izina:• Umwarimu aririmba indirimbo nshya inshuro imwe yitoze, ashyiramo amarangamutima ashoboka. Icyo gihe, abanyeshuri baba bateze amatwi.
• Yongera gusaba abanyeshuri gutega amatwi bakumva neza amagambo avugwa muri iyo ndirimbo n’injyana yayo.
• Umwarimu kandi asaba abanyeshuri kuvuga niba hari amagambo bumvise badasobanukiwe.
• Asobanura amagambo akomeye, yaba ayo abanyeshuri batanze cyangwa andi we ubwe yateguye.
• Abanyeshuri basobanurirana muri make icyo iyo ndirimbo ivuga
• Umwarimu aririmba igika kimwe kimwe, abanyeshuri bagasubiramo. Iyo birangiye, asaba abanyeshuri kuririmba indirimbo yose akajyana n’abanyeshuri
• Umwarimu asaba abanyeshuri kuririmba bonyine
Mu isuzuma:
Mu isuzuma ryo kuririmba, umwarimu asuzuma ko umwana ashobora kuririmba adategwa, adasobanya indirimbo n’injyana. Asaba umwana umwe umwe kuririmba igice kimwe k’indirimbo. Bashobora no kubikorera mu matsinda
Isomo rya mbere: Indirimbo zivuga ku kurwanya ibiyobyabwenge
a)Intego zihariye:
• Kwigana ijwi ry’indirimbo n’amagambo ayigize
• Kuririmbana n’abandi
• Gutinyuka kuvugira mu ruhame
• Kubana neza n’abandi
• Kwirinda no kwamagana ibiyobyabwenge
b)Imfashanyigisho:• Ibishushanyo bigaragaza ibiyobyabwenge bitandukanye (kanyanga siriduwili, urumogi, mayirungi n’ibindi) n’uburyo bwo kubirwanya (kubuza umuntu kubinywa, kubimena/kubitwika)
• Ibishushanyo, amashusho cyangwa amafoto bigaragaza abantu bari kubyina/gushayaya
• Ibikoresho bitandukanye byumvikanisha indirimbo
c)Uko isomo ritangwa:
i.Intangiriro
• Umwarimu afasha abanyeshuri kujya mu matsinda
• Abasaba kuririmba indirimbo bazi.
• Hanyuma, abereka ibishushanyo, amashusho cyangwa amafoto (nk’uko biteganywa mu ntangiriro y’uyu mutwe), akababazaho utubazo dutandukanye.ii.Isomo nyirizina
Umwarimu yigisha abanyeshuri indirimbo ikurikira, yabanje kuyumva neza no kuyiga:
Indirimbo: Twamagane ibiyobyabwenge
Twamagane ibiyobyabwenge
Muze mwese twamagane ibiyobyabwenge
Tubirwanye dushize amanga
Tubirandure burundu.
Twamagane kanyanga
Twamagane urumogi
Twamagane siriduwile
Twamagane kanyanga
Twamagane urumogi
Twamagane siriduwile
Twamagane kole
Tubyamagane
Tubyamagane
Tubyamagane
Icyitonderwa: Aha, umwarimu afasha abanyeshuri gushyiramo ibindi biyobyabwenge bizwi mu gace babamo, mu njyana ya HIP HOP
iii.Isuzuma
Isuzuma rikorwa mu byiciro bibiri: ibibazo bijyanye no kuririmba n’ibibazo ibijyanye n’insanganyamatsiko.
A.Kuririmba
Umwarimu atanga isuzuma ryo kuririmba, ari na ryo ryibandwaho cyane, agendeye ku mabwiriza y’isuzuma agenwa n’integanyanyigisho.
B.Ikibazo kiganisha ku nsanganyamatsiko y’indirimbo
• Vuga amwe mu mazina y’ibiyobyabwenge uzi.
Isomo rya kabiri: Indirimbo zivuga ku kurwanya uburara n’ubwomanzi
a)Intego zihariye:
• Kwigana ijwi ry’indirimbo n’amagambo ayigize
• Kuririmbana n’abandi
• Gutinyuka kuvugira mu ruhame
• Kubana neza n’abandi
• Kwirinda no kwamagana ibiyobyabwengeb)Imfashanyigisho:
Ibikoresho bitandukanye byumvikanisha indirimbo
c)Uko isomo ritangwa:
i. Intangiriro
• Umwarimu afasha abanyeshuri kujya mu matsinda
• Abasaba kuririmba indirimbo bize mu isomo riheruka.
• Nyuma ababaza ikibazo gikurikira:Vuga amazina y’ibiyobyabwenge avugwa mu ndirimbo mwize mu isomo riheruka
=Kanyanga, urumogi, siriduwile, kole… (n’ibindi biboneka mu gace k’iwabo)
ii. Isomo nyirizina
Umwarimu yigisha abanyeshuri indirimbo ikurikira, yabanje kuyumva neza no kuyiga:
Indirimbo: Twamagane ibiyobyabwenge
Twamagane ibiyobyabwenge
Munyarwanda mwana w’u Rwanda
Twirinde ibiyobyabwenge,
Byica ubuzima bikabushegesha,
Igihugu cyacu, kikabura amaboko
Muze tubyamagane
iii. Isuzuma
Isuzuma rikorwa mu byiciro bibiri: ibibazo bijyanye no kuririmba n’ibibazo ibijyanye n’insanganyamatsiko.
A. Kuririmba
Umwarimu atanga isuzuma ryo kuririmba, ari na ryo ryibandwaho cyane, agendeye ku mabwiriza y’isuzuma agenwa n’integanyanyigisho.
B. Ikibazo kiganisha ku nsanganyamatsiko y’indirimbo
• Vuga impamvu ari ngombwa kwirinda ibiyobyabwenge.
Isomo rya gatatu: Indirimbo zishimangira imibereho n’imibanire myiza y’abantua)Intego zihariye:
• Kwigana ijwi ry’indirimbo n’amagambo ayigize
• Kuririmba no kubyina mu ruhame indirimbo wubahiriza injyana yayo
• Kugira imigenzo mbonezabupfura
• Gusobanukirwa n’umuco nyarwanda
• Kwigana injyana z’indirimbo n’imbyino zinyuranye zo mu muco nyarwandab)Imfashanyigisho:
• Ibishushanyo bigaragaza abantu babyina indirimbo z’imico itandukanye y’u Rwanda nk’ikinimba, umushayayo, igishakamba, ikinyemera n’iyindi.
• Ibishushanyo bigaragaza kurwanya ibiyobyabwenge, uburara n’ubwomanzi
• Telefoni cyangwa iradiyo byumvikanisha amajwi y’indirimboc)Uko isomo ritangwa:
i. Intangiriro
• Gushyira abana mu matsinda
• Kubasaba kuririmba indirimbo iyo ari yo yose bazi ivuga ku kurwanya uburara n’ubwomanziumwarimu ahuza ibitekerezo n’ibisobanuro byavuye mu matsinda akabiha umurongo
ii. Isomo nyir’izina
Umwarimu yigisha iyi ndirimbo ikurikira ivuga ku kurwanya uburara n’ubwomanzi ishishikariza abana kurangwa n’ingeso nziza yabanje kuyumva no kuyiga neza kugira ngo ahitemo ijyanye n’icyo abanyeshuri bakeneye.
Indirimbo: Tugire ingeso nziza
Tugire ingeso nziza
1.Bana nimuze twese tugire ingeso nziza,
Twirinde kugira uburara n’ubwomanzi,
twibuke ko turi Rwanda rw’ejo.
2.Niba tuvuye ku ishuri twihutire gutaha,
ntidutinde mu mayira hose si byiza,
twibuke ko turi Rwanda rw’ejo.
3.Twirinde gushukwa n’abandi batujyana mu ngeso mbi, Uburere bwiza dutozwa buri gihe buturange,
twibuke ko turi Rwanda rw’ejo.
iii. Isuzuma
Isuzuma rikorwa mu byiciro bibiri: ibibazo bijyanye no kuririmba n’ibibazo ibijyanye n’insanganyamatsiko.
a. Kuririmba
Umwarimu atanga isuzuma ryo kuririmba, ari na ryo ryibandwaho cyane, agendeye ku mabwiriza y’isuzuma agenwa n’integanyanyigisho.
b. Ibibazo biganisha ku nsanganyamatsiko y’indirimbo
• Iyi ndirimbo iravuga ku yihe ngingo?
• Ni iki kivugwa muri iyi ndirimbo kigomba kuranga abana ?
• Vuga nibura ibintu bitatu by’ingirakamaro ukuye muri iyi ndirimbo.
