Creative Arts: Music

PART ONE: GENERAL INTRODUCTION

• Song about Religion URL

  Mark as done
• Designing a Puppet URL

  Mark as done
• Different Embroidery Desgins URL

  Mark as done
• Performing Rwandan Sons URL

  Mark as done
• 
  

  1.1 Imiterere y’inyoborabarezi

  Iki gitabo kigenewe umwarimu wigisha isomo rya Muzika mu mwaka wa kabiri w’amashuri abanza. Iyi nyoborabarezi yanditswe ihereye ku nteganyanyigisho y’ubugeni n’ubuhanzi ishingiye ku bushobozi yateguwe n’Ikigo Gishinzwe Guteza Imbere Uburezi mu Rwanda (REB) mu mwaka wa 2015.
    Iki gitabo kigizwe n’imitwe itatu (3), buri mutwe usozwa n’isuzuma rusange rizafasha umwarimu gusuzuma ubushobozi bw’abanyeshuri kugira ngo arebe ko ari ngombwa guhita atangira undi mutwe cyangwa se ko agomba gusubira mu masomo atarumvikanye neza. Uyu mutwe ugizwe n’amasomo atanu.
   Muri iki gitabo cy’ umwarimu hateganyijwe isomo ntangarugero rimufasha gutegura no gutanga amasomo ye uko bikwiye. Muri iki gitabo cy’umwarimu harimo imyitozo inyuranye igamije gusuzuma ubushobozi bw’umunyeshuri nyuma ya buri somo. Icyakora imyitozo iri mu gitabo si kamara: umwarimu yayiheraho agashaka indi akurikije ikigero abanyeshuri bagezeho n’aho ishuri rye riherereye.
  Twizeye ko umwarimu kwigisha neza isomo rya Muzika, gukundisha abanyeshuri kuririmba, ari na byo bizabafasha kongera ubumenyi n’ubushobozi basanzwe bafite nk’uko bigaragara mu masomo atandukanye bazigishwa, byose bigamije gukuza impano bafite, zikazabagirira akamaro mu buzima bwabo bw’ejo hazaza. si kamara: umwarimu yayiheraho agashaka indi akurikije ikigero abanyeshuri bagezeho n’aho ishuri rye riherereye.

  Twizeye ko umwarimu kwigisha neza isomo rya Muzika, gukundisha abanyeshuri kuririmba, ari na byo bizabafasha kongera ubumenyi n’ubushobozi basanzwe bafite nk’uko bigaragara mu masomo atandukanye bazigishwa, byose bigamije gukuza impano bafite, zikazabagirira akamaro mu buzima bwabo bw’ejo hazaza.

  
  

  1.2 Imyigire n’imyigishirize

  
  1.2.1 Guteza imbere ubushobozi

  Guhera mu mwaka wa 2015 mu mashuri y’inshuke, abanza n’ayisumbuye u Rwanda rwasezereye imyigire n’imyigishirize yari ishingiye ahanini ku bumenyi bwinjira mu myigire n’imyigishirize ishingiye ku bushobozi bukomatanya ubumenyi, ubumenyi ngiro n’ubukesha. Bityo imyigire n’imyigishirize yahaga umwarimu umwanya munini isimburwa n’iha abanyeshuri uruhare runini ubumenyi, ubumenyi-ngiro n’ubukesha bimufasha gushyira mu bikorwa ibyo yize no gutanga ibisubizo by’ibibazo ahura na byo mu buzima bwe n’ubw’abandi.
  Mu myigire ishingiye ku bushobozi abanyeshuri ni bo bahabwa uruhare runini mu myigire yabo. Umwarimu ahera ku byo abanyeshuri basanzwe bazi kandi bafitiye ubushobozi, akabafasha kuvumbura ibindi bungurana ibitekerezo mu matsinda
  yabo. Iyo abanyeshuri bakorera mu matsinda umwarimu agenda abayobora atanga ubufasha ku babukeneye. Iyo barangije kungurana ibitekerezo mu matsinda, bamurika ibyo bagezeho, nyuma bagafatanya n’umwarimu kunonosora iby’ingenzi basigarana. Abanyeshuri ntibagomba gufatwa nk’aho nta cyo bazi. 
  Umwarimu ntagomba kumva ko ari we ufite ubumenyi agomba kubapakiramo. Uretse ubushobozi bwihariye bukubiye mu isomo, abanyeshuri biyunguramo ubushobozi nsanganyamasomo bageraho bitewe n’aho bigira n’ubuzima busanzwe babamo. Izi ni zimwe mu ngero z’ubushobozi nsanganyamasomo abanyeshuri bashobora kungukira mu isomo rya Muzika:
  
  

  Ubushishozi no gushakira ibibazo ibisubizo:

  
  Ubu bushobozi buzafasha umunyeshuri gutekereza ahanga no gushyira mu gaciro ku buryo bwaguye, bituma abonera ibisubizo ibibazo ahura na byo mu buzima bwa buri munsi.

  Guhanga udushya:

  Kunguka ubu bushobozi bizafasha umunyeshuri gufata iya mbere agatekereza ahereye ku byo azi, maze agahanga ibintu bishya birimo no kuba yahanga indirimbo ifite ubutumwa bushishikariza abantu umurimo no guhanga udushya mu byo bakora.

  Ubushakashatsi:

  Ubu bushobozi buzafasha umunyeshuri gukemura ibibazo ahereye ku makuru no ku bumenyi busanzweho no gusobanura ibintu ahereye ku makuru yakusanyije.

  Gusabana mu ndimi zemewe gukoreshwa mu gihugu:

  Ubu bushobozi buzafasha abanyeshuri gusabana n’abandi nta mususu no gutanga ibitekerezo byabo ku buryo buboneye mu mvugo no mu nyandiko bakoresha imvugo n’amagambo bikwiye. Kubera iyo mpamvu, abarimu bose n’ubwo baba batigisha indimi, basabwa kugenzura ko abanyeshuri bakoresha uko bikwiye ururimi rwigishwamo

  Ubufatanye, imibanire n’abandi ikwiye n’ubumenyi ngiro mu buzima bwa buri munsi. 

  Ubu bushobozi buzafasha abanyeshuri gukorana n’abandi mu matsinda, mu kazi ako ari ko kose bahawe barangwa n’imyitwarire n’indangagaciro bikwiye, bubaha uburenganzira, ibitekerezo n’imyitwarire binyuranye n’ibyabo. Ibi bizafasha kandi abanyeshuri gukora ibikorwa bijyanye no kubungabunga ibidukikije, gukora ubuvugizi ku byerekeye ubuzima bwabo n’ubw’umuryango bita ku isuku n’imirire iboneye kandi na none bakemura ibibazo bahura na byo mu buzima.

  Kwiga no guhora yiyungura ubumenyi

  Kunguka ubu bushobozi bizafasha abanyeshuri kujyana n’igihe biyungura ubumenyi n’ubumenyi ngiro batarinze gufashwa muri byose. Ibi bizabafasha kandi kujyana n’iterambere bibanda ku bumenyi n’ubumenyi ngiro bikenewe.

  1.2.2 Kwita ku ngingo nsanganyamasomo

  Iyi nyoborabarezi y’umwaka wa kabiri iteguye ku buryo hagaragaramo ubushobozi nsanganyamasomo bukurikira: umuco w’amahoro, ubuzima bw’imyororokere, uburinganire n’ubwuzuzanye bw’ibitsina byombi, uburezi budaheza, uburere mbonezabukungu, ubuziranenge, kwita ku bidukikije no kurwanya jenoside.
  Iyo umwarimu yigisha agomba kwita ku myitozo ikubiyemo ubu bushobozi nsanganyamasomo kugira ngo intego zabwo zigerweho. Zimwe mu ngero z’ingingo nsanganyamasomo zizibandwaho mu isomo rya Muzika ni izi zikurikira:

   Umuco w’amahoro

  Umuco w’amahoro ugaragara mu gihe uwarimu yigisha indirimbo: abanyeshuri bihatira
  gutega amatwi batuje, nta kumuvugiramo cyangwa kuvunda. Ugaragara kandi mu gihe
  abana bakorera mu matsinda bahana ibitekerezo mu bwubahane.

  
  

  Uburinganire n’ubwuzuzanye bw’ibitsina byombi

  Bigaragara mu gihe uwarimu ahuza abanyeshuri b’abakobwa n’abanyeshuri b’abahungu mu matsinda kugira ngo baririmbire hamwe. Icyo gihe, asaba abanyeshuri gukora amatsinda atarobanura ku gitsina kandi akanabaha amahirwe angana mu gutanga ibisubizo, ibitekerezo n’ubundi bwunganizi.

  Uburezi budaheza

  Mu gihe mu ishuri harimo abana bafite ubumuga butandukanye, umwarimu abitaho kimwe na bagenzi babo batabufite. Abakeneye ubufasha bw’umwihariko abubaha uko ashoboye, kandi agakangurira abandi banyeshuri kubafasha nta kubaheza cyangwa kubanena.

  Uburere mbonezabukungu

  Aha, umwarimu yigisha abanyeshuri Muzika nk’isomo rizabagirira akamaro mu byerekeranye no kuba hari icyo bakwinjiza kijyanye n’umutungo, nk’uko hari abahanzi benshi bazwiho kuba binjiza amafaranga, bayakuye mu kuririmba ahantu hatandukanye: mu minsi mikuru, mu bitaramo n’ahandi.

  1.2.3 Kwita ku banyeshuri bafite ibyo bagenerwa byihariye mu myigire

  Mu ishuri, umwarimu asabwa kwita ku bafite ibibazo byihariye kugira ngo bashoborekujyana n’abandi. Iyo umwarimu avuga, arangurura ijwi kugira ngo afashe abatumva neza. Ashobora kandi no kubicaza hafi, akabasaba kumureba avuga, agakoresha ibishushanyo aho bishoboka hose, agakoresha ibimenyetso n’amarenga uko abishoboye.
  Abatabona neza abicaza akurikije imiterere y’ubumuga bwo kutabona bafite byaba ari imbonahafi cyangwa imbonakure. Bityo abafite imbonahafi abicaza hafi naho abafite imbonakure akabicaza ahitaruye. Abafite ubumuga bw’ingingo z’umubiri, umwarimu abashakira umwanya bicaramo ubafasha mu myigire yabo.
  Abafite ubumuga bw’ingingo, Umwarimu abaha amahirwe yo gukora ibyo bashobora gukora. Urugero: umunyeshuri ufite ukuboko kumwe, mu ndirimbo zisaba gukoma amashyi, igihe abandi bakoma amashyi, we akoma ku ntebe ajyana n’abakoma amashyi. Abafite ubumuga bwo mu mutwe umwarimu atangira abafasha mu byo bakora ariko gahoro gahoro akagenda agabanya ubufasha abagenera. Umwarimu arabareka bagakorana n’abandi banyeshuri kandi akabatera umwete mu byo bagenda bageraho n’imbaraga bakoresha.

  Abanyeshuri bafite ubumuga bwo kutumva neza cyangwa bumva buhoro umwarimu ashobora kubafasha arangurura ijwi cyangwa akabaha udukoresho dutuma batarangara (utwumvisho: ecouteurs/ earphones) igihe abandi biga indirimbo. Abagenda buhoro mu myigire yabo bagomba gushyirwa mu matsinda y’ababyumva
  kurusha abandi kugira ngo babazamure, kandi umwarimu akabibandaho ababaza n’iyo baba batazamuye ikiganza kugira ngo basubize. Bahabwa kandi imyitozo yihariye ituma bazamura ubushobozi bwabo.

  1.2.4 Isuzuma

  Isuzuma ni igenzura ry’imyigire n’imyigishirize hakusanywa amakuru ajyanye n’uburyo buri munyeshuri yiga ndetse no gufata umwanzuro ku byo umunyeshuri yagezeho hashingiwe ku bipimo byagenwe mbere yo gukora isuzuma. Isuzuma rero ni igice k’ingenzi mu myigire n’imyigishirize. Isuzuma rigizwe n’ubwoko butandukanye ari bwo ubu bukurikira:

  1.2.4.1. Isuzuma ryo kugorora imyigire n’imyigishirize

  Mu isuzuma ryo kugorora imyigire n’imyigishirize hakoreshwa uburyo busanzwe bukoreshwa n’amashuri mu gusuzuma ko abanyeshuri biga uko bikwiye. Mu gihe umwarimu ategura isomo rye, agomba kugena n’ibipimo bigenderwaho mu gusuzuma ibyo abanyeshuri bize ndetse n’ubukesha bategerejweho bagitangira kwiga umutwe runaka. Umutwe urangije kwigwa, umwarimu asabwa kureba ko abanyeshuri bosebagaragaza uko bikwiye ubushobozi bw’ingenzi bugamijwe mu mutwe bashingiye ku bigenderwaho mu isuzuma, mbere y’uko batangira kwiga umutwe ukurikiraho.
  Ubu bwoko bw’isuzuma muri iyi nyoborabarezi buri ukubiri: imyitozo y’isuzuma umwarimu agomba guha abanyeshuri nyuma y’ikigwa asuzuma ko intego z’isomo zagezweho, hakaba kandi n’imyitozo y’isuzuma rusange risoza umutwe ituma umwarimu afata umwanzuro wo gutangira undi mutwe.

  1.2.4.2. Isuzuma rigamije kumenya intera abanyeshuri bagezeho

  Mu gihe isuzuma rikozwe mu rwego rwo kugira ikemezo gifatwa ku bijyanye n’ubushobozi cyangwa ibyo umunyeshuri ashoboye gukora, riba rigamije kureba intera umunyeshuri agezeho. Isuzuma rigamije kureba intera umunyeshuri agezeho rigaragaza ishusho y’ubushobozi umunyeshuri amaze kugeraho mu gihe runaka kihariye. Intego y’ibanze isuzuma rigamije ni ukureba intera umunyeshuri agezeho no kugenzura niba
  intego z’isomo zaragezweho.

   Isuzuma ritegurwa hashingiwe ku ntego zihariye z’isomo cyangwa ku bigenderwaho mu isuzuma rya buri mutwe. Isuzuma riteguye ku buryo risaba umunyeshuri gushyira mu bikorwa ibyo yize. Cyakora hagenda hagaragaramo n’ibibazo bike bimusaba kugaragaza ubumenyi bw’ibyo yize. Mu itegurwa ry’iri suzuma ibibazo bikurikirana hashingiwe ku nzego z’intego z’imyigire n’imyigishirize zagenwe n’umuhanga mu iyigandero Bloom. Ni ukuvuga ko ibibazo biri ku ntera zo hejuru ku rwego rw’intego ari byo bihabwa umwanya ugaragara muri iyi nyoborabarezi kurusha ibibazo bishingiye ku ntera zo hasi zijyanye n’ubumenyi.

  Mu isomo rya Muzika, hibandwa cyane cyane ku isuzumabumenyingiro. Iri suzuma rifite agaciro gakomeye mu myigishirize y’isomo kuko buri mwitozo uha umwarimu umwanya wo kumenya intambwe buri munyeshuri yateye muri iryo somo, akaboneraho n’akanya ko gukosora ibitagenze neza. Ku rundi ruhande, buri munyeshuri abona umwanya wo gukora umwitozo wa wenyine cyangwa mu amatsinda.
  Muri iyi nyoborabarezi, hateganyijwe ibibazo bibumbye amasomo yose yigishijwe mu mitwe yose igize isomo rya Muzika mu mwaka wa mbere. Igihe asuzuma mu isomo rya Muzika, umwarimu akwiye gushingira ku ngingo zikurikira:
    • Ijwi,
    • Injyana
  Ibimenyetso byigana indirimbo
    • Gufata mu mutwe,
    • Kutagira ubwoba imbere y’abandi,
    • Guhuza imbamutima n’ibikubiye mu ndirimbo, n’ibindi.

  1.2.5. Uburyo bw’imyigire y’abanyeshuri n’imiyoborere y’uburyo bw’imyigire  n’imyigishirize   

  
  

  Hari uburyo butandukanye bw’imyigishirize n’uburyo bwo kuyigeraho. Guhitamo uburyo bw’imyigishirize bigomba kwitonderwa cyane kandi hari ibigomba kwitabwaho nk’umwihariko w’amasomo, ubwoko bw’amasomo, intego zayo, imfashanyigisho uburyo abanyeshuri bicaye mu ishuri, ibikenewe kuri buri munyeshuri, ubushobozi bwe n’uburyo bwe bw’imyigire. Hari uburyo bune bw’imyigire y’abanyeshuri busobanurwa mu buryo bukurikira:

  a) Abanyeshuri b’umurava n’abanyeshuri b’abasesenguzi:

  Abanyeshuri b’umurava basobanukirwa neza ikintu iyo bakiganiraho, bagishyira mu bikorwa cyangwa bagisobanurira abandi. Naho abanyeshuri b’abasesenguzi bo basobanukirwa ikintu ari uko babanje kugitekerezaho cyane.

  b) Abanyeshuri bagendera mu murongo umwe n’abanyeshuri b’abacukumbuzi

  Aba ba mbere bakunda ibintu bifatika. Bakemura ibibazo banyuze mu nzira zagenwe (ntibakunda ibibagora) mu gihe ab’abacukumbuzi bakunda guhanga ibishya kandi ntibakunda gusubira mu bintu bimwe.

  c) Abanyeshuri bitegereza n’abanyeshuri babwirwa

  Abanyeshuri bitegereza bagaragazwa no kwibuka neza ibyo babonye cyangwa

  bitegereje n’amaso yabo (ibishushanyo, amashusho, amafoto, amafirimi,

  n’ibindi...). Abanyeshuri babwirwa bo, bagaragazwa no kumva neza ibyo babwiwe

  mu magambo (ibyandikwa n’ibivugwa).

  d) Abanyeshuri bumva intambwe ku yindi n’abanyeshuri bumva muri rusange

  Abanyeshuri bumva intamwe ku yindi bo basobanukirwa binyuze mu gufashwa

  buhoro buhoro, berekwa isano iri hagati y’igice runaka n’ikikibanziriza cyangwa

  ikigikurikira, naho abanyeshuri bumva muri rusange bumva igitekerezo rusange

  cy’isomo, batagombye kwigora baryinjiramo ryose uko ryakabaye.

  1.2.6. Imyigishirize iha uruhare umunyeshuri

  Uburyo butandukanye bw’imyigire bwavuzwe haruguru bushobora kugerwaho mu

  gihe umwarimu akoresheje uburyo bw’imyigishirize iha uruhare umunyeshuri, aho

  abanyeshuri bagira uruhare rw’ibanze mu myigire yabo.

   Imyigishirize iha uruhare umunyeshuri ni iki?

  Ni uburyo bwinjiza abanyeshuri mu gukora no gutekereza ku byo bari gukora. Muri

  iyi myigire, abanyeshuri bashishikarizwa kuzana ibyo bashoboye n’ibyo bazi igihe bari

  kwiga.

  Uruhare rw’umwarimu mu myigishirize ishingiye ku bushobozi

   • Umwarimu afasha abanyeshuri akoresha uburyo bwo kubaza, uburyo bwo kuganira mu matsinda, ubushakashatsi, ibikorwa by’ubucukumbuzi  n’imikoro ku giti cyabo.

  
    • Akoresha abanyeshuri isuzuma bwite cyangwa mu matsinda yaguye iyo  bari mu ishuri kandi agakoresha isuzuma rishingiye ku bushobozi.

  
    • Aha abanyeshuri amahirwe yo kuzamura ubushobozi butandukanye   bifitemo, abagenera ibyo gukora bizamura ubushishozi, ubushobozi

  
      bwo gukemura ibibazo, ubushakashatsi, guhanga ibishya, kuganira no gufatanya.
    • Umwarimu afasha ubu buryo bw’imyigire mu guha agaciro uruhare rw’abanyeshuri mu bikorwa byabo ku ishuri
  

    • Akoresha abanyeshuri isuzuma bwite cyangwa mu matsinda yaguye iyo  bari mu ishuri kandi agakoresha isuzuma rishingiye ku bushobozi.

  
    • Aha abanyeshuri amahirwe yo kuzamura ubushobozi butandukanye   bifitemo, abagenera ibyo gukora bizamura ubushishozi, ubushobozi

  
      bwo gukemura ibibazo, ubushakashatsi, guhanga ibishya, kuganira no gufatanya.
    • Umwarimu afasha ubu buryo bw’imyigire mu guha agaciro uruhare rw’abanyeshuri mu bikorwa byabo ku ishuri 

  
  

  Uruhare rw’abanyeshuri mu myigire yabo.

  Abanyeshuri nibo urufunguzo rw’imyigire ibaha uruhare mu myigire yabo. Ntabwo ari

  abo gufatwa nk’aho ntacyo bazi, ko umwarimu agomba kubapakiramo ibyo agomba

  kubaha, ahubwo akabafata nk’abantu buzuye ibitekerezo, ubushobozi n’ubukesha byo

  kubakiraho imyigire ihamye. Umunyeshuri wiga muri ubu buryo

  •• Aganira kandi asangiza abandi banyeshuri ibyo yifitemo binyuze mu

  kwerekana, kuganira n’abandi, mu mikoro y’amatsinda, no mu bindi bimuha

  uruhare (kwigana, ubushakashatsi, ubucukumbuzi...)

  •• Kugira uruhare rugaragara no kugira inshingano ku myigire ye.

  •• Kuzamura ubumenyi n’impano yifitemo, mu gukora.

  •• Gukora ubushakashatsi n’ubucukumbuzi binyuze mu gusoma ibiri mu

  bitabo cyangwa kuri murandasi no kubaza abantu batandukanye, hanyuma

  akabwira abandi ibyo yagezeho.

  •• Gutuma buri munyeshuri mu bagize itsinda rye agira uruhare mu mukoro

  watanzwe mu itsinda binyuze mu gutanga ibisobanuro, ubushishozi,

  inshingano no kwigirira ikizere mu gihe avuga mu ruhame.

  •• Gutanga umwanzuro ushingiye ku byagezweho mu kwiga.

  Ibice by’ingenzi by’isomo mu buryo bw’imyigishirize iha uruhare umunyeshuri

  Ibiranga imyigire iha umunyeshuri uruhare byavuzwe haruguru bigaragara mu bice

  by’isomo bikurikira. Muri rusange, isomo rigabanyije mu bice bitatu by’ingenzi, aho buri

  gice na cyo kigabanyijemo ibikorwa byinjiza abanyeshuri mu gikorwa cyo kwiga. Ibyo

  bice ni ibi bikurikira:

  1) Intangiriro

  Intangiriro ni igice umwarimu yerekanamo ihuriro hagati y’isomo ry’uwo munsi n’isomo

  riribanziriza. Atangiza ikiganiro kigamije gufasha abanyeshuri gutekereza ku byo bize

  mu isomo ryabanje no kubihuza n’intego y’isomo ry’uwo munsi. Umwarimu yibanda ku

  bumenyi bw’ingenzi, ubumenyingiro n’ubukesha bifitanye isano n’ibyo mu isomo rishya

  mu rwego rwo kubaka ishingiro rihamye no gukurikiza neza uruhererekane.

  2) Isomo nyirizina

  Isomo nyirizina rikubiyemo inyigisho nshya rikorwa mu ntambwe nto zikurikira: ibikorwa
  by’ivumburamatsiko, kwerekana ibyo abanyeshuri bagezeho, kubibyaza umusaruro,
  gukora incamake n’imyitozo cyangwa kubishyira mu bikorwa, nk’uko bisobanurwa muri
  ubu buryo:

  Ibikorwa by’ivumburamatsiko

  Intambwe ya mbere:

  •• Umwarimu asaba abanyeshuri kumenya ko uruhare rwabo mu myigire ari rwo rwa mbere.

  •• Abaha ibyo gukora akanababwira amabwiriza yose abigenga (niba barabikora mu matsinda yagutse, ya babiri babiri cyangwa niba ari buri muntu ukwe, kugira ngo bibafashe kuvumbura ubumenyi bugamijwe gutangwa).

  Intambwe ya kabiri:

  Umwarimu:

  •• aha umwanya abanyeshuri bagakora ibyo yabahaye mu matsinda.

  •• yirinda guhita asubiza abanyeshuri ku bijyanye n’ibyateganyijwe kwigwa uwo munsi.

  •• Agerageza kuba umuyobozi wabo ariko atabasubiriza ibibazo, ahubwo abayobora mu nzira igana ibisubizo, kandi agafasha abasigara inyuma.

  Kwerekana ibyo abanyeshuri bagezeho:

  •• Muri aka gace, umwarimu atumira abahagarariye amatsinda bakaza kwerekana imbere y’abandi banyeshuri ibyo amatsinda yabo yagezeho.
  •• Nyuma y’uko amatsinda atatu cyangwa ane amaze kwerekana ibyo yagezeho, umwarimu asaba abanyeshuri bose kubyaza umusaruro ibyavuzwe n’amatsinda.

  Kubyaza umusaruro ibyagezweho n’abanyeshuri

  •• Umwarimu asaba abanyeshuri kugenzura umusaruro wavuye mu byakozwe: ibishyitse, ibituzuye neza n’ibitari byo.

  •• Nyuma umwarimu agerageza kumva ukuri kw’ibyavuzwe n’abanyeshuri, akabafasha gukosora ibyo bibeshye, akuzuza ibituzuye, akemeza ibishyitse.

  Umwanzuro/incamake/ingero

  Umwarimu atanga incamake y’ibyizwe kandi agatanga n’ingero zisobanura neza ibyizwe.

  Imyitozo/gushyira mu bikorwa ibyizwe

  •• Hatangwa imyitozo igendanye n’ibyizwe mu ishuri

  •• Hatangwa kandi imyitozo ishingiye ku buzima bwa buri munsi ariko bufite aho buhurira n’ibyizwe mu ishuri.

  Umwarimu afasha abanyeshuri guhuza ibyizwe n’ubuzima bwa buri munsi. Kuri iyi

  ntera, uruhare rw’umwarimu ni ukuyobora abanyeshuri mu gucengerwa n’ibyo bize.

  3)Isuzuma

  Kuri iyi ntambwe, umwarimu abaza abanyeshuri bimwe mu bibazo agamije kureba niba
  intego z’isomo zagezweho. Muri iki gikorwa k’isuzuma, buri munyeshuri asuzumwa ku
  giti ke. Umwarimu yirinda guhita atanga ibisubizo, ahubwo ibivuye mu isuzuma biha
  umwarimu icyo azakorera abanyeshuri muri rusange n’umunyeshuri ku giti ke. Rimwe
  na rimwe, umwarimu ashobora gusoza isomo atanga umukoro wo mu rugo.

  1.2.7. Ubushobozi bugamijwe ku munyeshuri urangije umwaka wa kabiri

  Umunyeshuri urangije umwaka wa kabiri w’amashuri abanza azaba ashobora:

  •• Guherekeresha indirimbo amashyi n’ibikoresho byoroheje bivuzwa.

  •• Kuririmba indirimbo gakondo nyarwanda ziherekejwe n’umudiho.

  •• Kugereranya injyana zitandukanye z’indirimbo nyarwanda.

  
  

  Mark as done
• IGICE CYA KABIRI: URUGERO RW’IMBATA Y’ISOMO
  

  Izina ry’ishuri: ..............................................Amazina y’umwarimu: ..............................…

   

  

  

   

   

  Mark as done
• 
  

  1.1 Ubushobozi bw’ingenzi bugamijwe

  Kuririmba indirimbo nyarwanda hubahirizwa injyana zazo.

  1.2Ubushobozi shingiro

  Kuririmba, kwigana neza ijwi wumvise, kuririmbana n’abandi, kubahiriza injyana

  y’indirimbo, no kuririmbira mu ruhame.

  Gufatanya n’abandi, kubana neza n’abandi, kwigirira ikizere, gutinyuka kuvugira mu

  ruhame.

  1.3 Intego rusange

  •• Gukoma amashyi mu njyana zinyuranye z’indirimbo nyarwanda.

  •• Kugorora no kunoza ijwi.

  •• Kujyanisha ijwi n’amashyi hubahirizwa injyana y’indirimbo.

  •• Kugira indangagaciro nyarwanda.

  1.4 Ingingo nsanganyamasomo zizitabwaho

  Umuco w’amahoro:

  Ibi bigaragarira mu gutega amatwi mu gihe umwarimu yigisha indirimbo n’igihe

  baririmbira mu matsinda atandukanye bahana n’ibitekerezo mu bwumvikane.

  Uburinganire n’ubwuzuzanye bw’ibitsina byombi:

  Bigaragara mu gihe umwarimu ahuza abanyeshuri b’abakobwa n’abahungu mu matsinda

  kugira ngo baririmbire hamwe. Icyo gihe, asaba abanyeshuri gukora amatsinda adaheza

  akanabaha amahirwe angana mu gutanga ibisubizo, ibitekerezo n’ubundi bwunganizi.

  Uburezi budaheza:

  Hari abanyeshuri badafite ubushobozi bwo kwigana neza injyana y’indirimbo kubera ko

  bafite ubumuga butandukanye bw’ingingo. Abo bana bashyirwa mu matsinda bagakora

  ibyo babasha, kandi umwarimu akabitaho mu gihe yegera amatsinda.

  Mu isuzuma, umwarimu abaha amahirwe yo kuririmba, n’ubwo batabikora neza

  nk’abandi akabashimira ibyo babashije gukora.

  Hari abanyeshuri bagira isoni ku buryo badashobora kuririmbira mu ruhame, na bo bajya

  mu matsinda, bagenzi babo ndetse n’umwarimu bagakomeza kubatinyura, noneho mu

  isuzuma, umwarimu akabashimira ibyo bagerageje gukora.

  1.5 Uburyo bwo gutangira umutwe

  Umwarimu yinjiza abanyeshuri mu isomo atanga umwitozo wo kuririmba. Bashobora

  kuririmba umwe umwe ku giti ke cyangwa bakaririmba bari mu itsinda rito, bakaririmba

  indirimbo bazi cyangwa imwe mu zo bize mu mitwe yabanje.

  1.6 Urutonde rw’amasomo agize umutwe wa kabiri
                                

  1.7 Ibiteganywa gukorwa mu gihe k’isomo nyirizina

  Mu ntangiriro

  •• Kwereka abanyeshuri amashusho cyangwa amafoto: umwarimu yereka abanyeshuri amashusho cyangwa amafoto yateguye agendanye n’isomo ry’uwo munsi.

  •• Gusaba abanyeshuri kuvuga ibyo babona kuri ayo mashusho cyangwa amafoto, akanababaza utubazo dutandukanye tuganisha ku isomo ry’umunsi.

  Mu isomo nyir’izina:

  •• Gutega amatwi indirimbo nshya: umwarimu aririmba inshuro imwe yitonze, ashyiramo amarangamutima ashoboka.

  •• Gusubiramo ubwa kabiri, agasaba abanyeshuri gutega amatwi bakumva neza amagambo avugwa muri iyo ndirimbo n’injyana yayo.

  •• Kwitegereza no kwigana injyana y’indirimbo: umwarimu yerekana uko indirimbo iririmbwa hubahirizwa injyana yayo.

  •• Gusaba abanyeshuri kuvuga niba hari amagambo bumvise badasobanukiwe

  •• Gusobanura amagambo mashya: ayo abanyeshuri batanze n’andi yateguwe n’umwarimu

  •• Gusobanurirana muri make icyo iyo ndirimbo ivuga

  •• Kwigana indirimbo nshya: umwarimu aririmba igika kimwe, abanyeshuri bagasubiramo. Iyo birangiye, umwarimu asaba abanyeshuri kuririmba indirimbo yose akajyana nabo.

  •• Umwarimu asaba abanyeshuri kuririmba bonyine, nyuma bakaririmbabubahiriza injyana.

  Isuzuma:

  Kuririmba: umwarimu asuzuma ko abana bashoboye kuririmba bigana neza ibivugwa

  mu ndirimbo kandi bubahiriza injyana yayo, asaba abana umwe umwe kuririmba igice

  kimwe k’indirimbo. Bashobora no kubikorera mu matsinda, nyuma ishuri ryose.

  Isomo rya mbere: Indirimbo zivuga ku isuku rusange
  

  a) Intego zihariye:

  •• kwigana neza ijwi ry’indirimbo n’amagambo ayigize.

  •• kuririmba indirimbo ayiherekeresha amashyi n’umuyego akurikije injyana.

  •• kuririmbira mu ruhame.

  •• Kugira isuku no kuyigirira aho ari hose.

  b) Imfashanyigisho:

  •• Ibishushanyo bigaragaza isuku rusange (gukubura, guharura ibyatsi ku nzira, gushyira ibipapuro aho byagenewe, gukoropa ishuri no mu rugo…)

  •• Ibikoresho byumvikanisha amajwi y’indirimbo.

  c) Uko isomo ritangwa:

  Intangiriro

  •• Umwarimu afasha abanyeshuri kujya mu matsinda.

  •• Abanyeshuri bajya mu matsinda, bakaririmba indirimbo bazi cyangwa bize.

  •• Umwarimu abaza abanyeshuri utubazo dutandukanye tuganisha ku isomo

  ry’umunsi:

  Ingero: 1. Kuki tugomba kugira isuku ?

  = Ni ukugira ngo twirinde indwara ziterwa no kugira umwanda

  2. Vuga ibintu bitandukanye wakora bigaragaza ko wita ku isuku

  = Gukaraba buri munsi, kumesa imyenda, gukubura mu rugo,...

  Isomo nyir’izina

  •• Kwereka abanyeshuri ibishushanyo cyangwa amafoto: umwarimu yereka abanyeshuri ibishushanyo cyangwa amafoto bigaragaza ibikorwa by’isuku muri rusange yifashishije imfashanyigisho yitwaje. Abanyeshuri bo bitegereza ibyo umwarimu abereka batuje.

  •• Umwarimu asaba abanyeshuri kuvuga ibyo babona kuri ibyo bishushanyo

  cyangwa amafoto.

  d) Uturirimbo two kwiga

  Umwarimu ahitamo kamwe muri utu turirimbo dukurikira yabanje kutwumva no kutwiga kugira ngo ahitemo akabasha kworohera abanyeshuri.

  Akaririmbo ka 1: isuku ni ngombwa

  1) Isuku ni ngombwa bana b’u Rwanda,

  kuko ariyo soko y’ ubuzima

  2) Dusukure neza aho dutuye,

  isuku niyo soko y’ubuzima

  3) tujugunye imyanda aho yagenewe

  isuku niyo soko y’ubuzima

  4) Dusukure ishuli nmpande zaryo,

  isuku niyo soko y’ubuzima

  

  Akaririmbo ka 2: Tugire isuku

  1) Dusukure mu ngo zacu, hahore hakeye igihe cyose

  2) Dusukure ishuri ryacu, rihore rikeye igihe cyose

  3) Dusukure imisarani, ihore isukuye igihe cyose

  4) Dusukure ubusitani, buhore bubereye ijisho

  Dusukure aho turi hose, tubikangurire n’abandi.

  

  (ii)Isuzuma

  Isuzuma rikorwa mu byiciro bibiri: ibibazo bijyanye no kuririmba n’ibibazo ibijyanye

  n’insanganyamatsiko.

  A. Kuririmba

  Umwarimu akoresha isuzuma ryo kuririmba, yubahiriza ibigenderwaho bivugwa mu

  ntangiriro y’uyu mutwe.

  B. Ibibazo biganisha ku nsanganyamatsiko y’indirimbo

  Indirimbo ya mbere : Isuku ni ngombwa

  •• Kubera iki ari ngombwa kugira isuku?

  •• Vuga ibintu bitandukanye wakora wita ku isuku. 

  Indirimbo ya kabiri: Dusukure

  •• Ukurikije ibivugwa muri iyi ndirimbo, vuga ahantu hatangukanye hagomba gukorerwa isuku.

  Isomo rya kabiri: Indirimbo zivuga ku mutekano

  (a) Intego zihariye:

  •• kwigana neza ijwi ry’indirimbo n’amagambo ayigize.