• Ni iyihe nama wagira abana bagira ingeso mbi nko kuzerera, gusuzugura, kwiba n’izindi ngeso mbi ?Isomo rya kane: Indirimbo zishimangira imibereho n’imibanire myiza y’abantu
a)Intego zihariye:
• Kwigana ijwi, injyana n’umudiho by’indirimbo
• Kugira imigenzo mbonezabupfura (kubaha abantu, Imana, umuco,…)
• Kuyega hubahirizwa injyana
• Kugorora no kunoza ijwi n’umubyimba
• Kurwanya uburara n’ubwomanzi.b) Imfashanyigisho:
• Ibishushanyo, amashusho cyangwa amafoto bigaragaza abantu babyina indirimbo z’imico itandukanye y’u Rwanda nk’ikinimba, gushayaya, igishakamba, ikinyemera n’iyindi.
• Ibishushanyo bigaragaza kurwanya, uburara n’ubwomanzi
• Ibikoresho byumvikanisha indirimboc)Uko isomo ritangwa:
i.Intangiriro
• Gusaba abanyeshuri kuririmba indirimbo bize ubushize.
• Kubereka bya bishushanyo, amashusho cyangwa amafoto bigaragaza abantu babyina indirimbo z’imico itandukanye y’u Rwanda, hanyuma bakavumbura injyana ifite.ii Isomo nyirizina
• Umwarimu afasha abanyeshuri kujya mu matsinda.
• Abasaba kwitoza guherekeresha ya ndirimbo amashyi
• Abasaba kandi kwitoza kuyibyina bakurikije injyana ifite.
• Abanyeshuri bitoza kubyina ya ndirimbo mu njyana y’ikinyemeraiii.Isuzuma
Isuzuma rikorwa mu byiciro bibiri: ibibazo bijyanye no kuririmba n’ibibazo ibijyanye n’insanganyamatsiko.
a.Kuririmba no kubyina:
Umwarimu asuzuma ko abanyeshuri bazi kuririmba no kubyina bubahiriza injyana y’indirimbo bize. Bikorwa itsinda ku rindi, bitewe n’uko igihe kingana.
b.Ibibazo biganisha ku nsanganyamatsiko y’indirimbo
Umwarimu ashobora kwifashisha ibibazo byateganyirijwe isomo ribanziriza iri ngiri hanyuma akaba yakongeramo n’ibindi akurikije intego rusange y’isomo.
Isomo rya gatanu: Indirimbo zishimangira imibereho n’imibanire myiza y’abantu
a)Intego zihariye:
• Kwigana ijwi ry’indirimbo n’amagambo ayigize
• Gusigasira umuco nyarwanda no kubaha umuco w’ahandi.
• Gusobanukirwa n’uburenganzira bw’umwana.
• Kwamagana no kurwanya ihohoterwa ry’uburenganzira bw’umwana.b)Imfashanyigisho:
Ibishushanyo bitandukanye bigaragaza uburenganzira bw’umwana: nko gukina n’abandi bana, kugurirwa ibikoresho by’ishuri n’imyenda, kugaburirwa, gutembera n’ibindi.
Iradiyo cyangwa ikindi gikoresho cyumvikanisha amajwi y’indirimbo.
c)Uko isomo ritangwa:
i.Intangiriro
• Gushyira abanyeshuri mu matsinda.
• Gusubiramo akaririmbo bazi cyangwa bizeii.Isomo nyir’izina
Umwarimu ahitamo imwe muri izindirimbo zikurikira yabanje kuzumva no kuziga kugira ngo ahitemo iyoroheye abanyeshuri.
Indirimbo ya 1 : Tubamagane
Iyi ndirimbo ifite injyana y’Ikinyemera
Uko ibyinwa: Iyi ndirimbo ibyinwa bateze amaboko nk’inka z’inyambo bagakoma amashyi bakurikiza injyana yayo nk’uko yanditse kuri Muzika y’indirimbo. (Urugero: ta- ta - ta -/ta ta ta-)
Indirimbo ya 2: Twite ku bana
Umwana akwiye kwitabwaho,
akagira ubuzima buzira umuze,
Agatera imbere no mubwenge,
kandi buri wese akaba mu muryango.
1. Icuruzwa ryabo turaryamaganye
2. Ibiyobyabwenge turabyamaganye
3. Imirimo ivunanye turayamaganye
4. Gusambanya abana turabyamaganye
Abana bose bige, kandi bavuzwe
babone indyo yuzuye !
Tubamagane
Uburenganzira bw’umwana
muze twese tubushyigikire
Twamagane ababuza abana kwiga
kandi aribo bayobozi b’ejo.
Twamagane ababuza abana gukina
kandi bahigira gusabana
Twamagane abatavuza abana
kandi aribo rwanda rw’ejo
Twamagane abaheza abana
kandi nabo bafite ubushobozi.
iii.Isuzuma
Isuzuma rikorwa mu byiciro bibiri: ibibazo bijyanye no kuririmba n’ibibazo ibijyanye n’insanganyamatsiko.
A)Kuririmba
Umwarimu asuzuma ko abanyeshuri bazi kuririmba no kubyina bubahiriza injyana y’indirimbo. Bikorwa itsinda ku itsinda.
B)Ibibazo biganisha ku nsanganyamatsiko y’indirimbo
Ibi bibazo bijyanye n’indirimbo zose uko ari ebyiri:
• Ni iki wumvise muri iyi ndirimbo.
• Tanga ingero z’abantu bagomba kwamaganwa bahohotera uburenganzira bw’umwana.
• Tanga ingero z’ibikorwa bikwiye kwamaganwa bihohotera uburenganzira bw’umwana.
• Ese ni ngombwa guha abana uburenganzira? Sobanura.
•
Isuzuma rusange ku mutwe wa mbereIbibazo rusange by’isuzuma
1. Ibiyobyabwenge ni iki?
2. Tanga ingero z’ibiyobyabwenge waba uzi.
3. Ni irihe somo wavanye mu ndirimbo ivuga ku kurwanya ibiyobyabwenge?
4. Vuga muri make uko wakwirinda kugira uburara cyangwa ubwomanzi.
5. Vuga ingero z’uburenganzira bw’umwana.
6. Ese umwana akwiye uburenganzira? Sobanura.
7. Ririmba udategwa kandi wubahiriza injyana y’indirimbo ivuga ku:
a)Kurwanya ibiyobyabwenge.
b)Kurwanya uburara n’ubwomanzi
c)Kurwanya ihohoterwa ry’uburenganzira bw’umwana.Ibisubizo biteganijwe ku bibazo byabajijwe ku isuzuma rusange
1.Ibiyobyabwenge ni ibintu umuntu yinjiza mu mubiri we bigahindura imitekerereze cyangwa imikorere y’ubwonko bwe.
2.Kanyanga, siriduwili, urumogi, mayirungi,cifu waragi (chief waragi).
3.Kwirinda gukoresha ibiyobyabwenge, gutunga agatoki aho biri, kugira inama ababikoresha bakabireka.
4.Kwirinda kuzerera, kwirinda gushukwa n’abandi, gutaha kare uvuye ku ishuri, kwirinda kureba firimi z’urukozasoni zigaragaza ubusambanyi, kunyurwa n’ibyo ababyeyi bawe baguhaye, kwishimira ubuzima ubayemo, n’ibindi…
5.Kujyanwa mu ishuri, kugaburirwa, kwambikwa, kuvuzwa, gutanga ibitekerezo, kurererwa mu muryango, kurerwa n’ababyeyi
6.Yego. Kuko nawe afite ubushobozi bwo gutekereza no gutanga ibitekerezo,gukura mubwenge n’umuco no kubaho.
7.Umwarimu asuzuma niba abanyeshuri baririmba neza kandi batabusanya n’injyana y’indirimbo.
1.7Imyitozo y’inyongera
Imyitozo nzamurabushobozi
1.Umwitozo ukurikira uhabwa abanyeshuri bagaragaje ikibazo cyo kwitiranya injyana y’indirimbo.
Wifashishije amashyi, tandukanya injyana z’indirimbo zikurikira: Tubamagane na Twite ku bana (isomo rya gatanu)
2.Uyu mwitozo uhabwa abanyeshuri bagaragaje ikibazo cyo gutinya kubyina mu
ruhame: Umwarimu amusaba kubyina ari 5kumwe na bagenzi be bake b’incuti ze, akajya abikora kenshi. Buhoro buhoro uko agenda abimenyera, akazabyina mu itsinda, bikazarangira abyiniye mu ruhame imbere y’ishuri.
Herekeresha indirimbo ikoroheye imbyino.
Imyitozo nyagurabushobozi
1)Umwarimu ashobora kwifashisha igikoresho cyumvikanisha amajwi y’indirimbo, akumvisha abanyeshuri indirimbo ibonetse yose ariko ifite injyana nyarwanda, akabasaba kuyiherekeresha imbyino bubahiriza injyana yayo, hanyuma we akagenzura niba badasobanya imbyino n’injyana y’indirimbo.
2)Umwarimu ashobora gusaba abanyeshuri gukora itorero ry’ishuri, bakajya babyina
indirimbo nyarwanda mu ruhame.
- UMUTWE WA KABIRI: GUHEREKERESHA INDIRIMBO NYARWANDA INGOMA N’IBINYUGURIUMUTWE WA KABIRI: GUHEREKERESHA INDIRIMBO NYARWANDA INGOMA N’IBINYUGURILabel: 1UMUTWE WA KABIRI: GUHEREKERESHA INDIRIMBO NYARWANDA INGOMA N’IBINYUGURI
UMUTWE WA KABIRI:GUHEREKERESHA INDIRIMBO NYARWANDA INGOMA N’IBINYUGURI
2.1. Ubushobozi bw’ingenzi bugamijwe
Gushobora guherekeresha indirimbo ingoma n’ibinyuguri.
2.2. Ubushobozi shingiro
Kugira ngo intego z’uyu mutwe zigerweho, umunyeshuri agomba kuba afite ubushobozi shingiro bukurikira:
Kwigana injyana z’indirimbo n’imbyino zinyuranye zo mu muco nyarwanda.
• Kuririmba no kubyina mu ruhame.
• Kwigana ijwi ry’abandi.
• Kuyega hubahirizwa injyana.
• Kugorora no kunoza ijwi n’umubyimba.2.3. Ingingo nsanganyamasomo zigaragara muri uyu mutwe
• Umuco w’amahoro
Iyi ngingo igaragara mu gihe abanyeshuri bateze amatwi umwarimu ubigisha indirimbo, igihe bakorera hamwe mu matsinda n’igihe basobanura indirimbo zishimangira imibereho n’imibanire myiza y’abantu.
• Uburinganire n’ubwuzuzanye bw’ibitsina byombi:Bigaragara mu gihe umwarimu asaba abanyeshuri gukora amatsinda adaheza akanabaha amahirwe angana mu kuririmba, kubyina, gutanga ibisubizo n’ibitekerezo.
• Uburezi budaheza:Iyi ngingo igaragazwa n’uburyo umwarimu agerageza kwita kuri buri munyeshuri cyane cyane yegera kandi afasha abafite ubumuga.
• Kurwanya Jenoside
Bigaragara mu gihe umwarimu asobanura bimwe mu bikorwa biganisha ku mibanire myiza y’abantu, kurwanya amacakubiri n’ivangura iryo ari ryo ryose, gufashanya, gutabarana, kujya no kugisha inama no kwimakaza umuco w’amahoro.
2.4. Uburyo bwo kwinjira mu isomo
Umwarimu atanga umwitozo wo kuririmba hubahirizwa injyan3a y’indirimbo.
Abanyeshuri bashobora kuririmba umwe umwe ku giti ke cyangwa bakaririmba bari mu matsinda mato.
2.5.Urutonde rw’amasomo agize umutwe wa kabiri
2.6. Ibiteganywa gukorwa mu kwigisha aya masomo
Mu ntangiriro:
• Umwarimu yereka abanyeshuri amashusho cyangwa amafoto yateguye.
Abanyeshuri babyitegereza batuje, nyuma yaho akabasaba kuvuga ibyo babona kuri ayo mashusho cyangwa amafoto
• Umwarimu abaza abanyeshuri utubazo dutandukanye dushingiye kuri ya mashusho cyangwa amafoto, aganisha ku isomo ry’umunsi.Mu isomo nyir’izina:
• Umwarimu aririmba indirimbo nshya inshuro imwe yitoze, ashyiramo amarangamutima ashoboka. Icyo gihe, abanyeshuri baba bateze amatwi.
• Yongera gusaba abanyeshuri gutega amatwi bakumva neza amagambo avugwa muri iyo ndirimbo n’injyana yayo.
• Umwarimu kandi asaba abanyeshuri kuvuga niba hari amagambo bumvise badasobanukiwe.
• Asobanura amagambo akomeye, yaba ayo abanyeshuri batanze cyangwa andi we ubwe yateguye.
• Abanyeshuri basobanurirana muri make icyo iyo ndirimbo ivuga
• Umwarimu aririmba igika kimwe kimwe, abanyeshuri bagasubiramo.
Iyo birangiye, asaba abanyeshuri kuririmba indirimbo yose akajyana n’abanyeshuri
• Umwarimu asaba abanyeshuri kuririmba bonyineMu isuzuma:
Mu isuzuma ryo kuririmba, umwarimu asuzuma ko umunyeshuri ashobora kuririmba adategwa,ahuza neza indirimbo, ingoma n’ibinyuguri. Asaba umunyeshuri umwe umwe kuririmba igice kimwe k’indirimbo cyangwa indirimbo yose. Bashobora no kubikorera mu matsinda.
Isomo rya mbere: Indirimbo zivuga ku Mana
a)Intego zihariye:
• Kwigana ijwi ry’indirimbo n’amagambo ayigize
• Guhuza indirimbo ingoma n’ibinyuguri.
• Guhuza injyana y’indirimbo ingoma n’ibinyuguri
• Kuririmba no kubyina mu ruhameb)Imfashanyigisho:
• Ibishushanyo bigaragaza urusengero, Kiliziya, abantu bari gusenga, ibikoresho by’ubuyoboke, (umusaraba, Bibiliya, ishapure, amashusho), n’ibindi.
• Ingoma n’ibinyuguri
• Ibikoresho bitandukanye byumvikanisha indirimbo
c) Uko isomo ritangwa:
i.Intangiriro
• Gufasha abanyeshuri kujya mu matsinda
• Gusaba abanyeshuri kuririmba indirimbo bazi ivuga Imanaii.Isomo nyirizina
Umwarimu ahitamo imwe muri izi ndirimbo zivugwa ku ku Mana akigisha abanyeshuri kuyiririmba bayiherekeresha amashyi, ingoma n’ibinyuguri kandi bubahiriza injyana yayo.
Indirimbo ya mbere : Imana ni Umubyeyi
Imana ni Umubyeyi
1. Imana niyo yaturemye,
yaturemye mu ishusho yayo,
iduha ubwenge n’umutima,
nimucyo natwe dukundane.2. aturemye kandi idukunze,
maze idutoza gukunda,
idusaba twese gukundana,
nimucyo rero dukundane.
3.Imana koko ni Umubyeyi,
ni Yo buhungiro bwacu,
tuyigane tuyiyambaze,
nimucyo rero dukundane
Indirimbo ya kabiri: Nzaririmba
Nzahora ndirimba
Mpanike ibisingizo
Ndate Rurema
Rurema, Rugira.
Nzahora mwamamaza
Ahantu hose
Nzamwamamaza
Rurema, Rugira.Nzamubwira abanda
Nabo bamusingize
Nzamukorera
Rurema, rugira.
Nzamukunda iteka
Nzahora musenga
Nzamusenga
Rurema, rugira.
Nzakora ugushaka kwe
Ndangwe n’urukundo
Nzamukorera
Rurema, Rugira
iii.Isuzuma
Isuzuma rikorwa mu byiciro bibiri: ibibazo bijyanye no kuririmba n’ibibazo ibijyanye n’insanganyamatsiko.
A.Kuririmba
Umwarimu atanga isuzuma ryo kuririmba, ari na ryo ryibandwaho cyane, agendeye ku mabwiriza y’isuzuma agenwa n’integanyanyigisho.B.Ibibazo biganisha ku nsanganyamatsiko y’indirimbo
1)Imana ni Umubyeyi
• Imana yaturemye mu ishusho ya nde?
• Vuga byibura ibintu bibiri Imana yaduhaye ikiturema.
• Ese niba Imana yaradutoje gukundana, twe dukwiriye gukora iki?
2)Nzaririmba Rurema:
• Vuga ibikorwa bitandukanye biri muri iyi ndirimbo uzakorera Rurema (Rugira).
• Ririmba udategwa iyi ndirimbo, uyijyanisha:
a)n’ingomab)n’ikinyuguri
Isomo rya kabiri: Indirimbo zishimangira imibereho n’imibanire myizaa)Intego zihariye
• Guhuza indirimbo ingoma n’ibinyuguri
• Kwigana ijwi ry’indirimbo n’amagambo ayigize
• Kuririmba no kubyina mu ruhame indirimbo wubahiriza injyana yayo
• Kugira imigenzo mbonezabupfura
• shimangira imibereho n’imibanire myiza
38 Igitabo cy’Umwarimu-Ubugeni n’Ubuhanzi-Umwaka wa Kabirib)Imfashanyigisho
• Ibishushanyo bigaragaza abantu babyina indirimbo z’imico itandukanye y’u Rwanda nk’ikinimba, gushayaya, igishakamba, ikinyemera n’iyindi
• Ibishushanyo bigaragaza ubusabane, imibanire myiza y’abantu, ibikorwa by’urukundo n’ibindi.