  •• kuririmba indirimbo ayiherekeresha amashyi n’umuyego akurikije injyana yayo.

  •• kuririmbira mu ruhame.

  •• Gusigasira umutekano aho turi hose (mu rugo, mu muhanda no ku ishuri).

  (b) Imfashanyigisho:

  •• Ibishushanyo bigaragaza ibikorwa byo kwita ku mutekano (kugenda neza mu muhanda, kwitonda mbere yo kwambuka umuhanda, kwirinda kurwana n’abandi, gutanga amakuru igihe ubonye abahohotera abandi n’ibindi…)

  •• Ibikoresho byumvikanisha amajwi y’indirimbo.

  (c) Uko isomo ritangwa:

  i. Intangiriro
    • Umwarimu afasha abanyeshuri kujya mu matsinda.
    • Abanyeshuri bajya mu matsinda, bakaririmba indirimbo bazi cyangwa bize mu ishuri ivuga ku mutekano no kuwubungabunga.
    • Umwarimu abaza abanyeshuri utubazo dutandukanye, tuganisha ku isomo ry’umunsi.
  Ingero:
  1. Ni abahe bantu mujya mubona aho mutuye cyangwa munyura bashinzwe umutekano?
       = Abapolise, abasirikare, inkeragutabara, irondo, ...
  2. Ni ibihe bikorwa bihungabanya umutekano muzi?
       = Kurwana na mugenzi wawe, gutukana, kwiba, ubusinzi n’ibindi.
  3. Ni gute umunyeshuri agomba kugenda mu muhanda?
       = Agomba kugenda ku ruhande yirinda kujya hagati mu muhanda cyangwa Kuwukiniramo
  4. Ni iki ugomba gukora mbere yo kwambuka umuhanda?
        = Ugomba kubanza kureba impande zombi z’umuhanda (iburyo n’ibumoso) ko nta kinyabiziga kirimo kuza kandi ukambukira ahabugenewe.

  ii. Isomo nyir’izina
    • Kwereka abanyeshuri ibishushanyo cyangwa amafoto: umwarimu yereka abanyeshuri ibishushanyo cyangwa amafoto bigaragaza ibikorwa by’ubupfura yifashishije imfashanyigisho yitwaje. Abanyeshuri bo  bitegereza ibyo umwarimu abereka, batuje.
    • Umwarimu asaba abanyeshuri kuvuga ibyo babona kuri ibyo bishushanyo  cyangwa amafoto.
  
  

  (d) Indirimbo zo kwiga

  
  Umwarimu ahitamo imwe muri izi ndirimbo zikurikira yabanje kuzumva no kuziga kugira ngo ahitemo ibasha korohera abanyeshuri.
  
  

  Akaririmbo ka 1: Tugire umutekano
  Tugire umutekano, dukumira icyaha kitaraba
  Buri wese abe ijisho rya mugenzi we,
  Dutangira amakuru ku gihe 

  Bityo tugire umutekano urambye

  Umutekano rwose ni ngombwa ibyo tubimenye!

  Tuzirikane kandi ko udahari ntacyo twageraho

  Nitwumve ibyo dusabwa ku gihe

  Bityo tugire unutekanourambye

  
  
  

  
  

  Akaririmbo ka 2: Umutekano Urambye

  
  Buri munsi nabe ijisho ryari mugezi we
  dukumire kandi icyaha mbere y’uko kiba
  Dutangira amakuru ku gihe
  Bityo tugire umutekano urambye
  Umutekano rwose ni ngombwa ibyo tubimenye!
  Tuzirikane kandi ko udahari ntacyo twageraho
  Nitwumve ibyo dusabwa ku gihe
  Bityo tugire unutekanourambye
  
  
  iii. Isuzuma

  
  Isuzuma rikorwa mu byiciro bibiri: ibibazo bijyanye no kuririmba n’ibibazo ibijyanye n’insanganyamatsiko.

  A. Kuririmba

  
  Umwarimu akoresha isuzuma ryo kuririmba, yubahiriza ibigenderwaho bivugwa mu ntangiriro y’uyu mutwe.

  B. Ibibazo biganisha ku nsanganyamatsiko y’indirimbo

  
  Indirimbo ya mbere: Tugire umutekano.

  
    • Vuga ibintu bitatu twakora kugira ngo tugire umutekano.
    • Kuki umutekano ari ngomwa?

  Indirimbo ya kabiri: Umutekano urambye.
    • Vuga ibintu bitatu twakora kugira ngo tugire umutekano urambye.
    • Mbese hari icyo twageraho tudafite umutekano?

  Isomo rya gatatu: Indirimbo zivuga ku buzima n’izivuga ku burenganzira bw’umwana.

  (a) Intego zihariye
    • kwigana neza ijwi ry’indirimbo n’amagambo ayigize
    • kuririmba indirimbo ayiherekeresha amashyi n’umuyego akurikije injyana yayo.
    • kuririmbira mu ruhame
    • Gusigasira ubuzima no kwita ku burenganzira bw’umwana.

    (b) Imfashanyigisho:
  

  •• Ibishushanyo bigaragaza ibikorwa bitandukanye byo ukubungabunga ubuzima (kurara mu nzitiramibu, kwivuza, ikarita ya mituweli cyangwa iy’ubundi bwishingizi, gukora imyitozo ngororamubiri n’ibindi.)

  •• Ibishushanyo bigaragaza uburenganzira bw’umwana (kumugaburira, kumuha ibikoresho by’ishuri, kumuganiriza no kumutega amatwi n‘ibindi…)

  •• Ibikoresho byumvikanisha amajwi y’indirimbo.

  (c) Uko isomo ritangwa:

  i. Intangiriro:

  •• Umwarimu afasha abanyeshuri kujya mu matsinda.

  •• Abanyeshuri bajya mu matsinda, bakaririmba indirimbo bazi cyangwa bize ivuga ku buzima cyangwa ku burenganzira bw’umwana.

  •• Umwarimu abaza abanyeshuri utubazo dutandukanye, tuganisha ku isomo ry’umunsi.

  Ingero: 1. Ni iki twakora kugira ngo tugire ubuzima bwiza?

  = Kurya neza indyo yuzuye (irimo ibitera imbaraga ibyubaka umubiri n’ibirinda indwara)

  2. Tanga ingero z’ibiribwa birimo: ibitera imbaraga, ibyubaka umubiri n’ibirinda indwara.

  = Ibitera imbaraga: ibinyamasukari n’ibinyamafufu nk’ibijumba, imyumbati, ibigori

  Igitabo cy’Umwarimu - Ubugeni n’ubuhanzi-Umwaka wa Kabiri 27

  Ibyubaka umubiri harimo: amagi, inyama, ibishyimbo n’ibindi.

  Ibirinda indwara harimo: imboga, imbuto z’amoko yose, inyama, ibishyimbo, ...

  3. Tanga urugero rw’uburenganzira bw’umwana.

  = Kugaburirwa, kwambikwa, kujyanwa mu ishuri, kuvuzwa n’ubundi,...

  Isomo nyirizina:

  •• Kwereka abanyeshuri ibishushanyo cyangwa amafoto: umwarimu yereka abanyeshuri ibishushanyo cyangwa amafoto bigaragaza ubuzima bwiza n’uburenganzira bw’umwana yifashishije imfashanyigisho yitwaje.

  •• Abanyeshuri bo bitegereza ibyo umwarimu abereka, batuje.

  •• Umwarimu asaba abanyeshuri kuvuga ibyo babona kuri ibyo bishushanyo cyangwa amafoto.

  •• Kwigana indirimbo nshya: umwarimu aririmba igika kimwe, abanyeshuri bagasubiramo. Iyo birangiye, umwarimu asaba abanyeshuri kuririmba indirimbo yose akajyana n’abanyeshuri

  •• Mwarimu asaba abanyeshuri kuririmba bonyine, nyuma bakaririmba baherekeresha ya ndirimbo amashyi n’umuyego, bubahiriza injyana yayo.

  (d) Indirimbo zo kwiga

  Umwarimu ahitamo imwe muri izi ndirimbo zikurikira yabanje kuzumva no kuziga kugira

  ngo ahitemo ibasha korohera abanyeshuri.

  Akaririmbo ka 1: Amagara arasesekara ntayorwa.

  
  1. Amagara araseseka ntayorwa muze tuyiteho ,tuyasigasire tuzaramba

  2. Niba turwaye tuiye kwamuganga ; twivuze kare turamire ubuzima tuzaramba
  3. Turye neza buri munsi na hose indyo yuzuye dukore na siporo tuzaramba1
  
  Akaririmbo ka 2: Sida ni indwara mbi cyane

  1. Yandura kwinshi bahungu; SIDA ni indwara mbi cyane
  2. Yandura kwinshi bakobwa; SIDA ni indwara mbi cyane
  3. Yandurira mu nshinge ; SIDA;ni indwara mbi cyane
  4. Mu nshinge zidatetse ; SIDA;ni indwara mbi cyane
  5. Yandurira no mu busambanyi ntigira umuti ntigira n’urukingo
  
  Akaririmbo ka 3: Arabukwiriye
  Umwana akwiye guharirwa
  uburenganzira bwe, ARABUKWIRIYE
  Uburenganzira ku buzima,
  uburenganzira bwo kwiga,
  uburenganzira bwo gukina,
  n’ubundi bwose ARABUKWIRIYE.
  
  Akaririmbo ka 4: Uburenganzira bw’umwana
  1. Ayi mama we, umwana, akwiye kugira uburenganzira.
  2. Umwana akwiye, uburenganzira bwo kuvuzwa igihe arwaye.
  3. Umwana akwiye, uburenganzira bwo kugaburirwa igihe ashonje.
  4. Umwana akwiye uburenganzira Bwo kujyanwa mu ishuri kwiga.
  5. Umwana ufite ubumuga akwiriye uburenganzira nk’abandi bana bangana
  
  

  iii. Isuzuma

  Isuzuma rikorwa mu byiciro bibiri: ibibazo bijyanye no kuririmba n’ibibazo ibijyanye n’insanganyamatsiko.

  A. Kuririmba
  Umwarimu akoresha isuzuma ryo kuririmba, yubahiriza ibigenderwaho bivugwa mu ntangiriro y’uyu mutwe.

  B. Ibibazo biganisha ku nsanganyamatsiko y’indirimbo
  1. Amagara araseseka ntayorwa:
    • Ni ibihe bikorwa bitatu bivugwa muri iyi ndirimbo twakora kugira ngo
      tugire ubuzima bwiza?
  
  

  2. SIDA:
    • Kuki SIDA ari indwara mbi cyane ?
    • Vuga uburyo butandukanye umuntu ashobora kwanduriramo SIDA.
    • Ni gute wakwirinda SIDA ?
  
  

  3. Arabukwiriye:
    • Vuga uburenganzira bw’umwana buvugwa muri iyi ndirimbo
    • Vuga ubundi burenganzira umwana akwiye butavuzwe muri iyi ndirimbo
  
  

  4. Uburenganzira bw’umwana:
    • Vuga uburenganzira bw’umwana buvugwa muri iyi ndirimbo
    • Vuga ubundi burenganzira umwana akwiye butavuzwe muri iyi ndirimbo.

  Isomo rya kane: Indirimbo zivuga ku murimo n’izivuga ku gukina

  (a) Intego zihariye:
    • Kwigana neza ijwi ry’indirimbo n’amagambo ayigize
    • Kuririmba indirimbo ayiherekeresha amashyi n’umuyego akurikije injyana   yayo.
    • Kuririmbira mu ruhame
    • Gukunda umurimo no gukunda gukina.

  (b) Imfashanyigisho:
    • Ibishushanyo cyangwa amafoto bigaragaza umurimo (guhinga, kubaka  gukanika, umuntu wicaye mu biro…)
    • Ibishushanyo cyangwa amafoto bigaragaza abantu bari gukina.
    • Ibikoresho byumvikanisha amajwi y’indirimbo.

  (c) Uko isomo ritangwa:

  i. Intangiriro:

  Umwarimu afasha abanyeshuri kujya mu matsinda. Abanyeshuri bajya mu matsinda, bakaririmba indirimbo bazi cyangwa bize ivuga ku
  murimo ndetse no ku mikino Umwarimu abaza abanyeshuri utubazo dutandukanye, tuganisha ku isomo ry’umunsi:
  
  

  Ingero: 1. Kuki ari ngombwa gukora?
  = Ni uko umurimo ari wo utubeshejeho
  2. Tanga ingero z’imirimo ikorwa igateza imbere abantu.
  = Ubuhinzi, ubucuruzi, ubukanishi, ubugeni, kuririmba, ububaji …
  3. Umuntu udakora ibyo ashinzwe bamwita ngo iki?
  = umunebwe

  ii. Isomo nyir’izina
    • Kwereka abanyeshuri ibishushanyo cyangwa amafoto: umwarimu  yereka abanyeshuri ibishushanyo cyangwa amafoto bigaragaza
      ibikorwa by’ubupfura yifashishije imfashanyigisho yitwaje. Abanyeshuri bo bitegereza ibyo umwarimu abereka, batuje.
    • Umwarimu asaba abanyeshuri kuvuga ibyo babona kuri ibyo
      bishushanyo cyangwa amafoto.

  Indirimbo zo kwiga
  Umwarimu ahitamo imwe muri izi ndirimbo zikurikira yabanje kuzumva no kuziga kugira ngo ahitemo ibasha korohera abanyeshuri.
  
  

  Icyitonderwa:
   mu kuririmba iyi ndirimbo, abana bahuza ibiganza mu mashyi na bagenzi babo babari iburyo n’ibumoso Icyitonderwa: mu kuririmba iyi ndirimbo, abana bahuza ibiganza mu mashyi na bagenzi babo babari iburyo n’ibumoso

  iii. Isuzuma
  Isuzuma rikorwa mu byiciro bibiri: ibibazo bijyanye no kuririmba n’ibibazo ibijyanye n’insanganyamatsiko.

  A. Kuririmba
  Umwarimu akoresha isuzuma ryo kuririmba, yubahiriza ibigenderwaho bivugwa mu ntangiriro y’uyu mutwe.

  B. Ibibazo biganisha ku nsanganyamatsiko y’indirimbo
    • Nkunda umurimo: 
  1. Tanga ingero z’imirimo uzi.
   2. Kuki tugomba gukunda umurimo?
   3. Bavuga ko umurunga w’iminsi ari umurimo.
  Bishatse kuvuga iki?
    • Kanyamanza keza:
  1. Kuki akanyamanza kishimye
  2. Tanga andi mazina y’utunyoni waba uzi?
  • Dukine: 
  1. Ese gukina ni byiza ? vuga impamvu.
  2. Vuga imwe mu mikino abana bakunda gukina
  unasobanure akamaro kayo.
  • Muze dukine: 
  Vuga inama wagira umwana udakunda gukina.
  • cyangwa amafoto
  
  

  (c) Indirimbo zo kwiga
  Umwarimu ahitamo imwe muri izi ndirimbo zikurikira yabanje kuzumva no kuzigakugira ngo ahitemo ibasha korohera abanyeshuri n’icyo yifuza ko abanyeshuri basobanukirwa.

  Indirimbo ya1: Nkunda umurimo
  Nkunda umurimo kuko ari ingenzi, 

  Mbyuka kare ngakora,  nkiteganyiriza ejo hazaza 

  Nzihatira kuba intwari ku murimo dukunde umurimo ni ingenzi !

  
  Akaririmbo ka kabiri: Kanyamanza keza

  1.Mbega Kanyamanza keza ko mbona wishimye 

  ni ki cyabiguteye ngo natwe tugufashe

  2. Erega niko mpora mwa banyeshuri mwe 

  iyo mbona mukina numva nabakinamo

  3.Ujy’uza twikinire ntabwo bibujijwe 

  wenda wazatwigisha kuguruka nkawe
  
  Akaririmbo ka 3: Dukine
  1. Dukine dukine muze dukine
  Gukina ni byiza gukina ni byiza
  2. mubyo dukina harimo umugozi,
  Hari mabigibig ndetse n’ikibariko
  4. iyo dukina tuba twumnxe ubumwe
  Bigatuma twese tuba incuti nziza!
  Bigatuma twiga no kworoherana
  
  Akaririmbo ka 4: Muze dukine

  Muze dukine, muze dukine, kuko gukina ari byiza (x2)
  Bituma dusabana, bigatuma turuhuka,
  Bigatuma tugira ubuzima bwiza
  Bigatuma twunguka ubumenyi bushya,
  Bigatuma twiga no koroherana.
  

  iii. Isuzuma
  Isuzuma rikorwa mu byiciro bibiri: ibibazo bijyanye no kuririmba n’ibibazo ibijyanye n’insanganyamatsiko.
  
  

  A. Kuririmba
  Umwarimu akoresha isuzuma ryo kuririmba, yubahiriza ibigenderwaho bivugwa mu ntangiriro y’uyu mutwe.
  
  

  B. Ibibazo biganisha ku nsanganyamatsiko y’indirimbo
  Nkunda umurimo:
  1. Tanga ingero z’imirimo uzi.
  2. Kuki tugomba gukunda umurimo?
  3. Bavuga ko umurunga w’iminsi ari umurimo. Bishatse kuvuga iki?
  
  

  Kanyamanza keza:
  1. Kuki akanyamanza kishimye
  2. Tanga andi mazina y’utunyoni waba uzi?
  Dukine:
  1. Ese gukina ni byiza ? vuga impamvu.
  2. Vuga imwe mu mikino abana bakunda gukina unasobanure akamaro kayo.
  Muze dukine:
  Vuga inama wagira umwana udakunda gukina
  
  

  Isomo rya gatanu: Indirimbo zivuga ku iyobokamana
  (a)ntego zihariye:
    • Kwigana neza ijwi ry’indirimbo n’amagambo ayigize
    • Kuririmba indirimbo ayiherekeresha amashyi n’umuyego akurikije injyana yayo.
    • Kuririmbira mu ruhame
    • Kubaha Imana.
  
  

  (b) Imfashanyigisho:
    • Ibishushanyo bigaragaza ibikorwa bitandukanye bijyanye n’iyobokamana
      (Umusaraba, Urusengero, umusigiti, Kiliziya, abantu bari gusenga,
       ishapule,...)
    • Ibikoresho byumvikanisha amajwi y’indirimbo.
  
  

  (b) Uko isomo ritangwa:
  i. Intangiriro:
  Umwarimu afasha abanyeshuri kujya mu matsinda. Abanyeshuri bajya mu matsinda, bakaririmba indirimbo bazi cyangwa bize ivuga ku
  Mana. Umwarimu abaza abanyeshuri utubazo dutandukanye, tuganisha ku isomo ry’umunsi.
  Ingero: 1. Kuki tugomba kubaha Imana:
  = Ni yo yaturemye, yaremye isi dutuyeho, irema ibigaragara n’ibitagaragara.
  2. Tanga urugero rw’ibintu bigaragara byerekana ubuhangange bw’Imana.
  = Abantu, izuba, inyenyeri, ibiti, inyoni, ikirere n’ibindi
  
  

  ii. Isomo nyir’izina:
    • Kwereka abanyeshuri ibishushanyo cyangwa amafoto: umwarimu yereka  abanyeshuri ibishushanyo cyangwa amafoto bigaragaza ibikorwa by’Imana  yifashishije imfashanyigisho yitwaje. Abanyeshuri bo bitegereza ibyo umwarimu abereka, batuje.
    • Umwarimu asaba abanyeshuri kuvuga ibyo babona kuri ibyo bishushanyo
      cyangwa amafoto.

  (d) Indirimbo zo kwiga
  Umwarimu ahitamo imwe muri izi ndirimbo zikurikira yabanje kuzumva no kuziga kugira ngo ahitemo ibasha korohera abanyeshuri n’icyo yifuza ko abanyeshuri basobanukirwa
  

  Akaririmbo ka 1: Nzakorera Imana

  Iyo mbyutse mu gitondo nshimira Imana yandinze,
  Bigatuma mparanira iteka kuyishakashaka no kuyikorera.
  
  Akaririmbo ka 2: Imana irakomeye

  1) Hagenimana, Habyarimana, Harerimana, Hakuzimana.
  2) Hatungimana, Hatangimana, Hagabimana, Hafashimana.
  3) Habonimana, Harorimana, Havugimana, Hashakimana
  4) Haratwimana, Haganzimana, Hagumimana, Harindimana
  5) Habashimana, Hashimimana, Hakizimana, Hategekimana.
  Dukundimana, Dushimimana, Dusengimana, Imana irakomeye.
  

  iii. Isuzuma
  Isuzuma rikorwa mu byiciro bibiri: ibibazo bijyanye no kuririmba n’ibibazo ibijyanye
  n’insanganyamatsiko.

  A. Kuririmba
    • Umwarimu akoresha isuzuma ryo kuririmba, yubahiriza ibigenderwaho
      bivugwa mu ntangiriro y’uyu mutwe.
    • Umwarimu asuzuma ko abana bazi kuririmba asaba umunyeshuri umwe
      umwe kuririmba igice kimwe k’indirimbo. Bashobora no kubikorera mu
      itsinda.

  B. Ibibazo biganisha ku nsanganyamatsiko y’indirimbo

  1. Nzakorera Imana:
    • i) Ni iki ushimira Imana ubyutse mu gitondo?
    • ii) Ni iki uteganya kuyikorera?

  2. Imana irakomeye:
    • i. Amazina ari muri iyi ndirimbo ahuriye ku ki?
    • ii. Tanga ingero z’amazina ari muri iyi ndirimbo agaragaza ko:

  a) Imana ari Yo itanga
  b) Imana ari Yo iturinda
  c) Imana ari Yo idukiza
  d) Imana ari Yo ikwiye gukundwa
  e) Imana ari Yo ikwiye gusengwa
  
  

  Incamake y’umutwe wa mbere
    • Muri uyu mutwe wa mbere ubushobozi bw’ingenzi bugamijwe
      ni ukuririmba indirimbo nyarwanda hubahirizwa injyana zazo.
      Intego rusange ziri mu masomo yose ni:
        - Gukoma amashyi mu njyana zinyuranye z’indirimbo
          nyarwanda.
        - Kujyanisha ijwi n’amashyi hubahirizwa injyana
          y’indirimbo
    • Mu ndirimbo ziherekejwe n’amashyi zivuga ku isuku rusange harimo imigenzo ishishikariza umunyeshuri kurangwa n’isuku, nko gukaraba umubiri wose buri munsi, gukaraba intoki igihe umuntu avuye mu bwiherero, kumesa imyambaro buri gihe, gusukura mu rugo no munkengero zaho bituma hirindwa indwara ziterwa no kugira isuku nke (umwanda).
    • Mu ndirimbo zivuga ku mutekano mu rugo, mu muhanda, no ku ishuri,  harimo kugira umuco mwiza wo kwirinda icyahungabanya umutekano
      wawe n’uwabandi, kugenda neza mu muhanda hirindwa impanuka za hato  na hato zitwara ubuzima bw’abantu. harimo kugira umuco w’ubugwaneza, kudahemukirana, guca bugufi, gusaba imbabazi uwo wahemukiye,kwiremamo umuco wo kwakira no gutanga imbabazi, gutanga amakuru ubonye abashobora guhungabanya umutekano.
    • Mu ndirimbo zivuga ku buzima n’uburenganzira bw’umwana, harimo gushishikariza buri wese kwita ku buzima bwe n’ubw’abandi kurya
      indyo yuzuye, kumenya no gusobanukirwa uburenganzira bw’umwana nko kuvuzwa, kwambikwa, kunjyanwa ku ishuri, kugaburirwa, kumutega
      amatwi, n’ibindi.
    • Mu gihe ndirimbo zivuga kumurimo no gukina zishishikariza umunyeshuri gukunda umurimo kuwukora no kuwuteza imbere kugira ngo bizabagirire akamaro mu buzima bwabo bwa buri munsi, kumenya no gusobanukirwa  n’ibyiza byo gukina, harimo gusabana na bagenzi be, kugorora ingingo  z’umubiri, bituma bagira ubuzima bwiza.
  

  Isuzuma rusange risoza umutwe wa mbere

  Ibipimo mu isuzuma: Kureba uburyo umwana ahuza indirimbo amashyi n’imiyego.

  i. Ibibazo rusange by’isuzuma:
  1 (a) Ririmba udategwa indirimbo mwize ivuga kuri SIDA unakoma amashyi:
  (b) Kuki sida ari indwara mbi cyane ?
  (c) Vuga uburyo butandukanye umuntu ashobora kwanduriramo SIDA.
  (d) Ni gute wakwirinda SIDA ?
  2. Ririmba imwe mu ndirimbo mwize zivuga ku iyobokamana unakoma amashyi n’umuyego.
  3. (a) Ririmba indirimbo ikurikira ivuga kuburenganzira bw’umwana unakoma amashyi:
  Ayi mama we, umwana, akwiye kugira uburenganzira.
  Umwana akwiye, uburenganzira bwo kuvuzwa igihe arwaye.
  Umwana akwiye, uburenganzira bwo kurya igihe ashonje.
  Gukina n’abandi bana no kwambikwa, kujyanwa mu ishuri nabyo arabikwiye
  Umwana ufite ubumuga akwiriye uburenganzira nk’abandi bana bangana.
  (b) Vuga uburenganzira bw’umwana buvugwa muri iyi ndirimbo
  (c) Vuga ubundi burenganzira umwana akwiye butavugwa muri iyo ndirimbo.
  1. (a) Umwarimu yumva niba umunyeshuri aririmba neza indirimbo kandi unakoma amashyi cyangw umuyego.
  (b) Ni uko ari indwara itagira umuti ntigire n’urukingo.
  (c) Ubusambanyi, guhuza amaraso n’uyirwaye gusangira n’abandi ibikoresho bikomeretsanya nk’inzembe, inshinge zidatetse n’ibindi…
  (d) Kwirinda ubusambanyi, kwirinda gutizanya ibikoresho bikomeretsa, kwirinda ikintu cyose cyatuma amaraso y’umuntu ahura n’ay’undi,…
  2. Mwarimu yumva ko umunyeshuri aririmba neza indirimbo ivuga ku iyobokamana kandi ayiherekeresha amashyi cyangwa umuyego.
  3. (a) Umwarimu yumva niba umunyeshuri aririmba neza indirimbo uburenganzira bw’umwana kandi ayiherekeresha amashyi cyangwa umuyego.
  (b) Uburenganzira bwo kuvuzwa, kugaburirwa, kwambikwa, gukina, kujyanwa mu ishuri
  (c) Gutanga ibitekerezo, gusura bagenzi be, kujya gusenga n’ubundi bwose umwarimu abona ko ari bwo.
  
  

  Impugukirwa: 
  Kuri ibi bisubizo byateganyijwe, umwarimu ashobora kongeraho ibindi no kwemera ibindi bisubizo byatanzwe n’abanyeshuri mu gihe abona ko bijyanye n’ibibazo byabajijwe.

  1.8 Imyitozo y’inyongera
  

  Imyitozo nzamurabushobozi:
  1) Iki kibazo gihabwa abanyeshuri bagaragaje ikibazo cyo kutanoza ijwi neza cyangwa kudahuza neza amashyi n’injyana by’indirimbo. Umwarimu agerageza kuririmbana na bo bakoma amashyi mu njyana y’indirimbo, uko batera agatambwe
  akabasaba gusubiramo.
  Ririmba unaherekeresha amashyi indirimbo “Nzakorera Imana” (reba mu isomo rya 5)
  2) Iki kibazo gihabwa abanyeshuri bagaragaje ikibazo cyo gufata mu mutwe.
  Umwarimu asaba umunyeshuri kuririmba agace gato k’indirimbo, agenda
  agasubiramo, nyuma akaririmba nk’igika cyose kugeza aririmbye indirimbo yose:
  Ririmba indirimbo “Muze dukine” (reba mu isomo rya kane indirimbo ya
  gatatu)
  3) Iki kibazo gihabwa abanyeshuri bagaragaje ikibazo cyo kugira ubwoba bwo kuririmbira mu ruhame. Umwarimu asaba umunyeshuri kumuririmbira we ubwe, yabikora neza akamusaba kuririmbira mu itsinda, yabikora neza akamusaba
  kuririmbira imbere y’abandi banyeshuri bose: Ririmba indirimbo mwize muri iki gihembwe ivuga ku gukunda umurimo
  4) Iki kibazo gihabwa abanyeshuri bagaragaje ubushobozi buke bwo kwigana ibivugwa mu ndirimbo cyangwa kugaragaza imbamutima zikubiye mu ndirimbo. Aha, umwarimu asaba abanyeshuri nka bane akabicaza ahantu, hanyuma agasaba umunyeshuri uhabwa uwo mwitozo kuririmba indirimbo ivuga ku gukina akabasaba kujya bakora ibyo bari kuririmba. Ririmba indirimbo “Dukine” indirimbo ivuga ku gukina n’ibyiza byabyo.
  
  

  Ibisubizo:
  Muri ibi bibazo, umwarimu agenzura niba ibisabwa kuri buri ntangiriro y’ikibazo byubahirizwa, agashyira ingufu aho bikenewe.
  
  

  Imyitozo nyagurabushobozi
  1 a) Ririmba indirimbo “SIDA” (Isomo rya 2, indirimbo ya kabiri)
  wigana neza ibivugwamo kandi wubahiriza injyana n’umugendo wayo.
  b) Sobanura uburyo butandukanye umuntu ashobora kwanduriramo SIDA.
  2) a) Vuga muri make uko wakwirinda SIDA.
  b) Ni izihe nama wagira bagenzi bawe ubona ko bafite imyitwarire itari myiza
  yabaganisha ku kwandura SIDA?
  
  

  Ibisubizo:
  1 a) Umunyeshuri aririmba indirimbo agaragaza imbamutima zose ziri mu ndirimbo (kubyina, kumwenyura, gukoma amashyi...).
  b) Dore uburyo butandukanye umuntu ashobora kwanduriramo SIDA:
    • Ubusambanyi
    • Gufatwa ku ngufu n’muntu wanduye SIDA
    • Gukoresha ibikoresho bikomeretsa nk’inshinge, inzembe, byakoreshejwe
       n’abandi.
    • Umubyeyi utwite urwaye SIDA mu gihe cyo kubyara umwana we.
    • Guha amaraso atapimwe neza umurwayi uyakeneye kwa muganga
  2. a) Kuri iki kibazo umwarimu asuzuma niba umunyeshuri ashobora gutanga ibisubizo atekereje we ubwe. Bimwe mu bisubizo kuri iki kibazo:
    • Kwirinda ubusambanyi
    • Kudakoresha ibikoresho bikomeretsa nk’inshinge zidatetse n’inzembe  byakoreshejwe n’abandi
    • Umubyeyi utwite agomba gufata imiti nkuko muganga yabimugeneye kandi akabyarira kwa muganga
    • Kubanza gusuzuma amaraso ahabwa abarwayi b’indembe kwa muganga
    b)
    • Kumugira inama ku kwirinda uburara cyangwa ubwomanzi
    • Kwirinda kujya mu tubyiniro
    • Kwihutira gutaha igihe uvuye ku ishuri.
    • Kwirinda ibiyobyabwenge.
  
  

  Mark as done
• 2.1 Ubushobozi bw’ingenzi bugamijwe:

  
  Guherekeresha indirimbo udukoresho twirangira.
  
  

  2.2 Ubushobozi shingira

  Gusaba abanyeshuri kuririmba indirimbo basanzwe bazi ziherekejwe n’udukoresho twirangira. Kubaza aho bakunda kumva baririmba kandi baherekeresha indirimbo udukoresho twirangira.

  2.3 Intego rusange
       • Kujyanisha indirimbo n’imbyino.
       • Guherekeresha indirimbo udukoresho twirangira dutandukanye.
       • Kugorora no kunoza ijwi.
       • Kugira indangagaciro nyarwanda.
  
  

  2.4 Ingingo nsanganyamasomo zizitabwaho
  • Umuco w’amahoro:
  Ibi bigaragarira mu gutega amatwi mu gihe umwarimu yigisha indirimbo n’igihe baririmbira mu matsinda atandukanye bahana n’ibitekerezo mu bwumvikane.
  
  

  • Uburinganire n’ubwuzuzanye bw’ibitsina byombi:

  
  Bigaragara mu gihe umwarimu ahuza abanyeshuri b’abakobwa n’ab’abahungumu matsinda kugira ngo baririmbire hamwe. Icyo gihe, asaba abanyeshuri gukora amatsinda adaheza akanabaha amahirwe angana mu gutanga
  ibisubizo, ibitekerezo n’ubundi bwunganizi.
  
  

  • Uburezi budaheza:
  Hari abanyeshuri badafite ubushobozi bwo kwigana neza umugendo w’indirimbo kubera ko bafite ubumuga bw’ingingo. Abo banyeshuri bashyirwa mu matsinda bagakora ibyo babasha, kandi umwarimu akabitaho mu gihe yegera amatsinda. Mu isuzuma, umwarimu abaha amahirwe yo kuririmba, n’ubwo batabikora neza nk’abandi akabashimira ibyo babashije gukora. Hari abanyeshuri bagira ipfunwe ku buryo badashobora kuririmbira mu ruhame. Nabo bajya mu matsinda, bagenzi babo ndetse n’umwarimu bagakomeza kubatera
  akanyabugabo, noneho mu isuzuma, umwarimu akabashimira ibyo bagerageje gukora.
  
  

  2.5 Uburyo bwo gutangira umutwe
  Umwarimu yinjiza abanyeshuri mu isomo atanga umwitozo wo kuririmba. Bashobora
  kuririmba umwe umwe ku giti ke cyangwa bakaririmba bari mu itsinda rito; bakaririmba
  indirimbo bazi cyangwa imwe mu zo bize mu mitwe yabanje.
  
  

  2.6 Urutonde rw’amasomo agize umutwe wa kabiri

  
  
  
  

  2.7 Ibiteganywa gukorwa mu gihe k’isomo nyirizina
  Mu ntangiriro
  • Kwereka abanyeshuri amashusho cyangwa amafoto: umwarimu yereka abanyeshuri amashusho cyangwa amafoto yateguye agendanye n’isomo
  • Gusaba abanyeshuri kuvuga ibyo babona kuri ayo mashusho cyangwa amafoto, akanababaza utubazo dutandukanye tuganisha ku isomo ry’umunsi.
  
  

  Mu isomo nyir’izina:
  • Gutega amatwi indirimbo nshya: umwarimu aririmba inshuro imwe yitonze, ashyiramo amarangamutima ashoboka.
  • Gusubiramo ubwa kabiri, agasaba abanyeshuri gutega amatwi bakumva neza amagambo avugwa muri iyo ndirimbo n’injyana
  • Kwitegereza no kwigana umugendo w’indirimbo: umwarimu yerekana uko indirimbo iririmbwa hubahirizwa umugendo wayo
  • Gusaba abanyeshuri kuvuga niba hari amagambo mashya bumvise badasobanukiwe
  • Gusobanura amagambo mashya, ayo abanyeshuri batanze n’andi yateguwe n’umwarimu
  • Gusobanurirana muri make icyo iyo ndirimbo ivuga
  • Kwigana indirimbo nshya: umwarimu aririmba igika kimwe, abanyeshuri
  bagasubiramo. Iyo birangiye, umwarimu asaba abanyeshuri kuririmba
  indirimbo yose akajyana nabo.
  • Umwarimu asaba abanyeshuri kuririmba bonyine, nyuma bakaririmba
  bajyanisha ya ndirimbo umugendo wayo, bubahiriza injyana yayo.
  
  

  Isuzuma:
  Kuririmba: umwarimu asuzuma ko abana bashoboye kuririmba bigana neza ibivugwa
  mu ndirimbo kandi bajyanisha n’injyana yayo bayiherekeresha udukoresho twirangira.
  Asaba umunyeshuri umwe umwe kuririmba igice kimwe k’indirimbo. Bashobora no
  kubikorera mu itsinda.