• Telefoni cyangwa iradiyo byumvikanisha amajwi y’indirimboc)Uko isomo ritangwa:
i.Intangiriro
• Gushyira abana mu matsinda
• Kubasaba kuririmba indirimbo bize mu isomo riheruka.ii.Isomo nyirizina
Umwarimu yigisha abanyeshuri indirimbo ikurikira, yabanje kuyumva no kuyiga neza:Indirimbo: Haranira amahoro
(Injyana yayo: Igishakamba)
Haranira amahoro, haranira amahoro,
Haranira amahoro tubake u Rwanda rwacu,
Turuteze imbere, haranira amahoro.
1. Dukundane twese, haranira amahoro.2. Dushyire hamwe, haranira amahoro
3. Twubake u Rwanda, haranira amahoro
iii.Isuzuma
Isuzuma rikorwa mu byiciro bibiri: ibibazo bijyanye no kuririmba n’ibibazo ibijyanye n’insanganyamatsiko.A.Kuririmba
Umwarimu atanga isuzuma ryo kuririmba, ari na ryo ryibandwaho cyane, agendeye ku mabwiriza y’isuzuma agenwa n’integanyanyigisho.
B.Ibibazo biganisha ku nsanganyamatsiko y’indirimbo
1)Haranira amahoro.
Iyi ndirimbo iravuga ku yihe ngingo?Vuga ibikorwa bitandukanye wakora kugira ngo uharanire amahoro muri bagenzi bawe
Nimuganire ku bikorwa bitandukanye bigaragaza ko igihugu cyacu cy’u Rwanda giharanira amahoro.
Isomo rya gatatu: Indirimbo zamagana ibiyobyabwenge
a)Intego zihariye:
• kwigana neza ijwi ry’indirimbo n’amagambo ayigize
• kuririmbana n’abandi
• kuririmbira mu ruhame
• Guherekeresha indirimbo ingoma n’ibinyuguri
• Kwamagana ibiyobyabwenge
b) Imfashanyigisho:
• Ibishushanyo bigaragaza ibiyobyabwenge bitandukanye n’uburyo bwo kubyamagana (kubuza umuntu kubinywa, kubimena/kubitwika)
• Ingoma n’ibinyuguri
• Ibikoresho bitandukanye byumvikanisha indirimbo
c)Uko isomo ritangwa
i.Intangiriro
• Gufasha abana kujya mu matsinda
• Gusaba abanyeshuri kuririmba indirimbo bazi zivuga ku biyobyabwenge bize mu gihembwe cya mbere cyangwa mu mwaka wa kabiri.
ii.Isomo nyir’izina
Umwarimu yigisha abanyeshuri indirimbo ikurikira, yabanje kuyumva no kuyiga neza:
Indirimbo: Tubyamagane
1) Twamagane ibiyobyabwenge, kuko byica ubuzima.Twamagane ababikwirakwiza, natwe tubyirinde
2) Twamagane urumogi n’itabi kuko byica ubuzima.Twamagane ababikwirakwiza, natwe tubyirinde.
3) Twamagane kanyanga na kore, kuko byica ubuzima.Twamagane ababikwirakwiza, natwe tubyirinde.
4)Twamamaze inzoga ku bana zangiza ubwonko bwabo.Twamagane abazibagurisha, natwe tubyirinde.
iii. Isuzuma
Isuzuma rikorwa mu byiciro bibiri: ibibazo bijyanye no kuririmba n’ibibazo ibijyanye n’insanganyamatsiko.
A.KuririmbaUmwarimu atanga isuzuma ryo kuririmba, ari na ryo ryibandwaho cyane, agendeye ku mabwiriza y’isuzuma agenwa n’integanyanyigisho.
B.Ibibazo ku nsanganyamatsiko y’indirimbo
• Vuga ibiyobyabwenge bivugwa mu ndirimbo mwize.
• Ugendeye ku ndirimbo mwize, garagaza ububi bwa bimwe mu biyobyabwenge bivugwa muri iyo ndirimbo.
• Vuga bamwe mu bo tugomba kwamagana bagira uruhare mu bubi bw’ibiyobyabwenge bivugwa mu ndirimbo mwize.
Isomo rya kane: Indirimbo zamagana uburara n’ubwomanzi
a) Intego zihariye:
• Kwigana ijwi, injyana n’umuduho by’indirimbo
• Kugira imigenzo mbonezabupfura
• Kuyega hubahirizwa injyana
• Kugorora no kunoza ijwi n’umubyimba
• Kurwanya uburara n’ubwomanzi.
b) Imfashanyigisho:
• Ibishushanyo bigaragaza kubyina imico itandukanye y’u Rwanda nk’ikinimba, gushayaya, igishakamba, ikinyemera n’iyindi…
• bishushanyo bigaragaza kurwanya, uburara n’ubwomanzi(nko kwirinda kuzerera ku bana, kuva ku ishuri ugahita utaha mu rugo, kwirinda kureba firimi z’urukozasoni)c) Uko isomo ritangwa:
i. Intangiriro• Gufasha abanyeshuri kujya mu matsinda
• Gusaba abanyeshuri kuririmba indirimbo bize mu gihembwe cya mbere ivuga ku kurwanya uburara n’ubwomanzi.ii. Isomo nyir’izina
Umwarimu yigisha abanyeshuri indirimbo ikurikira, yabanje kuyumva no kuyiga neza :
Indirimbo: Tugire ingeso nziza
1.Bana nimuze twese tugire ingeso nziza,twirinde kugira uburara n’ubwomanzi,
twibuke ko turi Rwanda rw’ejo.
2.Niba tuvuye ku ishuri twihutire gutaha ntidutinde mu mayira hose si byiza,twibuke ko turi Rwanda rw’ejo.
3.Twirinde gushukwa n’abandi batujyana mu ngeso mbi uburere bwiza dutozwa burigihe buturange twibuke ko turi Rwanda rw’ejo.
iii.Isuzuma
Isuzuma rikorwa mu byiciro bibiri: ibibazo bijyanye no kuririmba n’ibibazo ibijyanye n’insanganyamatsiko.
A.Kuririmba
Umwarimu atanga isuzuma ryo kuririmba, ari na ryo ryibandwaho cyane, agendeye ku mabwiriza y’isuzuma agenwa n’integanyanyigisho.
B.Ibibazo biganisha ku nsanganyamatsiko y’indirimbo
• Tanga ingero z’ingeso nziza zigomba kuranga umwana warezwe neza.
• Ni iyihe nama wagira mugenzi wawe ukunda kuzerera?Isomo rya gatanu: Indirimbo zivuga ku kurwanya ihohoterwa ry’uburenganzira bw’umwana
a)Intego zihariye:• Kwigana ijwi ry’indirimbo n’amagambo ayigize
• Guhuza indirimbo ingoma n’ibinyuguri
• Gusobanukirwa n’uburenganzira bw’umwana.
• Kwamagana no kurwanya ihohoterwa ry’uburenganzira bw’umwana.b)Imfashanyigisho:
• Ibishushanyo bitandukanye bigaragaza uburenganzira bw’umwana nko kujyanwa mu ishuri, kugurirwa ibikoresho by’ishuri n’imyenda, kugaburirwa, kuvuga icyo atekereza gutembera n’ibindi.
• Iradiyo cyangwa ikindi gikoresho cyumvikanisha amajwi y’indirimbo.
c)Uko isomo ritangwa:
i.Intangiriro
• Gushyira abana mu matsinda.
• Gusubiramo akaririmbo bazi cyangwa bize kavuga ku burenganzira bw’umwana
ii. Isomo nyirizina
Umwarimu ahitamo imwe muri izi ndirimbo zikurikira yabanje kuzumva no kuziga neza kugira ngo ahitemo iyo abanyeshuri bafata vuba.Indirimbo ya mbere : Tubamagane
Iyi ndirimbo ifite injyana y’Ikinyemera
Ibyinwa bateze amaboko nk’inka z’inyambo bagakoma amashyi bakurikiza injyana yayo
nk’uko yanditse kuri Muzika y’indirimbo. (Urugero: ta- ta - ta -/ta ta ta-)
Indirimbo : Tubamagane
1. Uburenganzira bw’umwana muze twese tubushyigikire
2. Twamagane ababuza abana kwiga kandi aribo bayobozi b’ejo.
3. Twamagane ababuza abana gukina kandi bahigira gusabana
4. Twamagane abatavuza abana kandi aribo Rwanda rw’ejo
5. Twamagane abaheza abana kandi nabo bafite ubushobozi
Indirimbo ya 2 : Uburenganzira bw’umwana
1. Ayi mama we, umwana akwiriye kugira uburenganzira.2. Umwana akwiriye uburenganzira bwo kuvuzwa igihe arwaye.
3. Umwana akwiriye uburenganzira bwo kugaburirwa igihe ashonje
4. Umwana akwiriye uburenganzira bwo kujyanwa mu ishuri kwiga.
5. Umwana ufite ubumuga akwiriye uburenganzira nk’abandi bana bangana
iii. IsuzumaIsuzuma rikorwa mu byiciro bibiri: ibibazo bijyanye no kuririmba n’ibibazo ibijyanye n’insanganyamatsiko.