  Isomo rya mbere: Uturirimbo tuvuga ku kinyabupfura

  
  (a) Intego zihariye:
  • Kujyanisha ijwi n’udukoresho twirangira hubahirizwa injyana y’indirimbo
  • Kugorora no kunoza ijwi
  • Kuririmbira mu ruhame
  • Kurangwa n’ikinyabupfura

  (b) Imfashanyigisho:
  • Ibishushanyo cyangwa amafoto bigaragaza imigenzo mbonezabupfura
  (Gusuhuza abantu, kwimukira umuntu mukuru umuha ikicaro, gutwaza
  utuntu umuntu wananiwe n’ibindi,…)
  • Ibikoresho bitandukanye bivuzwa bikirangira (ingoma, idebe, ijerekani
  ishaje n’ibindi,…)
  • Ibikoresho byumvikanisha amajwi y’indirimbo.
  (c) Uko isomo ritangwa:

  
  i. Intangiriro:
  • Umwarimu afasha abanyeshuri kujya mu matsinda.
  • Abanyeshuri bajya mu matsinda, bakaririmba indirimbo bazi ivuga ku
  kinyabupfura.
  • Umwarimu abaza abanyeshuri utubazo dutandukanye, tuganisha ku isomo
  ry’umunsi.
  Ingero: 1. Vuga ibintu byose uzi biranga umwana ugira ikinyabupfura
  = Arubaha, aritonda, ntasuzugura, asubiza neza iyo bamubajije,...
  2. Ni iki wafasha mugenzi wawe mungana urangwa no kugira imico mibi?
  = Kumuha urugero rwiza mu myitwarire, kumugira inama buri gihe.
  ii. Isomo nyir’izina

  
  • Kwereka abanyeshuri ibishushanyo cyangwa amafoto: umwarimu yereka abanyeshuri ibishushanyo cyangwa amafoto bigaragaza ibikorwa by’ubupfura yifashishije imfashanyigisho yitwaje. Abanyeshuri bo bitegereza ibyo umwarimu abereka, batuje.
  Umwarimu asaba abanyeshuri kuvuga ibyo babona kuri ibyo bishushanyo cyangwa
  amafoto.

  Indirimbo yo kwiga:

  Umwarimu yigisha iyi ndirimbo ikurikira yabanje kuyumva neza (akoresheje igikoresho
  cyumvikanisha indirimbo) no kuyiga.
  
  

  Akaririmbo ka 1: Gira ikinyabupfura
  Gira ikinyabupfura mwana w’ u Rwanda,
  gira ikinyabupfura.
  Aho unyura hose mwana w’ u Rwanda iheshe agaciro.
  Ubaha abo mu ngana n’ abakuruta, abo uruta bose nabo ujye ububaha, nibigera ku
  barezi n’ ababyeyi ubigire akarusho
  
  iii. Isuzuma
  Isuzuma rikorwa mu byiciro bibiri: ibibazo bijyanye no kuririmba n’ibibazo ibijyanye
  n’insanganyamatsiko.
  
  

  A. Kuririmba
  Umwarimu akoresha isuzuma ryo kuririmba, yubahiriza ibigenderwaho bivugwa mu
  ntangiriro y’uyu mutwe.
  
  

  B. Ibibazo biganisha ku nsanganyamatsiko y’indirimbo
  1) Ninde wambwira icyo yumvise muri iyi ndirimbo?
  2) Ni irihe somo ukuye muri iyi ndirimbo nyuma yo kuyumva?
  
  

  Isomo rya kabiri: Indirimbo zivuga ku isuku rusange
  (a) Intego zihariye:
  • Kujyanisha ijwi n’udukoresho twirangira yubahiriza injyana y’indirimbo.
  • Kugorora no kunoza ijwi
  • Kuririmbira mu ruhame
  • Kurangwa n’isuku aho umuntu ari hose
  

  b) Imfashanyigisho:
  • Ibishushanyo bigaragaza isuku rusange (gukaraba, gukubura, guharura ibyatsi ku nzira, gushyira ibipapuro aho byagenewe, gukoropa ishuri no mu rugo…)
  • Ibikoresho bitandukanye bivuzwa bikirangira (ingoma, idebe, ijerekani ishaje n’ibindi.)
  • Ibikoresho byumvikanisha amajwi y’indirimbo.
  
  

  (c) Uko isomo ritangwa:
  i. Intangiriro:
  • Umwarimu afasha abanyeshuri kujya mu matsinda.
  • Abanyeshuri bajya mu matsinda, bakaririmba indirimbo bazi ivuga ku isuku.
  • Umwarimu abaza abanyeshuri utubazo dutandukanye, tuganisha ku isomo
  ry’umunsi (isuku):
  
  

  ii. Isomo nyir’izina
  • Kwereka abanyeshuri ibishushanyo cyangwa amafoto: umwarimu yereka abanyeshuri ibishushanyo cyangwa amafoto bigaragaza ibikorwa by’ubupfura yifashishije imfashanyigisho yitwaje. Abanyeshuri bo bitegereza ibyo umwarimu abereka, batuje.
  • Umwarimu asaba abanyeshuri kuvuga ibyo babona kuri ibyo bishushanyo cyangwa amafoto.
  

  Indirimbo zo kwiga:
  Umwarimu ahitamo imwe muri izi ndirimbo yabanje kuzumva neza (akoresheje
  igikoresho cyumvikanisha indirimbo) no kuziga, kugira ngo arebe ikwiranye n’umwanya
  afite.
  • Umwarimu asaba abanyeshuri kuririmba baherekeresha indirimbo udukoresho
  twirangira bafite.
  • Umwarimu abaza abanyeshuri icyo indirimbo baririmbye ibigisha
  
  

  (d) Indirimbo zo kwigisha
  Umwarimu yigisha abanyeshuri indirimbo ikurikira yabanje kuyumva neza no kuyiga:
  
  

  Akaririmbo: Isuku rusange
  1. Isuku ni ngombwa bana b’ u Rwanda, kuko ariyo soko y’ ubuzima. 2. Dusukure neza
  aho dutuye, isuku ni isoko y’ ubuzima
  3. Tujugunye imyanda aho yagenewe isuku ni isoko y’ ubuzima
  4. Dusukure ishuri n’ impande zaryo, isuku ni isoko y’ ubuzima
  
  iii. Isuzuma
  Isuzuma rikorwa mu byiciro bibiri: ibibazo bijyanye no kuririmba n’ibibazo ibijyanye
  n’insanganyamatsiko.
  
  

  A. Kuririmba
  Umwarimu akoresha isuzuma ryo kuririmba, yubahiriza ibigenderwaho bivugwa mu
  ntangiriro y’uyu mutwe.
  
  

  B. Ibibazo biganisha ku nsanganyamatsiko y’indirimbo
  • Kubera iki ari ngombwa kugira isuku?
  • Vuga ahantu habiri havugwa muri iyi ndirimbo hagomba isuku.
  
  

  Isomo rya gatatu: Indirimbo zivuga ku bumwe n’ubwiyunge, n’izivuga ku bidukikije.

  (a) Intego zihariye
  • Kujyanisha ijwi n’udukoresho twirangira yubahiriza injyana y’indirimbo.
  • Kugorora no kunoza ijwi
  • Kuririmbira mu ruhame
  • Kugira umuco w’ubumwe n’ubwiyunge no kurengera ibidukikije.
  
  

  (c) Imfashanyigisho
  • Ibishushanyo bigaragaza umuco w’ubumwe n’ubwiyunge (gusaba imbabazi no
  kuzitanga, guhoberana, abana bafatanye urunana n’ibindi)
  • Ibishushanyo bigaragaza ibidukikije binyuranye.
  • Ibikoresho bitandukanye bivuzwa bikirangira (ingoma, idebe, ijerekani ishaje
  n’ibindi)
  • Ibikoresho byumvikanisha amajwi y’indirimbo.
  
  

  (c) Uko isomo ritangwa:
  (i) Intangiriro:
  Umwarimu afasha abanyeshuri kujya mu matsinda.
  • Abanyeshuri bajya mu matsinda, bakaririmba indirimbo bazi ivuga ku isuku. Umwarimu abaza abanyeshuri utubazo dutandukanye, tuganisha ku isomo ry’umunsi
  (ubumwe n’ubwiyunge n’ibidukikije)
  
  

  Urugero:
  1. Akamaro k’ubumwe n’ubwiyunge ni akahe ni akahe?
  =butuma abantu ababana mu mahoro
  =bukumira amakimbirane
  =bwunga abagiranye ibibazo
  =buhuza imiryango
  2. Tanga urugero rw’ibidukikije waba uzi.
  =ibiti,inyamaswa,imigezi,ibiyaga,imisozi, ...
  3. Ni akahe kamaro k’ibiti?
  =barabicana, bivamo ibikoresho binyuranye, bikurura imvura,birwanya isuri,
  bitanga akayaga, ...

  (ii) Isomo nyir’izina

  • Kwereka abanyeshuri ibishushanyo cyangwa amafoto: umwarimu yereka abanyeshuri ibishushanyo cyangwa amafoto bigaragaza ibikorwa by’ubumwe n’ubwiyunge cyangwa ibidukikije yifashishije imfashanyigisho yitwaje. Abanyeshuri bo bitegereza ibyo umwarimu abereka, batuje.
  • Umwarimu asaba abanyeshuri kuvuga ibyo babona kuri ibyo bishushanyo cyangwa amafoto.
  
  

  Indirimbo zo kwiga:
  Umwarimu ahitamo imwe muri izi ndirimbo yabanje kuzumva neza (akoresheje igikoresho cyumvikanisha indirimbo) no kuziga, kugira ngo arebe ikwiranye n’umwanya afite.
  • Umwarimu asaba abanyeshuri kuririmba baherekeresha indirimbo udukoresho twirangira bafite.
  • Umwarimu abaza banyeshuri icyo indirimbo baririmbye kabigisha
  
  

  (d) Indirimbo zo kwiga
  Umwarimu ahitamo imwe muri izi ndirimbo zikurikira yabanje kuzumva no kuziga kugira
  ngo ahitemo ibasha korohera abanyeshuri.
  
  

  Akaririmbo ka 1: ubumwe ni bwiza
  1. Muze tuburirimbe, ducinye akadiho, duhore twishimye, duharanire ubumwe, ubumwe
  mu bantu, ubumwe, ubumwe.
  2. Ubumwe ni ngombwa, mu bana b’ uRwanda, ubumwe ni bwiza. Bujye buturanga, aho turi hose, ubumwe, ubumwe.
  3. Tubutoze abandi, tubane twishimye, dusabane, dufatanye mu rukundo, kubaka u Rwanda, mu bumwe, mu bumwe.
  
  
  

  Akaririmbo ka 2: Bidufitiye akamaro
  Ibidukikije bidufitiye akamaro.
  Tubifate neza bidufatiye runini:
  Ntitwabaho nta mazi, ntitwabaho nta mwuka, ntitwabaho nta butaka, ntitwabaho nta
  bimera,
  
  
  

  Indirimbo ya 3: Ibyiza by’iwacu
  Karisimbi na Muhabura ni ibirunga byacu
  Nyiragongo na Sabyinyo ni ibirunga byacu
  Karisoki na Bisoke ni ibirunga byacu
  Nyabarongo n’Akagera ni imigezi yacu
  Sebeya na Rukarara ni imigezi yacu
  Akanyaru na Mbirurume ni imigezi yacu
  Mugesera na Muhazi ni ibiyaga byacu
  Kivu, Burera na Ruhondo
  Nasho na Rwanyakiziga ni ibiyaga byacu
  Nyungwe, Gishwati Mukura ni amashyamba yacu
  Akagera n’ibirunga ni pariki zacu
  Nayo twitereye iwacu
  Huye, Jari, Sekinnyage ni imisozi yacu
  Saruheshyi, Mont Kigali
  Nyakizu, na Rebero.
  
  
  

  Akaririmbo ka 4: Twite ku bidukikije
  1. Muze mwese twite kubidukikije bidufitiye akamaro, twirinde kubyangiza, ahubwo
  tubisigasire.
  2. Mu bidukikije twavuga nk’ amashyamba aduha umwuka mwiza, akurura imvura hose,
  nimuze tubisigasire.
  3. Niba utemye igiti tera n’ ibindi bibiri, ufate neza ubutaka, teraho ibyatsi birwanya
  isuri, nimuze twite kubidukikije.
  4. Mu byiza by’ u Rwanda harimo n’ ibirunga bicumbikiye ingagi, zikurura
  bamukerarugendo, nimuze tuzisigasire.
  
  
  

  Akaririmbo ka 4: Twite ku bidukikije
  1. Muze mwese twite kubidukikije bidufitiye akamaro, twirinde kubyangiza, ahubwo tubisigasire.
  2. Mu bidukikije twavuga nk’ amashyamba aduha umwuka mwiza, akurura imvura hose,
  nimuze tubisigasire.
  3. Niba utemye igiti tera n’ ibindi bibiri, ufate neza ubutaka, teraho ibyatsi birwanya
  isuri, nimuze twite kubidukikije.
  4. Mu byiza by’ u Rwanda harimo n’ ibirunga bicumbikiye ingagi, zikurura bamukerarugendo, nimuze tuzisigasire.
  
  (ii) Isuzuma
  Isuzuma rikorwa mu byiciro bibiri: ibibazo bijyanye no kuririmba n’ibibazo ibijyanye
  n’insanganyamatsiko.
  A. Kuririmba
  Umwarimu akoresha isuzuma ryo kuririmba, yubahiriza ibigenderwaho bivugwa mu
  ntangiriro y’uyu mutwe.
  B. Ibibazo biganisha ku nsanganyamatsiko y’indirimbo
  1. Ubumwe ni bwiza:
  a) Ni iki wumvise muri iyi ndirimbo?
  b) Ni iki wakorera mugenzi wawe igihe yaguhemukiye? Sobanura impamvu.
  c) Wabyifatamo ute mugenzi wawe waguhemukiye aje kugusaba imbabazi?
  2. Bidufitiye akamaro:
  a. Tanga urugero rw’ibidukikije ubona hafi y’iwanyu cyangwa hafi y’ishuri.
  b. Vuga muri make akamaro k’ibidukikije (nk’amazi, ibimera n’inyamaswa).
  
  

  3. Ibyiza by’iwacu:
  a) Ni iki wumvise muri iyi ndirimbo?
  b) Tanga ingero z’ibi byiza bitatse u Rwanda bivugwa muri iyi ndirimbo:
  i. Ibirunga iv. Amashyamba
  ii. Ibiyaga v. Imisozi.
  iii. Imigezi
  c) Vuga akamaro k’ibidukikije wumvise muri iyi ndirimbo.
  
  

  4. Twite ku bidukikije:
  a. Ni iki wumvise muri iyi ndirimbo?
  b. Tanga ingero z’ibi byiza bitatse u Rwanda bivugwa muri iyi ndirimbo:
  (i) Ibirunga (iv) Amashyamba
  (ii) Ibiyaga (v) Imisozi.
  (iii) Imigezi
  c. Vuga akamaro k’ibidukikije wumvise muri iyi ndirimbo.
  
  

  Isomo rya kane: Indirimbo zivuga ku muco nyarwanda n’izivuga ku
  buzima
  (a) Intego zihariye:
  • Kujyanisha ijwi n’udukoresho twirangira yubahiriza injyana y’indirimbo.
  • Kugorora no kunoza ijwi
  • Kuririmbira mu ruhame
  • Gukunda no gusigasira umuco nyarwanda no kwita ku buzima
  
  

  (b) Imfashanyigisho:
  • Ibishushanyo bigaragaza bimwe mu ibikorwa by’umuco nyarwanda (ingabo,
  icumu, inzu ya Kinyarwanda, igisabo, igiseke n’ibindi)
  • Ibishushanyo bigararaza ibikorwa bitandukanye bigaragaza kwita ku buzima
  (kurya neza, kugira isuku, kwivuza, ikarita ya mituweri n’ibindi)
  • Ibikoresho bitandukanye bivuzwa bikirangira (ingoma, idebe, ijerekani ishaje
  n’ibindi…)
  • Ibikoresho byumvikanisha amajwi y’indirimbo.
  
  

  (c) Uko isomo ritangwa:
  (i) Intangiriro
  Umwarimu afasha abanyeshuri kujya mu matsinda.
  Abanyeshuri bajya mu matsinda, bakaririmba indirimbo bazi ivuga ku muco nyarwanda
  cyangwa ku bidukikije.
  Umwarimu abaza abanyeshuri utubazo dutandukanye, tuganisha ku isomo ry’umunsi.
  Ingero : 1.Tanga urugero rw’ibikoresho byifashishwaga mu muco nyarwanda.
  = Ingabo, icumu, ibiseke, imbehe, Igisabo, inkongoro,...
  2. Ni ibiki biranga umuntu ufite ubuzima bwiza?
  = Kutarwaragurika, gukura neza
  
  

  (ii) Isomo nyir’izina
  • Kwereka abanyeshuri ibishushanyo cyangwa amafoto: umwarimu yereka abanyeshuri ibishushanyo cyangwa amafoto bigaragaza bimwe mu bikoresho byakoreshwaga mu muco nyarwanda ndetse n’ibiranga umuntu ufite ubuzima bwiza yifashishije imfashanyigisho yitwaje. Abanyeshuri bo bitegereza ibyo umwarimu abereka, batuje.
  • Umwarimu asaba abanyeshuri kuvuga ibyo babona kuri ibyo bishushanyo cyangwa amafoto.
  