A. KuririmbaUmwarimu atanga isuzuma ryo kuririmba, ari na ryo ryibandwaho cyane, agendeye ku mabwiriza y’isuzuma agenwa n’integanyanyigisho.
B. Ibibazo biganisha ku nsanganyamatsiko y’indirimbo
1) Tubamagane
a. Tanga ingero z’ibyo umwana yemerewe gukora iwabo mu rugo.b. Vuga ingero z’ibyo umwana atemerewe gukora.
c. Ni ibihe bikorwa ababyeyi bagomba gukorera umwana bubahiriza uburenganzira bwe?
2)Uburenganzira bw’umwana
a. Aka karirimbo karavuga ku yihe ngingo?
b. Tanga ingero z’ibikorwa bikwiye kwamaganwa bihohotera uburenganzira bw’umwana.
c. Ese ni ngombwa guha abana uburenganzira? Sobanura.
Isuzuma rusange ku mutwe wa kabiri
1) Ririmba udategwa kandi wubahiriza injyana y’indirimbo ivuga ku:a) Kurwanya ibiyobyabwenge.
b) Kurwanya uburara n’ubwomanzi
c) Kurwanya ihohoterwa ry’uburenganzira bw’umwana.
2) Ririmba neza uherekeresha ingoma cyangwa amashyi indirimbo “Imana ni Umubyeyi” (Isomo rya mbere, indirimbo ya mbere) wubahiriza injyana yayo.
3) Ni irihe somo wavanye mu ndirimbo ivuga ku kurwanya ibiyobyabwenge?
4) Vuga muri make uko wakwirinda uburara cyangwa ubwomanzi.
5) Vuga ingero z’uburenganzira bw’umwana.
6) Ese umwana akwiye uburenganzira? Sobanura.Ibisubizo biteganijwe ku bibazo byabajijwe ku isuzuma rusange
1) Ikibazo cya mbere n’icya 2: umwarimu asuzuma niba abanyeshuri baririmba kandi baherekeresha neza ingoma n’ibinyuguri akaririmbo bize kandi batabusanya n’injyana yako.
3) Kwirinda gukoresha ibiyobyabwenge, gutunga agatoki aho biri, kugira inama ababikoresha bakabireka
4) Kwirinda kuzerera, kwirinda gushukwa n’abandi, gutaha kare uvuye ku ishuri, kwirinda kureba firimi z’urukozasoni zigaragaza ubusambanyi, kunyurwa n’ibyo ababyeyi bawe baguhaye, kwishimira ubuzima ubayemo, n’ibindi,…
5) Kujyanwa mu ishuri, kugaburirwa, kwambikwa, kuvuzwa, gutanga ibitekerezo, kurererwa mu muryango, kurerwa n’ababyeyi n’ibindi,…
6) Yego. Kuko nawe afite ubushobozi bwo gutekereza no gutanga ibitekerezo,gukura mubwenge n’umuco no kubaho.
Imyitozo y’inyongera
Imyitozo nzamurabushobozi
1) Ku banyeshuri bagaragaje ko bafite ikibazo cyo kudahuza ingoma cyangwa ibinyuguri n‘indirimbo: Umwarimu abasaba kubanza kuyiherekeresha amashyi, nyuma bagakoresha ingoma bigana amashyi, cyangwa mu gukoma amashyi ikiganza kimwe kigakoma ku kinyuguri bigana ya mashyi ariko baririmbira mu mutima. Iyo bamaze kubahiriza injyana,
- UMUTWE WA GATATU: KURIRIMBA INDIRIMBO ZIFITE IBITERO N’INYIKIRIZOUMUTWE WA GATATU: KURIRIMBA INDIRIMBO ZIFITE IBITERO N’INYIKIRIZOLabel: 1UMUTWE WA GATATU: KURIRIMBA INDIRIMBO ZIFITE IBITERO N’INYIKIRIZO
UMUTWE WA GATATU:KURIRIMBA INDIRIMBO ZIFITE IBITERO N’INYIKIRIZO
3.1. Ubushobozi bw’ingenzi bugamijwe
Kuririmba indirimbo zifite ibitero n’inyikirizo
3.2. Ubushobozi shingiro
Kuririmba neza no kubyina mu ruhame, kwigana neza ijwi ry’indirimbo, kuririmbana n’abandi, kubahiriza injyana y’indirimbo, no guherekeresha indirimbo ingoma cyangwa ikindi gikoresho kirangira, gufatanya n’abandi, kubana neza n’abandi, no kwigirira ikizere
3.3. Ingingo nsanganyamasomo zizitabwaho
3.3.1. Umuco w’amahoro:
Ibi bigaragarira mu gutega amatwi mu gihe umwarimu yigisha indirimbo
3.3.2. Uburinganire n’ubwuzuzanye bw’ibitsina byombi:
Ibi bigaragara mu gihe umwarimu ahuza abanyeshuri b’abakobwa n’abanyeshuri b’abahungu mu matsinda kugira ngo baririmbire hamwe. Icyo gihe, asaba abanyeshuri gukora amatsinda adaheza akanabaha amahirwe angana mu gutanga ibisubizo, ibitekerezo n’ubundi bwunganizi.3.3.3. Uburezi budaheza
Mu ishuri hashobora kuboneka abana badashobora kuririmba uko bikwiye indirimbo z’abandi kubera ko bafite ubumuga bwo kutavuga neza. Abo bana bashyirwa mu matsinda bagakorana n’abandi, kandi umwarimu akabitaho mu gihe yegera amatsinda. Mu isuzuma, umwarimu abaha amahirwe yo kuririmba, n’ubwo batabikora neza nk’abandi akabashimira ibyo bakoze.
3.4. Uburyo bwo gutangira umutwe
Umwarimu yinjiza abanyeshuri mu isomo atanga umwitozo wo kuririmba. Bashobora kuririmba umwe umwe ku giti ke cyangwa bakaririmba bari mu itsinda rito, bakaririmba indirimbo bazi cyangwa imwe mu zo bize mu mitwe yabanje.
3.5. Urutonde rw’amasomo
3.6. Ibiteganywa gukorwa mu kwigisha aya masomo
Mu ntangiriro:
• Umwarimu yereka abanyeshuri amashusho cyangwa amafoto yateguye. Abanyeshuri babyitegereza batuje, nyuma yaho akabasaba kuvuga ibyo babona kuri ayo mashusho cyangwa amafoto
• Umwarimu abaza abanyeshuri utubazo dutandukanye tuganisha ku isomo ry’umunsi. Si ngombwa kwibanda ku tubazo twatanzweho ingero, umwarimu ashobora gutegura utundi tujyanye n’isomo agiye kwigisha.
Mu isomo nyirizina:
• Umwarimu aririmba indirimbo nshya inshuro imwe yitonze, ashyiramo amarangamutima ashoboka. Icyo gihe, abanyeshuri baba bateze amatwi.
• Yongera gusaba abanyeshuri gutega amatwi bakumva neza amagambo avugwa muri iyo ndirimbo n’injyana yayo.
• Umwarimu kandi asaba abanyeshuri kuvuga niba hari amagambo bumvise badasobanukiwe.
• Asobanura amagambo akomeye, yaba ayo abanyeshuri batanze cyangwa andi we ubwe yateguye.
• Abanyeshuri basobanurirana muri make icyo iyo ndirimbo ivuga
• Umwarimu aririmba igika kimwe kimwe, abanyeshuri bagasubiramo. Iyo birangiye, asaba abanyeshuri kuririmba indirimbo yose akajyana n’abanyeshuri
• Umwarimu asaba abanyeshuri kuririmba bonyine
Mu isuzuma:
Mu isuzuma ryo kuririmba, umwarimu asuzuma koumunyeshuri ashobora kuririmbayungikanya neza ibitero n’inyikirizo mu ndirimbo yize. Asaba umwana umwe umwe kuririmba igice kimwe k’indirimbo. Bashobora no kubikorera mu itsinda
Isomo rya 1: Indirimbo z’amadini n’amatorero
a) Intego zihariye:
• Kungikanya ibitero n’inyikirizo mu ndirimbo
• Kwigana ijwi ry’abandi
• Kuririmbira hamwe n’abandi
• Kurushaho kwigirira ikizere no gutinyuka
• Gukunda Imana no kuyubaha
b) Imfashanyigisho:
Amafoto cyangwa amashusho agaragaza amakorari atandukanye ari kuririmba Ibikoresho bitandukanye byumvikanisha indirimbo.c) Uko isomo ritangwa:
i. Intangiriro:
• Umwarimu afasha abanyeshuri kujya mu matsinda.• Abanyeshuri bajya mu matsinda, bakaririmba akaririmbo bazi cyangwa bize.