  

  Indirimbo zo kwiga:
  Umwarimu ahitamo imwe muri izi ndirimbo yabanje kuzumva neza (akoresheje igikoresho cyumvikanisha indirimbo) no kuziga kugira ngo arebe ikwiranye n’umwanya.
  • Mwarimu asaba abanyeshuri kuririmba baherekeresha indirimbo udukoresho twirangira bafite.
  • Mwarimu abaza banyeshuri icyo indirimbo baririmbye ibigisha
  
  

  Akaririmbo ka 1: Nzakorera u Rwanda
  Nzakorera u Rwanda
  Nzaharanira kurwubaka
  Nzabana n’abandi mu mahoro
  Turuteze imbere.
  1. Nzaharanira kurwubaka
  Nzarwanya ubunebwe
  Nzahora mbwira abandi
  Gukorana umwete.
  2. Nzaharanira kurwubaka
  Nzarwanya icyaruhungabanya
  Nzafatanya n’ abandi
  Kururwanira ishyaka.
  3. Nzahanira kurwubaka
  Nzaruvuganira hose
  Nzamagana ikibi cyose
  Cyatuma ruhungabana.
  4. Nzaharanira kurwubaka
  Mbungabunga ibidukikije
  Nzamagana ba rutwitsi
  N’abashimuta inyamaswa
  
  Akaririmbo ka 2: Ubuzima busigasiwe
  Ubuzima busigasiwe
  buha nyirabwo kuramba,
  kuko nta ndwara ziba zimurangwaho ngo zimutware ubuzima.
  Nimucyo tubusigasire,
  turangwe no kugira isuku,
  turye neza, dukore siporo
  
  Akaririmbo ya 3: Ubuzima bwiza
  Tugire ubuzima bwiza, turye neza buri gihe
  indyo yuzuyemo intungamubiri z’amoko yose
  Ibitera imbaraga, n’ibyubaka umubiri
  Ibirinda indwara byongera ubudahangarwa bw’umubiri
  
  
  

  iii. Isuzuma
  Isuzuma rikorwa mu byiciro bibiri: ibibazo bijyanye no kuririmba n’ibibazo ibijyanye
  n’insanganyamatsiko.
  
  

  A. Kuririmba
  Umwarimu akoresha isuzuma ryo kuririmba, yubahiriza ibigenderwaho bivugwa mu
  ntangiriro y’uyu mutwe.
  
  

  B. Ibibazo biganisha ku nsanganyamatsiko y’indirimbo
  1) Nzakorera u Rwanda
  Ni ibihe bintu nibura bibiri biri muri iyi ndirimbo zigaragaza umuco wo gukunda u Rwanda?

  2) Ubuzima busigasiwe:
  a) Vuga akamaro ko gusigasira ubuzima.
  b) Vuga ibikorwa bine bivugwa muri iyi ndirimbo twakora kugira ngo dusigasire ubuzima.
  
  

  3) Ubuzima bwiza:
  a) Iyi ndirimbo irakubwira iki ?
  b) Tanga ingero z’ ibiribwa bitandukanye bigize indyo yuzuye bivugwa muri iyi ndirimbo
  
  

  Isomo rya gatanu: Indirimbo zivuga ku Mana
  (a) Intego zihariye:
  • Kujyanisha ijwi n’udukoresho twirangira wubahiriza injyana y’indirimbo.
  • Kugorora no kunoza ijwi
  • Kuririmbira mu ruhame
  • Kubaha no gukunda Imana
  
  

  (b) Imfashanyigisho:
  • Ibishushanyo bigaragaza ibikorwa bitandukanye by’iyobokamana
  (Urusengero, Umusigiti, Kiliziya, umusaraba, abantu bari gusenga, n’ibindi)
  • Ibikoresho bitandukanye bivuzwa bikirangira (ingoma, idebe, ijerekani
  ishaje n’ibindi)
  • Ibikoresho byumvikanisha amajwi y’indirimbo.
  
  

  (c) Uko isomo ritangwa:
  i. Intangiriro:
  • Umwarimu afasha abanyeshuri kujya mu matsinda.
  • Abanyeshuri bajya mu matsinda, bakaririmba indirimbo bazi ivuga ku Mana.
  • Umwarimu abaza abanyeshuri utubazo dutandukanye, tuganisha ku isomo ry’umunsi.
  Ingero : 1. Iyo abantu bagiye mu rusengero, mu kiliziya cyangwa mu musigiti bababagiye gukora iki?
  = Gusenga
  2. Mu idini usengeramo ni uwuhe munsi ujya gusengaho Imana?
  = Ku cyumweru (Abagatolika n’abaporoso), kuwa gatandatu (abadivantisiti b’umunsi wa karindwi), kuwa gatanu (Abayisilamu)
  3. Tanga ingero z’ibiribwa bigize indyo yuzuye
  = Ibitera imbaraga: Ibinyamasukari n’ibinyamafufu nk’ibirayi, imyumbati, ibijumba Ibyubaka umubiri: Inyama, amata, ibishyimbo
  Ibirinda indwara: imboga, imbuto, amazi
  
  

  ii. Isomo nyir’izina
  • Kwereka abanyeshuri ibishushanyo cyangwa amafoto: umwarimu yereka abanyeshuri ibishushanyo cyangwa amafoto bigaragaza umuco wo gusenga n’ibiranga umuntu ufite ubuzima bwiza yifashishije imfashanyigisho yitwaje. Abanyeshuri bo bitegereza ibyo umwarimu abereka, batuje.
  • Umwarimu asaba abanyeshuri kuvuga ibyo babona kuri ibyo bishushanyo cyangwa amafoto.
  Indirimbo zo kwiga:
  Umwarimu ahitamo imwe muri izi ndirimbo yabanje kuzumva neza (akoresheje igikoresho cyumvikanisha indirimbo) no kuziga, kugira ngo arebe ikwiranye n’umwanya afite cyangwa ishobora korohera abanyeshuri:
  • Umwarimu asaba abanyeshuri kuririmba baherekeresha indirimbo udukoresho twirangira bafite.
  • Umwarimu abaza banyeshuri icyo indirimbo baririmbye ibigisha
  
  

  Imana isumba byose
  Duhore dusenga dushimira Imana
  Niyo dukesha byose, niyo bugingo Imana isumba byose, Imana iradukunda
  Imana niyo mahoro.
  
  iii. Isuzuma
  Isuzuma rikorwa mu byiciro bibiri: ibibazo bijyanye no kuririmba n’ibibazo ibijyanye
  n’insanganyamatsiko.
  
  

  A. Kuririmba
  Umwarimu akoresha isuzuma ryo kuririmba, yubahiriza ibigenderwaho bivugwa mu
  ntangiriro y’uyu mutwe.
  
  

  B. Ibibazo biganisha ku nsanganyamatsiko y’indirimbo
  Kubera iki ari ngombwa gusenga no gushimira Imana?
  
  

  Incamake y’umutwe wa kabiri
  • Muri uyu mutwe wa kabiri ubushobozi bw’ingenzi bugamijwe ni uguherekeresha
  indirimbo udukoresho twirangira.
  • Intego rusange ziri mu masomo yose ni:
  • Kujyanisha indirimbo n’imbyino
  • Kwigana ijwi ry’abandi no kuririmba neza mu ruhame
  • Guherekeresha indirimbo udukoresho twirangira dutandukanye
  • Mu ndirimbo ziherekejwe n’udukoresho twirangira zivuga ku kinyabupfura
  harimo kwitoza kugira imigenzo mbonezabupfura nko kubaha, kwitonda,
  gusuhuza abantu, kudahubuka, kumvira mu byiza n’ibindi.
  • Mu ndirimbo ziherekejwe n’amashyi n’udukoresho twirangira zivuga ku bumwe n’ubwiyunge harimo kugira umuco w’ubworoherane, gusaba no gutanga imbabazi, kubana mu mahoro no kwirinda amacakubiri. Naho mu ndirimbo
  zivuga ku bidukikije harimo kwitoza gufata neza no kubungabunga ibidukikije.
  • Mu ndirimbo zivuga ku muco nyarwanda no ku buzima harimo kubungabunga no gusigasira umuco nyarwanda, kwita ku buzima bwacu turya indyo yuzuye twirinda indwara zituruka ku mirire mibi.
  • Indirimbo zivuga ku Mana harimo kugira umuco wo gusenga, gukunda Imana, gukunda abandi no guharanira kugira ubumwe buranga abana b’Imana.
  • Isuzuma rusange ry’uyu mutwe rigomba gushingira ku bushobozi bw’ingenzi
  bugamijwe muri uyu mutwe ari bwo” guherekeresha indirimbo udukoresho twirangira”
  
  

  2.7 Isuzuma rusange risoza umutwe wa kabiri

  
  a) Ririmba indirimbo mwize mu ishuri ivuga ku kinyabupfura, unayiherekereshe agakoresho kirangira ufite.
  b) Vuga isomo iyo ndirimbo yagusigiye.
  2. a) Gendera ku njyana uri guhabwa n’aka gakoresho, uririmbe indirimbo ikurikira:
  
  

  Isuku rusange
  1) Isuku ni ngombwa bana b’u Rwanda, kuko ari yo soko y’ubuzima.
  2) Dusukure neza aho dutuye, isuku ni isoko y’ubuzima
  3) Tujugunye imyanda aho yagenewe isuku ni isoko y’ubuzima
  4) Dusukure ishuri n’impande zaryo, isuku ni isoko y’ubuzima
  b) Kubera iki ari ngombwa kugira isuku?
  c) Vuga ahantu hatandukanye hakwiye kugirirwa isuku.
  3. Ririmba indirimbo mwize mu ishuri ivuga ku bumwe n’ubwiyunge, wubahiriza injyana yayo.
  4. a) Tanga urugero rw’ibidukikije ubona hafi y’iwanyu cyangwa hafi y’ishuri.
  b) Vuga muri make akamaro k’ibidukikije.
  c) Ririmba udategwa indirimbo mwize mu ishuri ivuga ku bidukikije, unayiherekeresha
  udukoresho twirangira.
  5. a) Vuga ibikorwa bitandukanye twakora kugira ngo tugire ubuzima bwiza.
  b) Herekeza indirimbo “UBUZIMA BWIZA” ukoresheje agakoresho kirangira ufite.
  6. a) Ririmba indirimbo “Imana isumba byose” wubahiriza injyana yayo.
  b) Ririmba indi ndirimbo uzi ivuga ku Mana, unayiherekereshe agakoresho kirangira.
  
  

  Ibisubizo biteganyijwe ku bibazo by’isuzuma

  
  1) a) Umunyeshuri aririmba imwe mu ndirimbo zizwe zivuga ku kinyabupfura, umwarimu
  akagenzura niba umunyeshuri yubahiriza injyana yayo kandi atayisobanya n’agakoresho
  kirangira afite.
  b) - Kugira ikinyabupfura aho turi hose
  - Kubaha abo tungana n’abaturuta
  - Kubaha ababyeyi n’abarezi/abarimu
  2) a) Umwarimu avugiriza umunyeshuri agakoresho kirangira yateguye, mu gihe ari
  kuririmba indirimbo ISUKU RUSANGE. Umwarimu agenzura niba umunyeshuri yubahiriza
  injyana ahabwa n’agakoresho kandi adasobanya injyana ari guhabwa na ko.
  b) Ni uko ari isoko y’ubuzima.
  c) Mu rugo, ku ishuri, mu busitani, mu bwiherero, …
  3) Umunyeshuri aririmba imwe mu ndirimbo zizwe zivuga ku bumwe n’ubwiyunge, umwarimu akagenzura niba umunyeshuri yubahiriza injyana yayo kandi atayisobanya
  n’agakoresho kirangira afite.
  4) a) Imisozi, amazi, ibimera, umwuka, inyamaswa, …
  b) Akamaro k’ibidukikije:
  Imisozi (nk’ibirunga) n’inyamaswa bikurura ba mukerarugendo
  Amazi: turayanywa, turayatekesha, turayakaraba, tuyaha amatungo, tuyuhiza imyaka…
  Ibimera: bimwe ni ibihingwa, ibindi ni ubwatsi bw’amatungo

  Umwuka: turawuhumeka.

  
  Icyitonderwa: Kuri ibi bisubizo byateganyijwe, umwarimu ashobora kongeraho ibindi
  no kwemera ibindi bisubizo byatanzwe n’abanyeshuri mu gihe abona ko bijyanye
  n’ibibazo byabajijwe.

  
  

  2.8. Imyitozo y’inyongera

  • Imyitozo nzamurabushobozi:
  5) Ririmba indirimbo iyo ariyo yose mwize mu ishuri ivuga ku kinyabupfura unakoma
  amashyi cyangwa kamwe mu dukoresho twirangira.
  Iki kibazo gihabwa abanyeshuri bagaragaje ikibazo cyo kudahuza neza indirimbo n’injyana
  yayo bakoma amashyi: umwarimu agerageza kuririmbana nabo baherekeresha indirimbo
  amashyi n’udukoresho twirangira, uko batera agatambwe akabasaba gusubiramo.
  6)Ririmba indirimbo mwize muri iki gihembwe ivuga ku buzima.
  Iki kibazo gihabwa abanyeshuri bagaragaje ikibazo cyo kugira ubwoba bwo kuririmbira
  mu ruhame: Umwarimu asaba umunyeshuri kumuririmbira we ubwe, yabikora neza
  akamusaba kuririmbira mu itsinda, yabikora neza akamusaba kuririmbira imbere y’abandi
  banyeshuri bose,
  
  

  Ibisubizo:

  
  Muri ibi bibazo, umwarimu agenzura niba ibisabwa kuri buri ntangiriro y’ikibazo
  byubahirizwa, agashyira ingufu aho bikenewe.

  • Imyitozo nyagurabushobozi

  1. a) Ririmba indirimbo “Iby’iwacu” (Isomo rya 3, indirimbo ya gatatu) uyiherekeresha
  kamwe mu dukoresho twirangira kandi wubahiriza injyana n’umugendo wayo.
  b) Vuga amazina y’ibirunga by’urwanda dusanga muri iyo ndirimbo
  c) Ni akahe kamaro ibyo birunga bifitiye u Rwanda muri rusange?
  2. Tanga ingero z’ibiyaga byo mu Rwanda bivugwa muri iyo ndirimbo?
  b) Ibiyaga bidufitiye akahe kamaro mu rwego rw’ubukungu n’imibereho myiza?
  3. Ni gute twabungabunga ibyo byiza bitatse uRwanda?
  
  

  Ibisubizo:
  1. a) Umunyeshuri aririmba indirimbo agaragaza imbamutima zose ziri mu ndirimbo
  ( kumwenyura, gukoma amashyi guherekeresha agakoresho kirangira indirimbo).
  b) Amazina y’ibirunga by’u Rwanda harimo:
  •• Kalisimbi, Muhabura, Gahinga, Bisoke na Sabyinyo
  c) - Bicumbikiye ingagi zikurura ba mukerarugendo baza kuzisura bakaduha amadevize
  (Amafaranga y’amanyamahanga)
  •• Amashyamba yo kuri ibyo birunga aduha umwuka mwiza duhumeka kandi
  agakurura
  
  

  imvura.
  2. a) Ingero z’ibiyaga byo mu Rwanda harimo:
  •• Kivu, Burera, Ruhondo, Rwanyakizinga, Muhazi, Mugesera, Cyohoha.
  b) - Ibiyaga byoroshya ingendo zo mu mazi kujyana cyangwa kuvana ibicuruzwa ahantu
  hamwe bijyanwa ahandi.
  •• Bicumbikiye amafi atuma tugira ubuzima bwiza iyo tuyariye, akazamura
  imibereho y’abarobyi n’imiryango yabo, kandi nabyo bikurura ba
  mukerarugendo.
  3. Kuri iki kibazo umwarimu asuzuma niba umunyeshuri ashobora gutanga ibisubizo
  atekereje we ubwe. Bimwe mu bisubizo kuri iki kibazo:
  •• Kurwanya isuri haterwa ibyatsi bifata ubutaka
  •• Gutanga amakuru kubantu bangiza ibidukikije nka ba rutwitsi abashimuta
  inyamaswa.
  •• Kwirinda kumena imyanda mu mazi kuko byangiza ibiyaga n’ibinyabuzima
  bibamo.

  Mark as done
• UMUTWE WA GATATU KURIRIMBA INDIRIMBO NYARWANDA ZIHEREKEJWE N’UMUDIHO

  
  

  3.1Ubushobozi bw’ingenzi bugamijwe

  
  Kujyanisha indirimbo n’umugendo

  3.2.Ubushobozi shingiro
  Kuririmba, kwigana neza ijwi yumvise, kuririmbana n’abandi, kubahiriza injyana y’indirimbo, no kuririmbira mu ruhame. Gufatanya n’abandi, kubana neza n’abandi, kwigirira ikizere, gutinyuka kuvugira
  mu ruhame, no kugira umuco w’ubumwe n’ubwiyunge
  
  

  Intego rusange

  
  • Kujyanisha ijwi, intambwe n’amaboko
  • Gutahura injyana z’indirimbo n’imbyino zinyuranye.
  • Kuririmba no kubyina mu ruhame wubahiriza umugendo n’injyana
  by’indirimbo
  • Kugira imigenzo mbonezabupfura
  
  

  3.4. Ingingo nsanganyamasomo zizitabwaho
  • Umuco w’amahoro:

  
  Ibi bigaragarira mu gutega amatwi mu gihe umwarimu yigisha indirimbo n’igihe baririmbira mu matsinda atandukanye bahana n’ibitekerezo mu bwumvikane.
  
  

  • Uburinganire n’ubwuzuzanye bw’ibitsina byombi:

  
  Bigaragara mu gihe umwarimu ahuza abanyeshuri b’abakobwa n’abahungu mu matsinda kugira ngo baririmbire hamwe. Icyo gihe, asaba abanyeshuri gukora amatsinda adaheza akanabaha amahirwe angana mu gutanga ibisubizo, ibitekerezo n’ubundi bwunganizi.
  
  

  • Uburezi budaheza:

  
  Hari abanyeshuri badafite ubushobozi bwo kwigana neza umugendo w’indirimbo kubera ko bafite ubumuga bw’ingingo. Abo bana bashyirwa mu matsinda bagakora ibyo babasha, kandi umwarimu akabitaho mu gihe yegera amatsinda. Mu isuzuma, umwarimu abaha amahirwe yo kuririmba, n’ubwo batabikora neza
  nk’abandi akabashimira ibyo babashije gukora. Hari abanyeshuri bagira ipfunwe ku buryo badashobora kuririmbira mu ruhame. Nabo bajya mu matsinda, bagenzi babo ndetse n’umwarimu bagakomeza kubatera akanyabugabo, noneho mu isuzuma, umwarimu akabashimira ibyo bagerageje gukora.