• Umwarimu abaza abanyeshuri utubazo dutandukanye, tuganisha ku isomo ry’umunsi:
Ingero:
1) Iyo mugiye mu rusengero/mu Kiliziya, muba mugiye gukorayo iki?Gusenga
2) Iyo musenga, musenga nde (musenga iki)?
Imana
3) Ni ubuhe buryo butandukanye mukoresha musenga?
Kuvuga amasengesho, kuririmba.
ii. Isomo nyir’izina:
Muri iki gice, umwarimu ahitamo imwe muri izi ndirimbo yabanje kuzumva neza (akoresheje igikoresho cyumvikanisha indirimbo) no kuziga, kugira ngo arebe ikwiranye n’umwanya afite.
Indirimbo ya 1: Ni Wowe MugengaNi Wowe Mugenga, wanjye Yezu,
wandindiye ubuzima, nzagusingiza. (x2)
Wabanye najye mu bihe byiza,
no mu bikomeye unyitaho Yezu
Usingizwe Yezu uririmbwe na bose,
n’abatakuzi babeshwaho nawe.
Urukundo rwawe runtera imbaraga,
rukansindagiza ndirimba Aleluya.
Mfasha gukunda abandi nk’uko wankunze,
bose bakumenye ko ari Wowe Mugenga.
Kuba uyu munsi nkiri muzima,
si uko ndi intungane ahubwo umfitiye umugambi.
Indirimbo ya 2: Mbega Urukundo rw’Imana yacu
1. Mbega urukundo rw’Imana yacu
Nta warondora uko rungana
Rusumba ukwezi rusumba izuba
Kandi ikuzimu rugerayo
rwatumye Yesu aza mu isi yacu
Ngo indushyi aturuhure,
Nacya kirara cy’inzererezi
Rwatumye se acyakira.
Mbese urukundo rw’Imana yacu
Rwagereranywa n’iki
Mu ijuru n’isi baruririmbe
Kugeza iteka ryose.
2. Ingoma zose zo mu isi yacu
Zijya zihita zishiraho
Abanga Imana ntibayisenge
Bazapfa bose be kwibukwa
Nyamara urwo rukundo rw’Imana
Rutagira akagero
Urwo idukunda twe abari mu isi
Nirwo rutazashira.
3. Inyanja zose zaba nka wino
Ijuru rikaba impapuro
Ibyatsi nabyo bakabigira
Byose uducumu tw’abanditsi
Ab’isi bose bakandikaho
Iby’urukundo rwayo
Ntibabimara ntibyakwirwaho
Hakama inyanja ari yo.
4. Kandi uko ikunda umwana wayo
Jye niko inkunda ntakwiriye
Nari umugome nuko impa Yesu
Ngo ambambirwe ku musaraba
Mubo yacunguje ayo maraso
Nzi yuko nanjye ndimo
Nzajya ndirimba urwo rukundo
Ndukwize mu isi yose
iii. Isuzuma
Isuzuma rikorwa mu byiciro bibiri: ibibazo bijyanye no kuririmba n’ibibazo ibijyanye n’insanganyamatsiko.
A. Kuririmba
Umwarimu akoresha isuzuma ryo kuririmba, yubahiriza ibigenderwaho bivugwa mu ntangiriro y’uyu mutwe.B. Ibibazo biganisha ku nsanganyamatsiko y’indirimbo
1. Ni Wowe Mugenga
• Umugenga wawe uvugwa muri iyi ndirimbo ni nde?
• Ugendeye ku bivugwa mu nyikirizo y’iyi ndirimbo, vuga ikintu gikomeye uwo Mugenga wawe yagukoreye kizatuma umusingiza
• Wifashishije igitero cya gatatu cy’iyi ndirimbo, vuga icyo urukundo rwe rukumariye.
2. Mbega urukundo rw’Imana
• Ukurikije ibivugwa mu nyikirizo n’ibitero by’iyi ndirimbo, vuga ikintu Imana ifite kiruta ibindi byose.
• Vuga bimwe mu byo urukundo rw’Imana rusumba.
• Wifashishije igitero cya kane, vuga ikigaragaza ko Imana yagukunze cyane n’ubwo utabikwiriye.
Isomo rya 2: Indirimbo z’amadini n’amatorero
A. Intego zihariye:
• Kungikanya ibitero n’inyikirizo mu ndirimbo
• Kwigana ijwi ry’abandi
• Kwigirira ikizere
• Kurushaho kwigirira ikizere no gutinyuka
• Kubaha Imana no kumenya urukundo idukunda
B. Imfashanyigisho:
• Amafoto cyangwa amashusho agaragaza amakorari atandukanye ari kuririmba
• Ibikoresho bitandukanye byumvikanisha indirimbo.C. Uko isomo ritangwa:
i. Intangiriro:
Umwarimu afasha abanyeshuri kujya mu matsinda.Abanyeshuri bajya mu matsinda, bakaririmba indirimbo bize ubushize.
ii. Isomo nyirizina:
Umwarimu abaza abanyeshuri utubazo dutandukanye, tuganisha ku isomo ry’umunsi.Indirimbo ya 1: Reka ndate Imana Data
Reka ndate Imana Data, reka mvuge ibigwi byayo,
kandi nshimire ingabire y’ubuhanga n’ubwenge.
Muntu usumba ibyo yaremye uri mu ishusho ryayo,
Muntu usumba ibyo yaremye uri mu ishusho ryayo.
1. Nzajya niyambaza Uhoraho, mu gitondo uko mbyutse,nti “Dawe Nyir’ubuntu ngushimiye kuramuka;
Malayika murinzi nkwiragije uyu munsi,
Malayika murinzi nkwiragije uyu munsi”.
2. Roho w’Imana n’Umuremyi, wowe ngendana iteka,
uze untere ubutwari maze mbone gutsinda;
nshimwe nshimisha abandi nzi ko ngiriye Imana,
nshimwe nshimisha abandi nzi ko ngiriye Imana.
3. Igihe cyose ndi mu Misa, Nyagasani nkwiragize,
nteze amatwi ijambo ryawe, nkesha intumwa witoreye;
zamamaza inkuru nziza mu mahanga yo ku isi,
zamamaza inkuru nziza mu mahanga yo ku isi.
4. Hari abahinyura ibyo uvuga, bakirengagiza ibyo ukora,
tubime amatwi tubihorere, maze ducinye akadiho;
tuti: “Mana idukunda, kuri iyi si turi abawe”,
tuti: “Mana idukunda, kuri iyi si turi abawe”.
5. Reka ndate Imana Data, Yo Mugenga wa byose,
yaduhaye umutima umwe, ngo dukundane ubwacu;
ngo dukundane ubwacu, tubone kuyikundago
dukundane ubwacu, tubone kuyikunda,
Indirimbo ya 2: Mwami Mana ndakuririmbira
1. Uhoraho mpora ntangazwa rwose n’ibyaremwe n’ibiganza byawe Inyenyeri,
uguhinda kw’inkuba, byerekana ububasha bwawe.
Mwami Mana ndakuririmbira, uri nkuru, uri nkuru.
Mwami Mana ndakuririmbira, uri nkuru, uri nkuru.
2. Iyo ngenda mu ishyamba ry’ikibinga, numva inyoni uko ziririmba,
Ndi mu mpinga ndende ndeba mu nyonga, mbona imigezi numva imiyaga.
Iyo nibutse Mana ko watanze Umwana wawe ku musaraba
Imitwaro yanjye akayikorera, yamfiriye ngo nkurweho icyaha
3. Kristo azaza azanye n’ingabo ze, azanjyana mu rugo kwa Data
Nzapfukama mpimbaze Imana yanjye, mvuze impundu nti Mana uri nkuruMWAMI MANA NDAKURIRIMBIRA
iii. Isuzuma:
Isuzuma rikorwa mu byiciro bibiri: ibibazo bijyanye no kuririmba n‟ibibazo ibijyanye n‟insanganyamatsiko.
A. Kuririmba
Umwarimu akoresha ryo kuririmba, yubahiriza ibigenderwaho bivugwa mu ntangiriro y‟uyu mutwe.