  3.5.Uburyo bwo gutangira umutwe

  
  Mwarimu yinjiza abanyeshuri mu isomo atanga umwitozo wo kuririmba. Bashobora kuririmba umwe umwe ku giti ke cyangwa bakaririmba bari mu itsinda rito, bakaririmba indirimbo bazi cyangwa imwe mu zo bize mu mitwe yabanje.
                                
      Urutonde rw’amasomo agize umutwe wa gatatu
  
  
  

  3.7. Ibiteganywa gukorwa mu gihe k’isomo nyir’izina 

  Mu ntangiriro

  
  • Kwereka abanyeshuri amashusho cyangwa amafoto: umwarimu yereka abanyeshuri amashusho cyangwa amafoto yateguye agendanye n’isomo.
  • Gusaba abanyeshuri kuvuga ibyo babona kuri ayo mashusho cyangwa amafoto, akanababaza utubazo dutandukanye tuganisha ku isomo ry’umunsi.
  
  

  Mu somo nyir’izina
  • Gutega amatwi indirimbo nshya: umwarimu aririmba inshuro imwe yitonze, ashyiramo amarangamutima ashoboka.
  • Gusubiramo ubwa kabiri, agasaba abanyeshuri gutega amatwi bakumva neza amagambo avugwa muri iyo ndirimbo n’injyana
  • Kwitegereza no kwigana umugendo w’indirimbo: umwarimu yerekana uko indirimbo iririmbwa hubahirizwa umugendo wayo
  • Gusaba abanyeshuri kuvuga niba hari amagambo mashya bumvise badasobanukiwe
  • Gusobanura amagambo mashya, ayo abanyeshuri batanze n’andi yateguwe n’umwarimu
  • Gusobanurirana muri make icyo iyo ndirimbo ivuga
  • Kwigana indirimbo nshya: umwarimu aririmba igika kimwe, abanyeshuri bagasubiramo. Iyo birangiye, umwarimu asaba abanyeshuri kuririmba indirimbo yose akajyana nabo.
  • Umwarimu asaba abanyeshuri kuririmba bonyine, nyuma bakaririmba bajyanisha ya ndirimbo n’umugendo wayo, bubahiriza injyana yayo.
  
  

  Isuzuma:
  Kuririmba: umwarimu asuzuma ko abana bashoboye kuririmba bigana neza ibivugwa mu ndirimbo kandi bajyanisha n’umugendo wayo, asaba umunyeshuri umwe umwe kuririmba igice kimwe k’indirimbo. Bashobora no kubikorera mu
  matsinda.
  
  

  Isomo rya mbere: Indirimbo zivuga ku kinyabupfura
  a) Intego zihariye:
  • Kwigana ibivugwa mu ndirimbo
  • Kugorora amaboko no kunoza ijwi mu ndirimbo
  • Kurushaho kwigirira ikizere no gutinyuka kuririmbira mu ruhame
  • Kujyanisha indirimbo n’umugendo
  • Kugira imigenzo mbonezabupfura
  
  

  b) Imfashanyigisho:
  • Ibishushanyo cyangwa amafoto bigaragaza ibikorwa by’ubupfura
  (umuntu uri gusuhuza abandi, guha umuntu ukuruta icyicaro, kudaca
  undi mu ijambo igihe avuga n’ibindi.)
  • Ibikoresho bitandukanye byumvikanisha indirimbo.
  
  

  c) Uko isomo ritangwa:
  i) Intangiriro:
  Umwarimu afasha abanyeshuri kujya mu matsinda. Abanyeshuri bajya mu matsinda, bakaririmba indirimbo bazi cyangwa bize. Umwarimu abaza abanyeshuri utubazo dutandukanye, tuganisha ku isomo ry’umunsi:
  
  

  Ingero: 1. Vuga ibintu byose uzi biranga umwana ugira ikinyabupfura arubaha, aritonda, Ntasuzugura, asubiza neza iyo bamubajije,...
  2. Ni iki wafasha mugenzi wawe mungana urangwa no kugira imico mibi? Kumuha urugero rwiza mu myitwarire, kumugira inama buri gihe.
  
  

  ii) Isomo nyirizina:
  • Kwereka abanyeshuri ibishushanyo cyangwa amafoto: umwarimu yereka abanyeshuri ibishushanyo cyangwa amafoto bigaragaza ibikorwa by’ubupfura yifashishije imfashanyigisho yitwaje. Abanyeshuri bo bitegereza ibyo umwarimu abereka, batuje.
  • Umwarimu asaba abanyeshuri kuvuga ibyo babona kuri ibyo bishushanyo cyangwa amafoto.
  
  

  Indirimbo zo kwiga:
  Umwarimu yigisha ndirimbo ikurikira yabanje kuyumva neza (akoresheje igikoresho cyumvikanisha indirimbo) no kuyiga, kugira ngo arebe ikwiranye n’umwanya afite.

   Indirimbo: Ikinyabupfura ni ingenzi

   Inyikirizo: Ikinyabupfura ni ingenzi, 

  tukigire twese, bizatugirira akamaro. 

  Turangwe no kumvira ababyeyi, 

  twubahe n’abarimu 

  Turangwe no kubaha abaturuta ndetse n’abo tungana
  .
  iii. Isuzuma
  Isuzuma rikorwa mu byiciro bibiri: ibibazo bijyanye no kuririmba n’ibibazo ibijyanye n’insanganyamatsiko.
  
  

  A. Kuririmba
  Umwarimu akoresha isuzuma ryo kuririmba, yubahiriza ibigenderwaho bivugwa mu ntangiriro y’uyu mutwe.
  
  

  B. Ibibazo biganisha ku nsanganyamatsiko y’indirimbo
  Ikinyabupfura ni ingenzi Ni ibihe bikorwa biranga umwana ugira ikinyabupfura? Ugendeye ku ndirimbo wize, vuga akamaro ko kugira ikinyabupfura.
  
  

  Isomo rya kabiri: Indirimbo zivuga ku isuku no ku bidukikije
  a) Intego zihariye:
        • Kugorora amaboko no kunoza ijwi mu ndirimbo
        • Kurushaho kwigirira ikizere no gutinyuka kuririmbira mu ruhame
        • Kujyanisha indirimbo n’umugendo
        • Kugira isuku no kwita ku bidukikije
  
  

  b) Imfashanyigisho:
        • Ibishushanyo cyangwa amafoto bigaragaza ibikorwa by’isuku no kubungabunga ibidukikije (umwana uri koga, kumesa imyenda, gukubura mu rugo, guharura ibyatsi mu rugo n’impande zaho, gutera ibiti, kuhira ibiti, indabo n’ibindi, kwirinda gukinira mu busitani n’ibindi.)
  • Ibikoresho bitandukanye byumvikanisha indirimbo.
  c) Uko isomo ritangwa:
  
  

  i) Intangiriro:
  • Umwarimu afasha abanyeshuri kujya mu matsinda.
  • Abanyeshuri bajya mu matsinda, bakaririmba indirimbo bazi cyangwabize ivuga ku isuku no kubungabunga ibidukikije.
  • Umwarimu abaza abanyeshuri utubazo dutandukanye, tuganisha ku
  isomo ry’umunsi:
  
  

  Ingero:
  1. Vuga ibyiza byo kugira isuku.
  = Biturinda indwara ziterwa no kugira umwanda, biduhesha agaciro
  2. Ni ibihe bikorwa bigaragaza isuku ukwiriye gukora?
  = Gukaraba buri munsi, kumesa imyenda, gukuraho ibihuru bikikije
  urugo, gukubura no gukoropa munzu ndetse no hanze yayo n’ibindi.
  3. Ibidukikije ni iki?
  = Ni ibintu byose bituzengurutse bigaragara aho dutuye n’aho tunyura.
  4. Tanga urugero rw’ibidukikije waba uzi.
  = Amashyamba, imigezi, imisozi, ibiyaga, amazu.
  
  

  ii. Isomo nyir’izina
  • Kwereka abanyeshuri ibishushanyo cyangwa amafoto: umwarimu yereka abanyeshuri ibishushanyo cyangwa amafoto bigaragaza ibikorwa by’isuku no kwita ku bidukikije yifashishije imfashanyigisho yitwaje. Abanyeshuri bo bitegereza ibyo umwarimu abereka, batuje.
  • Umwarimu asaba abanyeshuri kuvuga ibyo babona kuri ibyo bishushanyo cyangwa amafoto.
  • Umwarimu abaza abanyeshuri utubazo tuganisha ku isomo ry’umunsi ashingiye ku mfashanyigisho yifashishije.
  
  

  Indirimbo zo kwiga:
  Umwarimu ahitamo imwe muri izi ndirimbo yabanje kuzumva neza (akoresheje igikoresho cyumvikanisha indirimbo) no kuziga, kugira ngo arebe ikwiranye n’umwanya afite.
  
  

  Indirimbo ya 1: Gira isuku
  Gira isuku munyarwanda, kuko ari yo soko y’ubuzima Ni ukuvuga ko iyo urangwa n’isuku, uba wikingiye indwara nyinshi
  1. Isuku irage ituranga aho turi hose tuyigire Irangwe aho tuba mu ngo zacu, ndetse n’inkengero zaho zose.
  2. Umubiri nawo kandi buri gihe tuwugirire isuku. Ni ngombwa kunyura hose ukeye, nibwo uzaba umuntu ukwiye
  agaciro
  
  Indirimbo ya 2: Ibidukikije
  Ibidukikije ni ingirakamaro muze tubibungabunge
  1. Turwanye ba rutwitsi, tubarwanye.
  2. Turwanye ba rushimusi, tubarwanye.
  3. Dutere ibiti byinshi, tubitere.
  
  iii.Isuzuma
  Isuzuma rikorwa mu byiciro bibiri: ibibazo bijyanye no kuririmba n’ibibazo ibijyanye n’insanganyamatsiko.
  
  

  A) Kuririmba
  Umwarimu akoresha isuzuma ryo kuririmba, yubahiriza ibigenderwaho bivugwa mu ntangiriro y’uyu mutwe.
  
  

  A) Ibibazo biganisha ku nsanganyamatsiko y’indirimbo
  
  

  1. Gira isuku :
  a. Kuki ari ngombwa kugira isuku aho turi hose?
  b. Vuga ahantu hatandukanye tugomba kugirira isuku
  
  

  2. Ibidukikije :
  a.Kuki tugomba kubungabunga ibidukikije?
  b. Tanga ingero z’ibikorwa bitandukanye byangiza ibidukikije.
  c.Vuga nibura ibikorwa bitatu wakora bijyana no kwita ku bidukikije
  d. Ni iki wakora ubonye umuntu urimo kwangiza ibidukikije?
  
  

  Isomo rya gatatu : Indirimbo zivuga ku bumwe n’ubwiyunge
  
  

  a)Intego zihariye:
  •• Kwigana ibivugwa mu ndirimbo
  •• Kugorora amaboko no kunoza ijwi mu ndirimbo
  •• Kujyanisha indirimbo n’umugendo
  •• Kugira imigenzo mbonezabupfura iganisha ku bumwe n’ubwiyunge
  
  

  b) Imfashanyigisho:
  • Ibishushanyo cyangwa amafoto bigaragaza ibikorwa by’ubumwe n’ubwiyunge (Kubakira umuntu, gusaba imbabazi uwo wahemukiye, guhoberana nk’ikimenyetso cyo gutanga imbabazi, kunga abagiranye ibibazo n’ibindi.)
  • Ibikoresho bitandukanye byumvikanisha indirimbo.
  
  

  c) Uko isomo ritangwa
  i) Intangiriro
  • Umwarimu asaba abanyeshuri kuririmba indirimbo iyo ari yo yose bazi ivuga ku bumwe n’ubwiyunge. Bashobora kuririmbira hamwe iyo ari indirimbo bose bazi cyangwa se umwe uyizi akayiririmbira bagenzi be.
  • Mwarimu afasha abanyeshuri kujya mu matsinda
  • Umwarimu abaza abanyeshuri utubazo dutandukanye, tuganisha ku isomo ry’umunsi:
  

  Ingero: 1. Iyo mugenzi wawe agukoreye amakosa ubyitwaramo ute?
  = Birambabaza, ndarakara, ndamutonganya,...
  2. Wakora iki kugira ngo uwo wakosereje mwongere mube inshuti?
  = Namusaba imbabazi
  3. Wakwitwara ute uwakubabaje aramutse aje kugusaba imbabazi?
  = Namubabarira
  
  

  ii. Isomo nyir’izina:
  • Abanyeshuri bajya mu matsinda, bakaririmba indirimbo bazi cyangwa
  bize.
  • Kwereka abanyeshuri ibishushanyo cyangwa amafoto: umwarimu yereka abanyeshuri ibishushanyo cyangwa amafoto bigaragaza ibikorwa by’ubumwe n’ubwiyunge bigaragara ku mfashanyigisho yitwaje. Abanyeshuri bo bitegereza ibyo umwarimu abereka, batuje.
  • Umwarimu asaba abanyeshuri kuvuga ibyo babona kuri ibyo bishushanyo cyangwa amafoto.
  Indirimbo zo kwiga: Umwarimu ahitamo imwe muri izi ndirimbo yabanje kuzumva neza (akoresheje
  igikoresho cyumvikanisha indirimbo) no kuziga, kugira ngo arebe ikwiranye n’umwanya afite.
  
  

  Indirimbo ya 1: Turi abavandimwe
  Banyarwanda twese turi abavandimwe Abato n’abakuru, turangwe n’imbabazi kandi turwanye inzangano
  Tugire umutima n’umuco w’ubwiyunge
  1. Twirinde amacakubiri, tugire umutima n’umuco w’ubwiyunge
  2. Turwanye icyazana inzangano, tugire umutima n’umuco w’ubwiyunge
  3. Twimakaze umuco w’amahoro, tugire umutima n’umuco w’ubwiyunge
  4. Twubake inganzo y’amahoro, tugire umutima n’umuco w’ubwiyunge
  
  iii) Isuzuma
  Isuzuma rikorwa mu byiciro bibiri: ibibazo bijyanye no kuririmba n’ibibazo ibijyanye n’insanganyamatsiko.
  
  

  A. Kuririmba
  Umwarimu akoresha isuzuma ryo kuririmba, yubahiriza ibigenderwaho bivugwa
  mu ntangiriro y’uyu mutwe.
  
  

  B. Ibibazo biganisha ku nsanganyamatsiko y’indirimbo
  
  

  1. Turi abavandimwe
  a) Ni ibihe bikorwa bigaragaza umuco w’ubumwe n’ubwiyunge?
  B) Tanga urugero rw’ibikorwa bishobora guteza amakimbirane mu bantu.
  c) Tanga urugero rw’ibikorwa bishimangira imibanire myiza y’abantu.
  D) Ni iki wakora igihe wakosereje mugenzi wawe?
  
  

  Isomo rya kane : Indirimbo zivuga ku muco nyarwanda
  
  

  a) Intego zihariye:
  • Kwigana ibivugwa mu ndirimbo
  • Kugorora amaboko no kunoza ijwi mu ndirimbo
  • Kujyanisha indirimbo n’umugendo
  • Kurangwa n’umuco nyarwanda
  
  

  a) Imfashanyigisho:
  • Ibishushanyo cyangwa amafoto bigaragaza ibikorwa by’umuco nyarwanda (Kwambara neza wikwije, kubyina imbyino nyarwanda intore zihamiriza, kwakira neza abantu n’ibindi bikorwa by’imbonezabupfura bigaragaza umuco nyarwanda
  • Ibikoresho bitandukanye byumvikanisha indirimbo.
  
  

  c) Uko isomo ritangwa
  i.Intangiriro:
  • Umwarimu asaba abanyeshuri kuririmba indirimbo iyo ari yo yose bazi ivuga ku muco nyarwanda. Bashobora kuririmbira hamwe iyo ari indirimbo bose bazi cyangwa se umwe uyizi neza akayiririmbira bagenzi be bamuteze amatwi.
  • Mwarimu afasha abanyeshuri kujya mu matsinda
  • Umwarimu abaza abanyeshuri utubazo dutandukanye, tuganisha ku isomo ry’umunsi:

  Ingero: 1. Muvuge bimwe mu bintu biranga umuco nyarwanda.
  = Kubyina, guhamiriza (intore), gutabarana, gukunda igihugu, kwakirana urugwiro
  abatugana, imyambarire (imikenyero n’imyitero), kuvuga ururimirumwe, ubukwe n’ibindi.
  2. Ugendeye ku biranga umuco nyarwanda ni iki cyakwereka ko umuntu
  yataye
  umuco?
  = kwambara nabi, gusahinda, kunywa ibiyobyabwenge n’ibindi.
  
  

  Iii. somo nyir’izina
  • Kwereka abanyeshuri ibishushanyo cyangwa amafoto: umwarimu yereka abanyeshuri ibishushanyo cyangwa amafoto bigaragaza umuco nyarwanda bigaragara ku mfashanyigisho ari bukoreshe. Abanyeshuri bo bitegereza ibyo umwarimu abereka, batuje.
  • Umwarimu asaba abanyeshuri kuvuga ibyo babona kuri ibyo bishushanyo cyangwa amafoto.
  • Umwarimu abaza abanyeshuri utubazo dukurikira, tuganisha ku isomo ry’umunsi:
  

  Ingero: ni ibiki mubona kuri ibi bishushanyo cyangwa amafoto bigaragaza umuco nyarwanda?
  
  

  Indirimbo zo kwiga:
  Umwarimu yigisha indirimbo ikurikira yabanje kuyumva neza (akoresheje igikoresho cyumvikanisha indirimbo) no kuyiga,
  
  

  Indirimbo: Umuco w’iwacu
  Dukunde umuco w’iwacu udutoza ubupfura n’indangagaciro by’umuco nyarwanda bigatuma tugira agaciro mu bantu
  1. Mu muco w’iwacu, harimo gutabarana, harimo gufashanya tukabana mu mahoro.
  2. Mu muco w’iwacu, harimo kugira isuku, harimo no kubyina ndetse no guhamiriza.
  3. Mu muco w’iwacu, harimo no gusangira, harimo gutarama tukunguka ubumenyi
  4. Mu muco w’iwacu, harimo kugira urugwiro, harimo gukundana tukakira neza abatugana.
  5. Mu muco w’iwacu harimo no kwambara neza harimo kwiyubaha tukihesha
  agaciro
  
  iii. Isuzuma
  Isuzuma rikorwa mu byiciro bibiri: ibibazo bijyanye no kuririmba n’ibibazo ibijyanye n’insanganyamatsiko.
  
  

  A. Kuririmba
  Umwarimu akoresha isuzuma ryo kuririmba, yubahiriza ibigenderwaho bivugwa mu ntangiriro y’uyu mutwe.
  
  

  B.Ibibazo biganisha ku nsanganyamatsiko y’indirimbo
  1. Dukunde umuco w’iwacu (Kazindutsi Jean Damascene)
  • Vuga ibintu bitandukanye biranga umuco nyarwanda bivugwa muri iyi ndirimbo.
  • Muri byo ni ibihe bigaragaza umuco nyarwanda mu gace k’iwanyu?
  • Ugendeye ku ndirimbo wize, vuga ibyiza dusanga mu muco nyarwanda.
  • Ese ni ngombwa gukomera k’umuco nyarwanda? 
  Sobanura
  
  

  • Tanga urugero rufatika rugaragaza umuntu wataye umuco
  nyarwanda mu byerekeye:
  a) Imyambarire
  b) imitwarire
  • Vuga ibintu byose waba uzi bitandukanya umwana ufite uburere
  bwiza n’umwana Udafite uburere bwiza.
  
  

  Isomo rya gatanu: Indirimbo zivuga ku Mana
  a). Intego zihariye:
  • Kwigana ibivugwa mu ndirimbo
  • Kugorora amaboko no kunoza ijwi mu ndirimbo
  • Kurushaho kwigirira ikizere no gutinyuka kuririmbira mu ruhame
  • Kujyanisha indirimbo n’umugendo
  • Kubaha no gukunda Imana
  
  

  b. Imfashanyigisho:
  • Ibishushanyo cyangwa amafoto bigaragaza ibiremwa by’Imana
  n’ubudahangarwa bwayo (abantu, ukwezi, inyenyeri, isi, ibikoko
  bitandukanye ibiti indabo n’ibindi.)

  • Ibikoresho bitandukanye byumvikanisha indirimbo.

  
  

  c. Uko isomo ritangwa:
  i) Intangiriro:
  Umwarimu afasha abanyeshuri kujya mu matsinda.
  Umwarimu asaba abanyeshuri kuririmba indirimbo iyo ari yo yose ivuga ku Mana hatitawe ku idini iryo ari ryo ryose. Bashobora kuyiririmba nk’itsinda cyangwa umwe umwe hanyuma akababaza utubazo dutandukanye, tuganisha ku isomo ry’uwo munsi:
  
  

  Ingero: 1. Ni nde waremye ibi byose mubona: abantu, isi, ibiti ukwezi izuba
  n’ibindi.
  = Ni Imana
  2. Kuki abantu buri gihe bajya gusenga Imana?
  = Baba bayishimira ibyiza ibakorera buri munsi
  3. Ese abantu bose basengera mu idini rimwe? Kubera iki?
  = Oya. Kubera ko hari uburyo butandukanya abantu bakoresha basenga cyangwa basingiza Imana bitewe nabababwirije ubutumwa bwayo.
  
  

  ii. Isomo nyir’izina:
  Kwereka abanyeshuri ibishushanyo cyangwa amafoto: umwarimu yereka abanyeshuri ibishushanyo cyangwa amafoto bigaragaza ibiremwa by’Imana bigaragara ku mfashanyigisho y’isomo. Abanyeshuri bo bitegereza ibyo umwarimu abereka, batuje. Umwarimu asaba abanyeshuri kuvuga ibyo babona kuri ibyo bishushanyo
  cyangwa amafoto.
  
  

  Indirimbo zo kwiga:
  
  

  Indirimbo ya 1: Imana iradukunda
  Imana ni nziza Imana ni nziza
  Isumba byose iradukunda
  
  1. Niyo yaremye isi n’ijuru, Imana iradukunda.
  2. Niyo mahoro niyo mizero, Imana iradukunda.
  3. Nzayikorera nzayibyinira, Imana iradukunda
  
  Indirimbo ya 2: Imana ni nziza
  Imana ni nziza, Imana ni nziza niyo
  Rukundo rwahebuje, Imana ni nziza we!
  1. Ni yo nyir’impuhwe nyinshi, Imana ni nziza we!
  Ni nyir’imbabazi nyinshi, Imana ni nziza we!
  ni yo nyir’ubuntu bwinshi, Imana ni nziza we!
  2. Ni yo dukesha ubu buzima, Imana ni nziza we!
  Ni yo dukesha kuramba, Imana ni nziza we!
  Niyo dukesha kuramuka, Imana ni nziza we!
  
  
  

  iii. Isuzuma 
  rikorwa mu byiciro bibiri: ibibazo bijyanye no kuririmba n’ibibazoibijyanye n’insanganyamatsiko.
  
  

  A. Kuririmba
  Mwarimu asuzuma ko abana bashoboye kuririmba bigana neza ibivugwa mu ndirimbo kandi bajyanisha n’umugendo, asaba umunyeshuri umwe umwe kuririmba igice kimwe k’indirimbo. Bashobora no kubikorera mu itsinda.
  
  

  B. Ibibazo biganisha ku nsanganyamatsiko y’indirimbo
  1. Imana ni nziza
  a. Kuki tuvuga ko Imana ari nziza?
  b. Vuga ibintu bitandukanye bigaragaza ko Imana ari nziza.
  
  

  2. Imana iradukunda
  a. Ugendeye ku ndirimbo wize vuga ibintu bitandukanye bigaragaza ko Imana ikunda abantu.
  a. Ni iki wakora kugirango ushimishe Imana ushingiye ku byiza yakugiriye ndetse
  n’urukundo ikunda abantu?
  
  

  Incamake y’umutwe wa gatatu
  • Muri uyu mutwe wa gatatu wari ufite ubushobozi bw’ingenzi bugamijwe bwo kuririmba indirimbo hubahirizwa umugendo, wari ufite kandi intego rusange zikurikira:
  • Kujyanisha ijwi, intambwe n’amaboko
  • Kuririmba no kubyina mu ruhame wubahiriza umugendo n’injyana by’indirimbo
  • Kugira imigenzo mbonezabupfura
  • Mu ndirimbo ziherekejwe n’umudiho cyangwa zivuga ku kinyabupfura harimo imigenzo n’imigirire igomba kuranga umuntu warezwe neza kandi ufite ikinyabupfura nko kugira ubwitonzi, kudasuzugura, kubaha abakuru n’abo mungana, kwirinda imvugo nyandagazi n’ibindi, ibyo bikajyanishwa no kuririmba indirimbo wubahiriza injyana n’umugendo byayo.
  • Mu ndirimbo zivuga ku isuku n’ibidukikije: harimo kurangwa n’isuku aho turi hose nko gukaraba umubiri wose buri munsi, gukaraba intoki igihe umuntu avuye mu bwiherero, kumesa imyambaro buri gihe, gusukura mu rugo no mu nkengero zaho bituma twirinda
  indwara ziterwa no kugira umwanda, gufata neza no kubungabunga ibidukikije birimo nk’amashyamba, imigezi, ibyanya by’inyamaswa hirindwa kubyangiza, kumena no kujugunya imyanda aho tubonye hose.
  • Mu ndirimbo zivuga ku bumwe n’ubwiyunge harimo kugira umuco w’ubugwaneza, kudahemukirana, guca bugufi, gusaba imbabazi uwo wahemukiye, kudaheranwa n’agahinda cyangwa umujinya w’uwaguhemukiye, kwiremamo umuco wo kwakira no gutanga
  imbabazi.
  • Mu ndirimbo zivuga ku muco nyarwanda harimo kwimakaza no gusigasira umuco nyarwanda, guhuza imico itandukanye y’ahandi mu gihugu n’umuco w’aho utuye no kugira uburere bwiza bukwiye umwana w’u Rwanda.
  • Mu ndirimbo zivuga ku Mana harimo kumenya ko Imana ari yo Muremyi wa byose, ko ntawe ukwiye kwanga undi abitewe n’uko asa, uko areshya, uko yavutse, kuko abantu bose baremwe mu ishusho y’Imana kandi ntawahisemo kuvuka no kuvukira aho atuye.
  
  

  Isuzuma risoza umutwe wa gatatu
  1. Ni ibihe bikorwa biranga umwana ugira ikinyabupfura?
  2 Ugendeye ku ndirimbo wize, vuga akamaro ko kugira ikinyabupfura
  3 Umwana warezwe neza asubiza ate mu ishuri iyo hari icyo umwarimu amubajije?
  4.Umwana ushaka kugira ikinyabupfura yitwara ate iyo ari kumwe n’abantu bakuru?
  5.Vuga ibintu byose waba uzi bitandukanya umwana ufite uburere bwiza n’umwana udafite uburere
  6. Kuki ari ngombwa kugira isuku aho turi hose?
  7. Ririmba neza indirimbo twize ivuga ku bumwe n’ubwiyunge wubahiriza umugendo.
  8. Kuki tugomba kubungabunga ibidukikije?
  9. Tanga ingero z’ibikorwa bitandukanye byangiza ibidukikije.
  10. Ugendeye ku ndirimbo wize vuga ibintu bitandukanye bigaragaza ko Imana ikunda abantu.
  
  

  Ibisubizo biteganyijwe
  1. Kugira ubwitozi, kudakubagana, gusubiza igihe abajijwe, kudaca abandi mu ijambo, Gusuhuza abakuru, kumvira ababyeyi.
  2. Umwana ufite ikinyabupfura agirirwa ikizere, agira n’agaciro mu bandi.
  3. Asubizanya ubwitonzi kandi mu kinyabupfura yirinda imvugonyandagazi.
  4. Atega amatwi inama bamugira, arabubaha, ashobora no kubaza ibyo adasobanukiwe akabikora mu kinyabupfura.
  5. (a) Umwana ufite uburere bwiza: arubaha, yirinda kuzerera, afasha ababyeyi imirimo yo murugo (imirimo itavunanye iri mu kigero ke), iyo avuye ku ishuri yihutira gutaha, akunda bagenzi be, agisha inama
  ababyeyi.
  (b) Umwana udafite uburere: Arasuzugura (bagenzi be, ababyeyi be n’abamuruta), ajya kuzerera nta ruhushya, ariba, akoresha imvugo nyandagazi, aratukana.
  6. Kugira isuku biturinda indwara ziterwa no kugira umwanda, bituma dusa neza.
  7. Umwarimu asuzuma niba indirimbo iririmbwa neza hubahirizwa injyana yayo.
  8. Ibidukikije bidufitiye akamaro kanini harimo: kuduha umwuka mwiza, gukurura imvura, ubwihugiko bw’ibinyabuzima (inyamaswa z’ubwoko bwose), bikurura ba mukerarugendo bakazana amadovize (amafaranga yo mu mahanga), gusukura ikirere. Turabikoresha mu bintu bitandukanye, n’ibindi.
  9. Gutema amashyamba no kuyatwika, kumena imyanda ahatabugenewe, kwica inyamaswa, kumena imyanda mu mazi, kwituma ku gasozi, kwihagarika aho ubonye hose, kuragira amatungo ku gasozi n’ibindi.
  10. Itugirira impuhwe iyo twacumuye, Yatwoherereje umwana wayo ngo aducungure, idusezeranya ubugingo bw’iteka ni dukora ibyiza, niyo dukesha ubuzima, niyo dukesha kuramba, ni nyir’ubuntu buhebuje,
  yaturemye mu ishusho yayo, yaduhaye ubwenge n’umutima.
  Icyitonderwa: Kuri ibi bisubizo byateganyijwe Umwarimu ashobora kongeraho
  ibindi no kwemera ibindi bisubizo byatanzwe n’abanyeshuri mu gihe abona ko
  bijyanye n’ibibazo byabajijwe.
  
  

  Imyitozo y’inyongera
  
  

  Imyitozo nzamurabushobozi:
  Ririmba indirimbo iyo ariyo yose mwize mu ishuri ivuga ku Mana. Iki kibazo gihabwa abanyeshuri bagaragaje ikibazo cyo kutanoza ijwi neza cyangwa kudahuza neza indirimbo n’umugendo wayo. Umwarimu agerageza kuririmbana na we, uko atera agatambwe akamusaba gusubiramo: Ririmba indirimbo “Ibidukikije” (reba mu isomo rya kabiri indirimbo ya kabiri) Iki kibazo gihabwa abanyeshuri bagaragaje ikibazo cyo gufata mu mutwe.
  Umwarimu amusaba kuririmba agace gato k’indirimbo, agenda agasubiramo, nyuma akaririmba nk’igika cyose kugeza aririmbye indirimbo yose: Ririmba indirimbo mwize muri iki gihembwe ivuga ku kinyabupfura. Iki kibazo gihabwa abanyeshuri bagaragaje ikibazo cyo kugira ubwoba bwo kuririmbira mu ruhame. Umwarimu asaba umunyeshuri kumuririmbira
  we ubwe, yabikora neza akamusaba kuririmbira mu itsinda, yabikora neza
  akamusaba kuririmbira imbere y’abandi banyeshuri bose:
  Ririmba indirimbo “Gira umunsi mwiza” indirimbo ivuga ku kwifuriza umunsi mwiza uwizihiza isabukuru y’amavuko.
  Iki kibazo gihabwa abanyeshuri bagaragaje ubushobozi buke bwo kwigana ibivugwa mu ndirimbo cyangwa kugaragaza imbamutima zikubiye mu ndirimbo: aha, asaba abana nka bane akabicaza ahantu, hanyuma agasaba umunyeshuri uhabwa uwo mwitozo kuririmba indirimbo ku kwizihiza isabukuru y’amavuko, akayiririmba abwira ba bana, buri wese amuvuga mu izina kandi amureba, anamukoraho.
  Ibisubizo:
  Muri ibi bibazo, umwarimu agenzura niba ibisabwa kuri buri ntangiriro y’ikibazo
  byubahirizwa, agashyira ingufu aho bikenewe.
  
  

  • Imyitozo nyagurabushobozi
  1. a) Ririmba indirimbo “Tubungabunge ibidukikije” (Isomo rya 2, indirimbo ya kabiri) wigana neza ibivugwamo kandi wubahiriza injyana
  n’umugendo wayo.
  b) Sobanura icyo wakora kugira ngo ubungabunge ibidukikije biri aho
  utuye
  2) a) Ni iki wakora ubonye umuntu (abantu) urimo kwangiza ibidukikije?
  b) Tanga urugero rw’ibidukikije biri aho utuye bikwiye kubungabungwa.
  
  

  Ibisubizo:
  1. a) Umunyeshuri aririmba indirimbo agaragaza imbamutima zose ziri mu
  ndirimbo (kubyina, kumwenyura, gukoma amashyi...).
  b) Bimwe mu bikorwa byo kubungabunga ibidukikije:
  • Gutera amashyamba
  • Gutera ubusitani mu rugo, ku ishuri n’ahandi hose hashoboka
  hateganijwe
  • Kwirinda kumena cyangwa kujugunya imyanda aho tubonye
  • Kutituma cyangwa kwihagarika ku gasozi
  • Kurwanya isuri haterwa ibyatsi bifata ubutaka
  • Gutanga amakuru kubantu bangiza ibidukikije nka ba rutwitsi
  abashimuta inyamaswa.
  2. a) Kuri iki kibazo umwarimu asuzuma niba umunyeshuri ashobora gutanga ibisubizo
  • atekereje we ubwe. Bimwe mu bisubizo kuri iki kibazo:
  • Kumusobanurira akamaro k’ibidukikije gutanga amakuru kandi ku gihe
  b)
  • Amashyamba
  • imigezi
  • ubusitani buteyemo ibyatsi n’ibiti
  
  

  IBITABO BYIFASHISHIJWE
  Emma D. (1970). Children discover music and dance, New York
  Judy T. (1990). Understanding music, London
  Ministry of Education, REB 2015. Integanyanyigisho y’Ubugeni n’Ubuhanzi, Ikiciro cya
  mbere cy’amashuri abanza, Kigali
  Ministry of Education, NCDC (2010) Teacher’s music reference book in primary school,
  Kigali
  Iki gitabo kigenewe umwarimu wigisha isomo rya Muzika mu mwaka wa kabiri
  w’amashuri abanza. Ni igitabo kijyanye n’integanyanyigsho ivuguruye ishingiye
  ku bushobozi yemejwe na Minisiteri y’uburezi muri Mata 2015. Ibiri muri iki gitabo
  bibumbatiye indangagaciro z’umuco nyarwanda zigaragara mu nteganyanyigisho.
  Iki gitabo kizafasha umwarimu nk’imwe mu mfashanyigisho azakenera mu kwigisha
  isomo ry’ubuhanzi/Muzika. Gikoze ku buryo umwarimu wigisha ahera ku byo umwana
  azi, abona mu buzima bwa buri munsi, bikamufasha kwivumburira ibishya. Umunyeshuri
  ahabwa uruhare runini mu bikorwa bimugeza ku bumenyingiro n’ubukesha bizamufasha
  guhinduka neza, afite icyo ashobora gukora cyamuteza imbere, ndetse kigateza imbere
  n’umuryango rusange w’abantu.
  Si ihame gukoresha ibikoresho byakoreshejwe muri iki gitabo gusa, umwarimu
  ashobora kwifashisha ibindi bikoresho biboneka aho atuye, ikigamijwe ni ukubakamo
  umunyeshuri ubushobozi mu byerekeye ubuhanzi/Muzika.
  
  
  
  
  
  
  
  
  
  3.1Ubushobozi bw’ingenzi bugamijwe
  3.2.Ubushobozi shingiro

  Mark as done