B. Ibibazo biganisha ku nsanganyamatsiko y’indirimbo
1. Reka ndate Imana Data
• Vuga bimwe mu byo Imana yaremye bigaragaza ububasha bwayo.
• Ukurikije iyi ndirimbo, mu gitero cyayo cya gatatu: erekana impamvu Imana yatanze Umwana wayo ngo adupfire.Isomo rya 3: Indirimbo z’amadini n’amatorero
a) Intego zihariye:
• Kungikanya ibitero n’inyikirizo mu ndirimbo
• Kwigana ijwi ry’abandi
• Kwigirira ikizere
• Kurushaho kwigirira ikizere no gutinyuka
• Kubaha Imana no kumenya urukundo idukunda
b) Imfashanyigisho:
Amafoto cyangwa amashusho agaragaza amakorari atandukanye ari kuririmba Ibikoresho bitandukanye byumvikanisha indirimbo.c) Uko isomo ritangwa:
i. Intangiriro:
Umwarimu afasha abanyeshuri kujya mu matsinda.Abanyeshuri bajya mu matsinda, bakaririmba akaririmbo bize mu isomo riheruka.
ii. Isomo nyir’izina:
Umwarimu abaza abanyeshuri utubazo dutandukanye, tuganisha ku isomo ry’umunsi: Indirimbo ya 1: Ni Yesu wangize kuba umuvandimwe1. Ni Yesu wangize kub’ umuvandimwe we
Imana Imana ishimwe cyane
Kand’ ibyo mfite byose ni we wabimpaye Imana Imana ishimwe cyane
Kandi yarambabariy’ angir’ imbohore
Yamviriy’ amaraso yo mu mutima we Ndanezerewe cyane kuko yancunguye
Imana Imana ishimwe cyane
Igitabo cy’Umwarimu - Ubugeni n’ubuhanzi-Umwaka wa Kabiri 61
2. Ibyiza yakoze mbifitemw’ umufasha Imana Imana ishimwe cyane
Ni w’ umfasha mu bintu byose bikomeye Imana Imana ishimwe cyane Imibabaro yanjye yose ni kw’ ayizi
Ahindur’ iyo mibabaro ngw anezeze Iman’ ishimwe kuko yumv’ amasengesho Imana Imana ishimwe cyane
3. Ku Mana mw’ijuru mfitey’ umugabane Imana Imana ishimwe cyane
Mu mwanya muto tuzabon’ umunezero Imana Imana ishimwe cyane
Mw ijur’ abera bazamurika nk’ izuba
Yes’ ubw’ azatwambik’ ikamba ry’ ubugingo
Tumwitegure kukw’ azagaruka vuba
Imana Imana ishimwe cyane
(Icyitonderwa: igitero cya mbere cy’iyi ndirimbo ni cyo gifatwa nk’inyikirizo)
Indirimbo ya 2: Yezu Ncuti y’abato
Inyikirizo: Yezu ncuti y’abato, abakene n’aboroheje,utuza kandi woroshya, duhe umutima nk’uwawe.
1) Watweretse inzira y’umukiro wo kwamamaza urukundo rukunda n’abatugomera, twigishe gukunda nkawe.
2) Watwigishije kubabarira, bityo natwe tubabarire nka Data wa twese mu ijuru, tugwirize ubwo butwari
3) Igihe tujyanywe na sekibi mu bibuza abandi amahoro ingufu z’ijambo ryawe zijye zitwibutsa ibyawe.
4) Abatagira epfo na ruguru ubibutsa ko uri Byose, ha abatunze ibyo kuri iyi si basangire n’abashonji.
5) Abo washinze abo bayobora bahitemo guca bugufi, ha n’abayoborwa n’umutima wo kumvira mu butwari.
iii. Isuzuma:
Isuzuma rikorwa mu byiciro bibiri: ibibazo bijyanye no kuririmba n’ibibazo ibijyanye n’insanganyamatsiko.
A. Kuririmba
Umwarimu akoresha isuzuma ryo kuririmba, yubahiriza ibigenderwaho bivugwa mu ntangiriro y’uyu mutwe.
B. Ibibazo biganisha ku nsanganyamatsiko y’indirimbo
1. Ni Yesu wangize kuba umuvandimwe we
• Vuga umutwe w’iyi ndirimbo mwize.
• Ukurikije ibivugwa muri iyi ndirimbo, vuga ibintu bitanu Yesu akwiye gushimirwa.
2. Yezu Ncuti y’abato (Frère Bigirimana Jean Bosco)
• Wifashishije inyikirizo y’iyi ndirimbo, vuga ibyiciro bitatu by’abantu Yezu abereye incuti.
• Vuga icyo Yezu asaba abayobora abantu n’abayoborwa bose.
Isomo rya 4: Indirimbo z’abandi bahanzi
a) Intego zihariye:• Kungikanya ibitero n’inyikirizo mu ndirimbo
• Kwigana ijwi ry’abandi bahanzi
• Kurushaho kwigirira ikizere no gutinyuka
• Gukunda Muzika no kumva ubutumwa burimo
b) Imfashanyigisho:
Amafoto amwe n’amwe y’abahanziIbikoresho bitandukanye byumvikanisha indirimbo.
c) Uko isomo ritangwa:
i. Intangiriro:
Umwarimu afasha abanyeshuri kujya mu matsinda.Abanyeshuri bajya mu matsinda, bakaririmba indirimbo bize mu isomo riheruka.
ii. Isomo nyirizina:
Umwarimu abaza abanyeshuri utubazo dutandukanye, tuganisha ku isomo ry’umunsi:Indirimbo: Bidufitiye akamaro
Ibidukikije banyarwanda
bidufitiye akamaro
twese tubirinde
tubibungabunge
1. Amazi turayakeneraturinde imigezi yacu
inzuzi n’ibiyaga
na byo tubirinde
2. Amashyamba adufasha byinshiNi yo akurura imvurura
Ayungururura umwuka
Na yo tuyarinde
3. Nidutere ibiti byinshibisimbura ibisarurwa
n’ibivangwa n’imyaka
nabyo tubitere
4. Ibishanga nabyo n’ingenzihabamo ibinyabuzima
tutabona ahandi
nabyo tubirinde
5. Twese tuge turwanya isuringo idatembana ubutaka
hagasigara ubutayu
nabwo tuburinde
iii. Isuzuma:
Isuzuma rikorwa mu byiciro bibiri: ibibazo bijyanye no kuririmba n’ibibazo ibijyanye n’insanganyamatsiko.
A. Kuririmba
Umwarimu akoresha isuzuma ryo kuririmba, yubahiriza ibigenderwaho bivugwa mu ntangiriro y’uyu mutwe.
B. Ibibazo biganisha ku nsanganyamatsiko y’indirimbo Bidufitiye akamaro
1. Tanga urugero rw’ibidukikije biri aho utuye bikwiye kubungabungwa.
2. Sobanura icyo wakora kugira ngo ubungabunge ibidukikije biri aho utuye
Isomo rya 5: Indirimbo z’abandi bahanziIntego zihariye:
• Kungikanya ibitero n’inyikirizo mu ndirimbo
• Kwigana ijwi ry’abandi bahanzi
• Kurushaho kwigirira ikizere no gutinyuka
• Gukunda Muzika no kumva ubutumwa burimo
a) Imfashanyigisho:
• Amafoto amwe n’amwe y’abahanzi
• Ibikoresho bitandukanye byumvikanisha indirimbo.
b) Uko isomo ritangwa:
i. Intangiriro:Umwarimu afasha abanyeshuri kujya mu matsinda.
Abanyeshuri bajya mu matsinda, bakaririmba indirimbo bize mu isomo riheruka.
ii. Isomo nyirizina:
Umwarimu abaza abanyeshuri utubazo dutandukanye, tuganisha ku isomo ry’umunsi:Indirimbo zishobora kwigwa:
Indirimbo: Turate Rwanda yacu
Turate Rwanda yacu itatse inema
Rwanda yacu nziza gahorane ishya
Gitego cyatatswe ubwiza na Rurema
Abawe baraguharanira
Rwanda nziza
Ntuteze kuzahinyuka mu mahanga
Rwanda nziza
Abawe baguhaye impundu
Wavuga iki se ku mazi magari,
Nka Kivu na Muhazi ya Buganza?
Burera na Ruhondo by’i Murera,
Cyohoha inetesha Bugesera?
Hari ubwo se mwageze mu mukenke?
Ngo murore impara n’imparage se?
Hari ubwo se mwageze mu mashyamba,
Ngo murore ingwe n’urusamagwe?
iii. Isuzuma:
Isuzuma rikorwa mu byiciro bibiri: ibibazo bijyanye no kuririmba n’ibibazo ibijyanye n’insanganyamatsiko.
A. Kuririmba
Umwarimu akoresha isuzuma ryo kuririmba, yubahiriza ibigenderwaho bivugwa mu ntangiriro y’uyu mutwe.
B. Ibibazo biganisha ku nsanganyamatsiko y’indirimbo
• Vuga ibyiza bitandukanye by’u Rwanda bivugwa muri iyi ndirimboIndirimbo: Umubano mu bantu
(NB: Iyi ndirimbo bashobora kuyibyina bashayaya)Ni umurage rusange wa basogokuruza
Ali Data ari na So bose barawusanze.
Ubasonzoranyiliza mu nzu y’amahoro,Impumeko y’urukundo irakunda iraramba, bambe
Umubano mu bantu
Umubano mu bantu
Ni wo uhuje amahanga ni wo ubumbye imiryango
Ni cyo kiza turusha ibindi biremwa byose.
Abantu tugasangira urupfu no kuramba
Subiza agatima impembero wibaze nawe, bambe
Ku mubano mu bantu
Ku mubano mu bantu
Ni wo utsinda amahane tukava inda imwe twese
Mu mulyango uzira ubulyalya utagira inabi
Abantu tugasangira urupfu no kuramba
Subiza agatima impembero wibaze nawe, bambe
Ku mubano mu bantu
Ku mubano mu bantu
Kandi wuje urukundo kandi wuje umurava
Ukagira amahoro ho umunywanyi wa hafi,
Ni wo ubyara gutabarana no gufatanya
Ni wo soko y’ubumwe bubonereye abantu, bambe
Umubano mu bantu
Umubano mu bantu
Ni iki cyaruta ubuntu n’imbabazi mu bantu bambe?
Umubano mu bantu
Umubano mu bantu
Nta cyaruta umushyikirano no kuva inda imwe
Mu mubano w’abantu
Mu mubano w’abantu
Ni iki cyaruta gufatanya hakora ukuli bambe?
Mu mubano w’abantu
Ibibazo rusange ku nsanganyamatsiko ziri mu ndirimbo
2) Umubano mu bantu
• Iyi ndirimbo iravuga ku yihe ngingo?
• Ni iki kivugwa muri iyi ndirimbo abantu turusha ibindi biremwa byose?
• Vuga ibyiza byo kugirana umubano mwiza n’abandi bantu by’umwihariko
abanyeshuri mwigana.
3.7. Isuzuma risoza umutwe wa gatatu
Muri iri suzuma, umwarimu agenzura niba umunyeshuri ashobora kuririmba yungikanya ibitero n’inyikirizo mu ndirimbo yize. Bitewe n’uko ikigambiriwe ari ukuririmba, ibibazo biganisha ku nsanganyamatsiko zigaragara mu masomo atandukanye ari muri uyu mutwe byagizwe bike. Bitewe n’umwanya, byaba byiza
umwarimu akoresheje isuzuma ku ndirimbo zose zigishijwe muri uyu mutwe.
Ibibazo by’isuzuma:
1) Erekana impamvu ari ngombwa gukunda no kubaha Imana.2) Vuga ibyiza Imana ikora umuntu ashobora kuririmba mu ndirimbo.
3) oranya imwe mu ndirimbo z’amadini n’amatorero wize mu ishuri, uvuge isomo wakuyemo
4) Ni izihe nsanganyamatsiko zishobora kuririmbwaho n’abahanzi batandukanye?
5) Uramutse ubaye umuhanzi, wazakurikiza nde? Wazaririmba ku ki?
Bimwe mu bisubizo biteganyijwe:
1) Ni ngombwa gukunda Imana kubera ko igira neza, kubera ko idukunda, kubera ko iturinda, kubera ko iduha byinshi dutunze, ...Tugomba kandi kuyubaha kubera ko yaturemye, ikomeye, ifite ububasha...
2) Ibyiza Imana ikora umuntu ashobora kuririmba mu ndirimbo ni: Urukundo rwayo, ineza yayo, impuhwe zayo, ubuntu bwayo, ubudahemuka bwayo, ...
3) Kuri iki kibazo, umunyeshuri avuga isomo yakuye mu ndirimbo ahisemo, umwarimu akamuyobora kugira ngo bibashe gusobanuka neza.
4) Zimwe mu nsanganyamatsiko zishobora kuririmbwaho n’abahanzi batandukanye ni: Imibanire, urukundo, amateka, umurimo, uburezi, Iyobokamana, kurwanya indwara z’ibyorezo nka SIDA, uburere mboneragihugu...
5) Iki kibazo umunyeshuri agisubiza uko abyumva, umwarimu akamuyobora mu bisubizo bye.
3.8. Imyitozo y’inyongera
Imyitozo nzamurabushobozi:
1. (Umwarimu ashobora guha uyu mwitozo abanyeshuri bagaragaje ikibazo cyo kutanoza ijwi neza: icyo gihe aririmbana na we mu rwego rwo kumufasha kugorora ijwi neza. Iyo bibashije gutungana, agenda amuha izindi ndirimbo, agahera ku zoroshye ajya ku zikomeye):Ririmba indirimbo waba wibuka mwize mu ishuri.
2. (Uyu mwitozo uhabwa abanyeshuri bagaragaje ikibazo cyo kutubahiriza injyana y’indirimbo: umwarimu amusaba kuririmba agace gato k’indirimbo,agenda amuyobora akoresheje amashyi, ahereye ku nyikirizo, yabifata akajya ku gitero, nyuma akabyungikanya. Iyo abonye umunyeshuri atangiye kubahiriza injyana ahabwa n’Umwarimu, amusaba noneho kuririmba yijyana):Ririmba indirimbo “Mwami Mana ndakuririmbira”
(reba mu isomo rya kabiri, indirimbo ya kabiri)
3. (Uyu mwitozo uhabwa abanyeshuri bagaragaje ikibazo cyo kwitiranya ibitero n’inyikirizo, ntabyungikanye uko bikwiye. Aha, umwarimu amuha indirimbo ifite ibitero bisa n’inyikirizo, yayiririmba neza akamuha indi ifite ibitero bitandukanye n’inyikirizo, ariko yoroshye).
4. Ririmba indirimbo zikurikira:a) Reka ndate Imana Data (reba mu isomo rya kabiri, indirimbo ya mbere)
Ibisubizo:
Muri iyi myitozo, umwarimu agenzura niba ibisabwa kuri buri ntangiriro y’umwitozo byubahirizwa, agashyira ingufu aho bikenewe.
Imyitozo nyagurabushobozi
Imyitozo iri muri iki cyiciro ikwiye gushingira ku kuririmba. Nyuma yo kubigisha indirimbo ziba zateganyijwe, umwarimu asaba abanyeshuri kuririmba indirimbo bihitiyemo z’amadini n’amatorero ndetse n’iz’abandi bahanzi.IBITABO BYIFASHISHIJWE
1. Emma D. (1970) Children discover music and dance, New York
2. Judy T. (1990) Understanding music, London
3. Ministry of Educaion, REB 2015. Integanyanyigisho y’Ubugeni n’Ubuhanzi, Ikiciro cya mbere cy’amashuri abanza, Kigali
4. Ministry of Education, NCDC (2010) Teacher’s music reference book in primary school Kigali
5. Indirimbo zo gushimisha Imana, Indirimbo z‘agakiza
6. Singizwa Nyagasani N0 7, Byumba, Ukwakira 2011, urup 38
7. https://www.musixmatch.com/lyrics/
Iki gitabo kigenewe umwarimu wigisha ismo rya Muzika mu mwaka wa gatatu w’amashuri abanza. Ni igitabo kijyanye n’integanyanyigsho ivuguruye ishingiye ku bushobozi yemejwe na Minisiteri y’uburezi muri Mata 2015. Ibiri muri iki gitabo bibumbatiye indangagaciro z’umuco nyarwanda zigaragara mu nteganyanyigisho. Iki gitabo kizafasha umwarimu nk’imwe mu mfashanyigisho azakenera mu kwigisha
isomo ry’ubuhanzi/Muzika. Gikoze ku buryo umwarimu wigisha ahera ku byo umwana azi, abona mu buzima bwa buri munsi, bikamufasha kwivumburira ibishya. Umunyeshuri ahabwa uruhare runini mu bikorwa bimugeza ku bumenyingiro n’ubukesha bizamufasha guhinduka neza, afite icyo ashobora gukora cyamuteza imbere, ndetse kigateza imbere n’umuryango rusange w’abantu.
Si ihame gukoresha ibikoresho byakoreshejwe muri iyi nyoborabarezi gusa, umwarimu ashobora kwifashisha ibindi bikoresho biboneka aho atuye, ikigamijwe ni ukubakamo umunyeshuri ubushobozi mu byerekeye ubuhanzi/Muzika.
- Topic 5
- Topic 6
- Topic 7
- Topic 8
- Topic 9
- Topic 10